ಕೂದಲಿನ ಸೀಳು ತುದಿಯ ಸಮಸ್ಯೆಗೆ-ಬಾಳೆಹಣ್ಣಿನ ಪ್ಯಾಕ್

ಬಾಳೆಹಣ್ಣು ಮತ್ತು ಮೊಟ್ಟೆ

ಒಂದು ಪಾತ್ರೆಗೆ ಮೊಟ್ಟೆಯ ಬಿಳಿಭಾಗ ಮತ್ತು ಬಾಳೆಹಣ್ಣನ್ನು ಹಾಕಿ. ಎರಡನ್ನೂ ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ. ಸೀಳ್ಗೂದಲಿನ ನಿವಾರಣೆಗಾಗಿ ವಾರಕ್ಕೊಮ್ಮೆ ಈ ಪ್ಯಾಕ್ ಅನ್ನು ಕೂದಲಿಗೆ ಬಳಸಿ. ಮೊಟ್ಟೆಯು ಪ್ರೋಟೀನ್ ಅನ್ನು ಒಳಗೊಂಡಿರುವುದರಿಂದ ನಿಮ್ಮ ಕೂದಲನ್ನು ಮೃದುವಾಗಿಸುತ್ತದೆ.

ಬಾಳೆಹಣ್ಣು ಮತ್ತು ತೆಂಗಿನೆಣ್ಣೆ

ಪಾತ್ರೆಗೆ ಬಾಳೆಹಣ್ಣನ್ನು ಹಾಕಿ. ಇದಕ್ಕೆ 2 ಚಮಚ ತೆಂಗಿನೆಣ್ಣೆಯನ್ನು ಸೇರಿಸಿ. ಈ ಮಿಶ್ರಣವನ್ನು ಚೆನ್ನಾಗಿ ಕಲಸಿಕೊಂಡು ತಲೆಬುರುಡೆಗೆ ಮಸಾಜ್ ಮಾಡಿಕೊಳ್ಳುತ್ತಾ ಕೂದಲಿಗೆ ಹಚ್ಚಿಕೊಳ್ಳಿ. ಈ ಪ್ಯಾಕ್ ಸೀಳ್ಗೂದಲನ್ನು ನಿವಾರಿಸುವುದರ ಜೊತೆಗೆ ದಪ್ಪನೆಯ ಹೊಳೆಯುವ ಕೂದಲನ್ನು ನಿಮಗೆ ನೀಡುವುದು ಖಂಡಿತ.

ಬಾಳೆಹಣ್ಣು ಮತ್ತು ಜೇನು

ನಿಮ್ಮ ಕೂದಲು ವಿಪರೀತ ಉದುರುತ್ತಿದೆ ಎಂದಾದಲ್ಲಿ, ಈ ಸಮಸ್ಯೆಯನ್ನು ನಿವಾರಿಸಲು ಇರುವ ಮಾರ್ಗವೆಂದರೆ ಜೇನಾಗಿದೆ. ಬಾಳೆಹಣ್ಣು ಮಿಶ್ರಣಕ್ಕೆ ಎರಡು ಚಮಚಗಳಷ್ಟು ಜೇನು ಸೇರಿಸಿ. ಕೂದಲುದುರುವ ಸಮಸ್ಯೆಯನ್ನು ನಿವಾರಿಸಲು ಅಂತೆಯೇ ಸೀಳ್ಗೂದಲಿನ ಸಮಸ್ಯೆ ಪರಿಹಾರಕ್ಕಾಗಿ ಈ ಮಿಶ್ರಣವನ್ನು ಹೇರ್ ಮಾಸ್ಕ್‎ನಂತೆ ಬಳಸಿ.

ಬಾಳೆಹಣ್ಣು ಮತ್ತು ಆಲೀವ್ ಆಯಿಲ್

ತಲೆಬುರುಡೆಯ ಮಾಯಿಶ್ಚರೈಸ್ ಮಾಡಲು ಮತ್ತು ಸೀಳುಗೂದಲಿನ ನಿವಾರಣೆಗಾಗಿ ಆಲೀವ್ ಆಯಿಲ್ ಅನ್ನು ಬಳಸಲಾಗುತ್ತದೆ.ಬಾಳೆಹಣ್ಣಿನಿಂದ ಕೂದಲನ್ನು ಮಸಾಜ್ ಮಾಡಿದ ನಂತರ ಆಲೀವ್ ಆಯಿಲ್ ಮಸಾಜ್ ಅನ್ನು ಮಾಡಿ. ಈ ಕೂದಲಿನ ಕಾಳಜಿ ಸಲಹೆಯು ತಲೆಬುರುಡೆ ಒಣಗುವುದನ್ನು ತಪ್ಪಿಸುತ್ತದೆ.

ಬಾಳೆಹಣ್ಣು ಮತ್ತು ಹಾಲು

ಬಾಳೆಹಣ್ಣು ಮಿಶ್ರಣಕ್ಕೆ ಒಂದು ಕಪ್‎ನಷ್ಟು ಹಾಲನ್ನು ಸೇರಿಸಿ. ದಪ್ಪನೆಯ ಮಿಶ್ರಣವನ್ನು ತಯಾರಿಸುವುದಕ್ಕಾಗಿ ಈ ಸಾಮಾಗ್ರಿಗಳನ್ನು ಕಲಸಿಕೊಳ್ಳಿ. ಕೂದಲಿಗೆ ಈ ಮಿಶ್ರಣವನ್ನು ಕೂದಲಿಗೆ ಹಚ್ಚಿಕೊಂಡು ಹತ್ತು ನಿಮಷಗಳ ನಂತರ ಉಗುರು ಬೆಚ್ಚಗಿನ ನೀರಿನಿಂದ ತಲೆತೊಳೆದುಕೊಳ್ಳಿ. ಕೂದಲು ಒಣಗಿದ ನಂತರ ಬಾಚಿಕೊಂಡಾಗ ಸೀಳ್ಗೂದಲು ಉದುರುವುದನ್ನು ನಿಮಗೆ ಕಾಣಬಹುದು.

ಬಾಳೆಹಣ್ಣು ಮತ್ತು ಮೊಸರು

ಒಂದು ಪಾತ್ರೆಯಲ್ಲಿ ಮೊಸರನ್ನು ತೆಗೆದುಕೊಂಡು ಬಾಳೆಹಣ್ಣನ್ನು ಇದಕ್ಕೆ ಸೇರಿಸಿ. ಎಲ್ಲಾ ಮಿಶ್ರಣಗಳನ್ನು ಚೆನ್ನಾಗಿ ಕಲಸಿಕೊಂಡು ಸೀಳ್ಗೂದಲು ಇರುವಲ್ಲಿ ಇದನ್ನು ಹಚ್ಚಿಕೊಳ್ಳಿ. ಕೂದಲಿನ ತುದಿಯಲ್ಲಿ ಮಿಶ್ರಣ ಚೆನ್ನಾಗಿ ಕೂರುವುದಕ್ಕಾಗಿ ತಲೆಗೂದಲನ್ನು ಬಾಚಿಕೊಳ್ಳಿ. 20 ನಿಮಿಷಗಳ ನಂತರ ಕೂದಲನ್ನು ತೊಳೆದುಕೊಳ್ಳಿ.