For Quick Alerts
ALLOW NOTIFICATIONS  
For Daily Alerts

ಕೂದಲುದುರುವ ಸಮಸ್ಯೆಗೆ, ಒಂದೇ ನಿಮಿಷದಲ್ಲಿ ಚಿಕಿತ್ಸೆ!

By CM Prasad
|

ಕೂದಲು ನಿಜಕ್ಕೂ ಮಾನವನ ನೈಸರ್ಗಿಕ ಆಭರಣವೇ ಸರಿ. ಕೂದಲ ಆರೈಕೆಯ ಬಗ್ಗೆ ಈಗಾಗಲೇ ಸಾಕಷ್ಟು ಸಂಗತಿಗಳನ್ನು ನಿಮ್ಮೊಂದಿಗೆ ಹಂಚಿಕೊಂಡಿದ್ದೇವೆ. ಒಟ್ಟಾರೆಯಾಗಿ ಕೂದಲ ಆರೈಕೆಯನ್ನು ನಿರ್ಲಕ್ಷಿಸದಿರಿ. ಕೂದಲು ಉದುರುವಿಕೆಯಿಂದ ನೀವು ಬಳಲುತ್ತಿದ್ದರೆ, ಕೂದಲಿನ ಬೇರಿನ ಭಾಗಕ್ಕೆ ಅವಶ್ಯಕತೆಗನುಸಾರ ರಕ್ತ ಸಂಚಾರ ಆಗುತ್ತಿರುವುದಿಲ್ಲ. ಈ ಸಮಸ್ಯೆಯನ್ನು ನಿವಾರಿಸಲು ಇಲ್ಲಿದೆ ಒಂದು ಉಪಾಯ.

ಕೂದಲಿನ ಬೇರಿನ ಭಾಗದ ಚರ್ಮವನ್ನು ತಿಕ್ಕುವ ಪ್ರಕ್ರಿಯೆ. ಹೌದು, ಕೇಶ ತಜ್ಞರು ಹೇಳುವ ಪ್ರಕಾರ ಕೂದಲನ್ನು ಸ್ವಚ್ಛಗೊಳಿಸಿದ ನಂತರ ನಿಮ್ಮ ಬೆರಳುಗಳಿಂದ ಕೂದಲ ಬೇರಿನ ಚರ್ಮದ ಭಾಗವನ್ನು ಚೆನ್ನಾಗಿ ತಿಕ್ಕಿದರೆ ಕೇಶ ಉದುರುವ ಸಮಸ್ಯೆಯಿಂದ ದೂರವಾಗಬಹುದು. ಇದು ನಿಜಕ್ಕೂ ಉತ್ತಮ ಪರಿಹಾರ.

ಇದು ಹೇಗೆ ಉಪಯೋಗವಾಗುತ್ತದೆ

ಈ ಸಮಸ್ಯೆಗೆ ಮನೆಯಲ್ಲಿಯೇ ತಲೆಯ ಮೇಲ್ಭಾಗದ ಚರ್ಮವನ್ನು ತಿಕ್ಕುವ ಅಭ್ಯಾಸದಿಂದ ಸೂಕ್ತ ಪರಿಹಾರವು ತಕ್ಷಣದಲ್ಲೇ ಲಭಿಸುತ್ತದೆ. ಇದನ್ನು ತಣ್ಣನೆಯ ನೀರಿನಿಂದ ಸ್ವಚ್ಛಗೊಳಿಸಿದ ನಂತರ ತೇವಾಂಶ ಇರುವಾಗಲೇ ತಿಕ್ಕುವ ಕ್ರಿಯೆಯನ್ನು ಅನುಸರಿಸಬೇಕಾಗುತ್ತದೆ. ಇದು ಸಬಾಷಿಯಸ್ ಗ್ಲಾಂಡ್ ಗೆ ಚೈತನ್ಯ ತುಂಬಿ ಈ ಭಾಗಕ್ಕೆ ರಕ್ತ ಸಂಚಾರವನ್ನು ಸುಗಮಗೊಳಿಸುತ್ತದೆ. ಇದರಿಂದ ನಿಮ್ಮ ಕೇಶವು ಹೆಚ್ಚು ಆರೋಗ್ಯದಿಂದ ಬೆಳವಣಿಗೆಯಾಗುತ್ತದೆ. ಕೂದಲಿನ ಆರೈಕೆಯಲ್ಲಿ ಪಾಲಿಸಬಹುದಾದ 10 ವಿಧಾನಗಳು

ನೀವೇನು ಮಾಡಬೇಕು..?

ಮೊದಲು ನಿಮ್ಮ ಕೂದಲನ್ನು ಎಂದಿನಂತೆ ಸ್ವಚ್ಛಗೊಳಿಸಿ. ನಂತರ ತಣ್ಣನೆಯ ನೀರಿನಿಂದ ಕೊನೆಯದಾಗಿ ತೊಳೆದುಕೊಳ್ಳಿ. ಇದು ಚಿಕ್ಕಚಿಕ್ಕ ರಂಧ್ರಗಳನ್ನು ಮುಚ್ಚಿ, ಕೂದಲುಗಳು ಒಣಗದಂತೆ ತಡೆದು ಒರಟಾಗದಂತೆ ನೋಡಿಕೊಳ್ಳುತ್ತದೆ. ಹೀಗೆ ಮಾಡಿದ ಮೇಲೆ ವಸ್ತ್ರದಿಂದ ಕೇಶವನ್ನು ಒಣಗಿಸಿ. ಈಗ ನಿಮ್ಮ ಕೈ ಬೆರಳುಗಳನ್ನು ಕೂದಲ ಬೇರಿನ ಚರ್ಮದ ಭಾಗಕ್ಕೆ ವೃತ್ತಾಕಾರದಲ್ಲಿ ಚೆನ್ನಾಗಿ ತಿಕ್ಕಲು ಪ್ರಾರಂಭಿಸಿ.

ಎಚ್ಚರಿಕೆ, ಈ ಪ್ರಕ್ರಿಯೆಯನ್ನು ನಿಧಾನವಾಗಿ ಏಕರೂಪದ ಒತ್ತಡ ಹಾಕಿ ನಯವಾಗಿ ತಿಕ್ಕಿ. ನಿಮ್ಮ ಉಗುರುಗಳ ಬಗ್ಗೆ ಗಮನವಿರಲಿ. ಏಕೆಂದರೆ ಉಗುರುಗಳ ತಿಕ್ಕುವಿಕೆಯಿಂದ ಕೂದಲುಗಳು ತುಂಡಾಗುವ ಅಪಾಯವಿರುತ್ತದೆ. ಚರ್ಮಕ್ಕೂ ಹಾನಿಯುಂಟು ಮಾಡಿ ಅಪಾಯ ಉಂಟು ಮಾಡುತ್ತದೆ.

English summary

Try this 1-minute home remedy for hairfall

If you have been suffering from hair fall, there are chances that your scalp isn’t getting enough blood supply. Here’s a remedy that can work wonders — massaging your scalp! According to the hair experts , “Vigorous rubbing of your scalp with the pads of your fingers after washing your hair is one of the most effective home remedies for prevention and treatment of hair fall.”
X