ಕೂದಲುದುರುವ ಸಮಸ್ಯೆಗೆ ನೆಲ್ಲಿಕಾಯಿ-ತೆಂಗಿನಎಣ್ಣೆಯ ಚಿಕಿತ್ಸೆ

ಕೂದಲ ಆರೈಕೆ ಎಲ್ಲರ ಹೊಣೆಗಾರಿಕೆ. ಇತ್ತೀಚೆಗಂತೂ ವಿಶೇಷವಾಗಿ ಮಹಿಳೆಯರು ಈ ನಿಟ್ಟಿನಲ್ಲಿ ಹೆಚ್ಚಿನ ಕಾಳಜಿ ತೋರಿಸುತ್ತಿದ್ದಾರೆ. ಆದರೆ ಕೆಲವು ತಪ್ಪು ತಿಳುವಳಿಕೆಗಳಿಂದ ಅರಿಯದ ರಾಸಾಯನಿಕ ಉತ್ಪನ್ನಗಳನ್ನು ಕೂದಲ ಆರೈಕೆಗೆ ಬಳಸಿ ಅಪೇಕ್ಷಿಸಿದ ಫಲಿತಾಂಶ ಹೊಂದದೆ ನಿರಾಸೆ ಅನುಭವಿಸುತ್ತಿದ್ದಾರೆ ಅಲ್ಲದೇ ಈ ರಾಸಾಯನಿಕ ವಿಧಾನಗಳಿಂದ ಅಡ್ಡಪರಿಣಾಮಗಳು ಉಂಟಾಗಿ ಇನ್ನು ಹೆಚ್ಚಿನ ಸಮಸ್ಯೆಗಳನ್ನು ಆಹ್ವಾನಿಸಿಕೊಳ್ಳುತ್ತಿದ್ದಾರೆ. ಈ ಸಮಸ್ಯೆಯ ಸುಲಭ ಪರಿಹಾರಕ್ಕಾಗಿ ನೈಸರ್ಗಿಕ ವಿಧಾನಗಳನ್ನು ಅನುಸರಿಸುವುದು ಹೆಚ್ಚು ಸೂಕ್ತ. ಏಕೆಂದರೆ ನೈಸರ್ಗಿಕ ವಿಧಾನಗಳಲ್ಲಿ ಪರಿಣಾಮಕಾರಿಯಾಗಿ ಸಮಸ್ಯೆ ನಿವಾರಣೆಯಾಗುವುದಲ್ಲದೇ ಅಡ್ಡಪರಿಣಾಮಗಳು ಬರದಂತೆ ನೋಡಿಕೊಳ್ಳುತ್ತದೆ.

ಈ ಲೇಖನದಲ್ಲಿ ಕೂದಲುದುರುವ ಸಮಸ್ಯೆಗೆ ನೈಸರ್ಗಿಕ ವಿಧಾನದ ಪರಿಹಾರವನ್ನು ಸೂಚಿಸಲಾಗಿದೆ. ಕೂದಲುಗಳ ಉದುರುವಿಕೆಗೆ ಅನೇಕ ಕಾರಣಗಳಿದ್ದು, ಮುಖ್ಯವಾಗಿ ಅನಾರೋಗ್ಯಕರ ಆಹಾರ ಪದ್ಧತಿ ಮತ್ತು ಜೀವನ ಶೈಲಿಯಲ್ಲಿನ ಅಂಶಗಳು ಕಾರಣಗಳಾಗಿವೆ. ನೀವು ಕೂದಲು ಬಾಚಿಕೊಳ್ಳುವಾಗ ಬಾಚಣಿಗೆಯಲ್ಲಿ ಅನೇಕ ಕೂದಲ ತುಂಡುಗಳನ್ನು ಕಂಡಲ್ಲಿ, ನಿಧಾನಿಸದಿರಿ. ನಾವು ಈ ಲೇಖನದಲ್ಲಿ ತಿಳಿಸಿರುವ ನೈಸರ್ಗಿಕವಾದ ಕೇಶದ ಮಾಸ್ಕ್ ಅನ್ನು ಉಪಯೋಗಿಸಿ ಕೂದಲುದುರುವ ಸಮಸ್ಯೆಯಿಂದ ಮುಕ್ತರಾಗಿ.

