ಪುದೀನಾ ಎಲೆಗಳಿಂದ ಕೂದಲಿನ ಸೌಂದರ್ಯ ಹೆಚ್ಚಿಸಿಕೊಳ್ಳಿ

ಮೊದಲನೆ ವಿಧಾನ

ಪುದೀನಾ ಎಲೆಗಳನ್ನು ಹಸಿಯಾಗಿಯೇ ರುಬ್ಬಿ ಅದಕ್ಕೆ ಇತರೆ ಮಿಶ್ರಣಗಳನ್ನು ಸೇರಿಸಿ ಬಳಕೆ ಮಾಡಬಹುದು. ಯಾವುದನ್ನು ಮಿಶ್ರಣ ಮಾಡಬಹುದು ಮತ್ತು ಅದ್ರಿಂದಾಗುವ ಲಾಭಗಳ ಬಗ್ಗೆ ತಿಳಿದುಕೊಳ್ಳಲು ಮುಂದೆ ಓದಿ..

ಎರಡನೇ ವಿಧಾನ

ಒಂದಷ್ಟು ಪುದೀನಾ ಎಲೆಗಳನ್ನು ಸ್ವಚ್ಛಗೊಳಿಸಿ ಅವುಗಳ ಕಡ್ಡಿ ಅಥವಾ ಕಾಂಡದ ಭಾಗವನ್ನೂ ಕೂಡ ಬಿಸಿಲಿನಲ್ಲಿ ಒಣಗಿಸಿ ಇಟ್ಟುಕೊಂಡು, ಅದರ ಪುಡಿಯನ್ನು ತಯಾರಿಸಿ ಇಟ್ಟುಕೊಳ್ಳಬಹುದು. ಇದು ನಿಮ್ಮ ಅಡುಗೆಯಲ್ಲೂ ಫ್ಲೇವರ್ ಆಗಿ ಬಳಕೆ ಮಾಡಬಹುದು..

ಡ್ಯಾಂಡ್ರಫ್ ನಿವಾರಣೆಗೆ ಪುದೀನಾ ಎಲೆಗಳು

ಹಸಿಯಾದ ಪುದೀನಾ ಎಲೆಗಳಾಗಿದ್ದಲ್ಲಿ ಅದನ್ನು ರುಬ್ಬಿಕೊಂಡು ಅದಕ್ಕೆ ಲಿಂಬೆರಸ ಸೇರಿಸಿ ಕೂದಲಿಗೆ ಹಚ್ಚಿಕೊಂಡ್ರೆ ಡ್ಯಾಂಡ್ರಫ್ ನಿವಾರಣೆಯಾಗಿ ಶೈನಿ ಕೂದಲು ನಿಮ್ಮದಾಗುತ್ತೆ. ಒಂದುವೇಳೆ ಒಣಗಿಸಿದ ಪುಡಿಯನ್ನ ಬಳಕೆ ಮಾಡೋದ್ರಿಂದ ಲಿಂಬೆರಸವನ್ನು ಅದಕ್ಕೆ ಚೆನ್ನಾಗಿ ಮಿಕ್ಸ್ ಮಾಡಿ, ಅರ್ಧ ಅಥ್ವಾ ಮುಕ್ಕಾಲು ತಾಸಿನ ನಂತ್ರ ಹೇರ್ ವಾಷ್ ಮಾಡಿಕೊಳ್ಳಿ,.

ತುರಿಕೆ ನಿವಾರಕವಾಗಿ ಪುದೀನಾ

ಪುದೀನಾ ಎಲೆಗಳಿಗೆ ಸ್ವಲ್ಪ ಅಲವೀರಾ ರಸ ಮತ್ತು ಲಿಂಬೆರಸ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ ಕೂದಲಿಗೆ ಅಪ್ಲೈ ಮಾಡಿ ನೋಡಿ..ತುರಿಕೆಯ ಸಮಸ್ಯೆ ನಿವಾರಣೆಯಾಗಿ ಕೂದಲು ಶೈನಿಯಾಗಿ ಬೇಗ ಬೆಳವಣಿಗೆಯಾಗಲು ಈ ಮಿಶ್ರಣ ನೆರವಾಗುತ್ತೆ.

ಕೂದಲಿಗೆ ಬೆಸ್ಟ್ ಕಂಡೀಷನರ್ ಪುದೀನಾ

ಕೆಲವು ಪುದೀನಾ ಎಲೆಗಳನ್ನು ನೀರಿಗೆ ಹಾಕಿ ಚೆನ್ನಾಗಿ ಕುದಿಸಿ. ಆ ನೀರನ್ನು ಪ್ರತಿದಿನ ನಿಮ್ಮ ಕೂದಲಿಗೆ ಬಳಸಿದ್ರೆ, ಇದಕ್ಕಿಂತ ಬೆಸ್ಟ್ ಕಂಡೀಷನರ್ ನಿಮ್ಮ ಕೂದಲಿಗೆ ಮತ್ತೊಂದಿರಲಿಕ್ಕಿಲ್ಲ. ಟ್ರೈ ಮಾಡಿ ನೋಡಿ. ಡ್ರೈ ಆಗಿ, ಕಡ್ಡಿಕಡ್ಡಿಯಂತೆ ಕಾಣುವ ನಿಮ್ಮ ಕೂದಲು ಫಳಫಳ ಹೊಳೆಯಲು ಈ ಮಿಂಟ್ ಜ್ಯೂಸ್ ನೆರವಾಗಲಿದೆ.

ಹೇನುಗಳ ನಿವಾರಣೆಗೆ ಪುದೀನಾ ಎಲೆಗಳು

ಯಾರ ತಲೆಯಲ್ಲಿ ಹೇನುಗಳಿವೆಯೋ ಅಂತವರು ವಾರಕ್ಕೆ ಮೂರು ನಾಲ್ಕು ಬಾರಿ ಪುದೀನಾ ಎಲೆಗಳನ್ನು ತಮ್ಮ ಕೂದಲಿಗೆ ಹಚ್ಚಿಕೊಂಡ್ರೆ ಕೆಲವೇ ವಾರಗಳಲ್ಲಿ ಹೇನುಗಳಿಂದ ಮುಕ್ತಿ ಪಡೀಬಹುದು. ಕೆಲವು ಪುದೀನಾ ಎಲೆಗಳನ್ನು ಕೊಬ್ಬರಿ ಎಣ್ಣೆಗೆ ಹಾಕಿ ಚೆನ್ನಾಗಿ ಕುದಿಸಿ, ಆರಿಸಿ ಆ ಎಣ್ಣೆಯನ್ನು ಕೂದಲಿಗೆ ಅಪ್ಲೈ ಮಾಡಿಕೊಳ್ಳೋದ್ರಿಂದಲೂ ಕೂಡ ಹೇನುಗಳು ನಿವಾರಣೆಯಾಗುತ್ತೆ.