*ಮೊದಲು ಎರಡು ಚಮಚ ನೆಲ್ಲಿಕಾಯಿ ಪುಡಿಯನ್ನು ಬಟ್ಟಲಿನಲ್ಲಿ ಹಾಕಿಕೊಳ್ಳಿ
*ಇದಕ್ಕೆ ಎರಡು ಚಮಚ ಕಚ್ಚಾ ಅಥವಾ ಸಂಸ್ಕರಿಸಿದ ತೆಂಗಿನ ಎಣ್ಣೆಯನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ. ತೆಂಗಿನ ಎಣ್ಣೆಯು ಗಟ್ಟಿಯಾಗಿದ್ದಲ್ಲಿ ಅದಕ್ಕೆ ಮೈಕ್ರೊವೇವ್ ನಲ್ಲಿ ಕರಗಲು ಶಾಖ ಕೊಡಿ.
*ನಂತರ 1 ಚಮಚ ಹರಳೆಣ್ಣೆಯನ್ನು ಬೆರೆಸಿಕೊಳ್ಳಿ.
*ಅಂತಿಮವಾಗಿ 4 ರಿಂದ 5 ಹನಿ ರೋಸ್ ಮೆರಿ ತೈಲವನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
*ನಿಮ್ಮ ಕೂದಲಿಗೆ ಮಾಸ್ಕ್ ಇದೀಗ ಸಿದ್ಧ.

ಉಪಯೋಗಿಸುವ ಕ್ರಮ
*ಬ್ರಶ್‌ನ ಸಹಾಯದಿಂದ ಕ್ರಮವಾಗಿ ಸಮವಾಗಿ ನೆತ್ತಿಯ ಚರ್ಮದ ಭಾಗಕ್ಕೆ ಹಚ್ಚಿಕೊಳ್ಳಿ.
*ಸಂಪೂರ್ಣವಾಗಿ ತಲೆಯ ಚರ್ಮಕ್ಕೆ ಹಚ್ಚಿಕೊಂಡಿರುವುದನ್ನು ಖಚಿತಪಡಿಸಿಕೊಂಡು, ಶವರ್ ಕ್ಯಾಪ್ ಅನ್ನು ಬಳಸಿ ಮುಚ್ಚಿಕೊಳ್ಳಿ.
*ನಂತರ ಸುಮಾರು 2 ಗಂಟೆಗಳ ಕಾಲ ಹಾಗೆಯೇ ಬಿಟ್ಟು ಸೌಮ್ಯವಾದ ಶಾಂಪೂವಿನಿಂದ ಸ್ವಚ್ಛಗೊಳಿಸಿ.

ಪ್ರಯೋಜನಗಳು
*ನೆಲ್ಲಿಕಾಯಿ ಪುಡಿಯಲ್ಲಿ ವಿಟಮಿನ್ ಸಿ ಸತ್ವವಿದ್ದು, ಕೂದಲ ಉತ್ಪತ್ತಿ ಮತ್ತು ಸಮೃದ್ಧ ಬೆಳವಣಿಗೆಗೆ ನೆರವಾಗುತ್ತದೆ.
*ತೆಂಗಿನ ಎಣ್ಣೆಯು ಚರ್ಮದ ಒಳಭಾಗಕ್ಕೆ ಹರಿದು ಒಳಗಿನಿಂದಲೇ ತೇವಾಂಶವನ್ನು ನೀಡುತ್ತದೆ. ಇದರಿಂದ ಕೇಶವು ಕಾಂತಿಯುಕ್ತಗೊಂಡು ನಳನಳಿಸುತ್ತದೆ.
*ಹರಳೆಣ್ಣೆಯಲ್ಲಿ ವಿಟಮಿನ್ ಇ ಮತ್ತು ಒಮೆಗಾ 6 ಮತ್ತು 9 ಅವಶ್ಯಕ ಬೊಜ್ಜಿನ ಅಂಶಗಳಿದ್ದು, ಕೂದಲುದುರುವಿಕೆಯನ್ನು ಮತ್ತು ಕೂದಲು ತುಂಡಾಗುವುದನ್ನು ತಡೆದು ಕೂದಲು ಸದೃಢಗೊಳ್ಳಲು ನೆರವಾಗುತ್ತದೆ.
*ರೋಸ್ ಮೆರಿ ತೈಲವು ನೆತ್ತಿಯ ಚರ್ಮದಲ್ಲಿ ರಕ್ತ ಚಲನವನ್ನು ಸುಗಮಗೊಳಿಸಿ ಕೇಶದ ಶೀಘ್ರ ಬೆಳವಣಿಗೆಗೆ ನೆರವಾಗುತ್ತದೆ. ಇದರಲ್ಲಿರುವ ಸತ್ವವು ಕೇಶಕ್ಕೆ ಹೆಚ್ಚಿನ ಆರೈಕೆ ನೀಡುವುದಲ್ಲದೆ ನಳನಳಿಸುವಂತೆ ಮಾಡುತ್ತದೆ. ಈ ವಿಧಾನವನ್ನು ಒಂದು ತಿಂಗಳ ಕಾಲ ವಾರಕ್ಕೆ ಎರಡು ಬಾರಿ ಅನುಸರಿಸಿದರೆ ವ್ಯತ್ಯಾಸ ನಿಮಗೇ ತಿಳಿಯುತ್ತದೆ. ನಿಮ್ಮ ಅಭಿಪ್ರಾಯಗಳಿಗೆ ಸದಾ ಸ್ವಾಗತ.