ತಲೆಕೂದಲಿನ ರಕ್ಷಣೆಯಲ್ಲಿ ಹುಳಿ ಮಜ್ಜಿಗೆಯ ಚಮತ್ಕಾರ

ಹುಳಿ ಮಜ್ಜಿಗೆಯ ಮಸಾಜ್

ಮೊದಲನೆಯದಾಗಿ ಕೇವಲ ಹುಳಿ ಮಜ್ಜಿಗೆಯನ್ನೇ ನೀವು ವಾರಕ್ಕೆ ಮೂರು ನಾಲ್ಕು ಬಾರಿ ತಲೆಯ ನೆತ್ತಿಗೆ ಹಚ್ಚಿ ಮಸಾಜ್ ಮಾಡಿಕೊಂಡ್ರೆ ಡ್ಯಾಂಡ್ರಫ್ ಸಮಸ್ಯೆ ಪರಿಹಾರವಾಗಲಿದೆ. ಅದರ ಜೊತೆಗೆ ಇನ್ನಿತರೆ ಕೆಲವು ವಸ್ತುಗಳನ್ನು ಬಳಕೆ ಮಾಡೋದ್ರಿಂದ ಇನ್ನೂ ಉತ್ತಮವಾದ ಫಲಿತಾಂಶ ಪಡೆದುಕೊಳ್ಳಬಹುದು.

ಹುಳಿ ಮಜ್ಜಿಗೆ ಮತ್ತು ಮೆಂತೆ ಪುಡಿ

ಮೆಂತೆಯ ಒಂದಷ್ಟು ಕಾಳುಗಳನ್ನು ಪುಡಿಮಾಡಿ ಅದನ್ನು ಮಜ್ಜಿಗೆಯಲ್ಲಿ ನೆನಸಿಡಿ. ಒಂದು ರಾತ್ರಿ ನೆನಸಿಟ್ಟರೂ ಪರವಾಗಿಲ್ಲ. ಹೀಗೆ ನೆನಸಿದ ನಂತ್ರ ಅದನ್ನು ತಲೆಯ ಸ್ಕಾಲ್ಪ್ ಸೇರಿದಂತೆ ಕೂದಲಿಗೆ ಹಚ್ಚಿ ಅರ್ಧ ಅಥವಾ ಒಂದು ಗಂಟೆಯ ನಂತ್ರ ತೊಳೆದುಕೊಳ್ಳೋದ್ರಿಂದ ಕೂದಲಿನ ಆರೋಗ್ಯ ಉತ್ತಮಗೊಳ್ಳಲಿದೆ. ಡ್ಯಾಂಡ್ರಫ್ ಸಮಸ್ಯೆ ನಿವಾರಣೆಯಾಗೋದು ಅಲ್ಲದೆ ಕೂದಲು ಗಟ್ಟುಮುಟ್ಟಾಗಿ ಶೈನಿಯಾಗಿ ಮತ್ತು ಆರೋಗ್ಯದಾಯಕವಾಗಿ ಬೆಳೆಯಲು ಇದು ನೆರವಾಗಲಿದೆ.

ಹುಳಿ ಮಜ್ಜಿಗೆಗೆ ಬೇವಿನ ರಸ

ತಲೆಯ ಹೊಟ್ಟಿನ ಜೊತೆಗೆ ನಿಮ್ಮ ತಲೆಯಲ್ಲಿ ಅಥವಾ ನಿಮ್ಮ ಮಕ್ಕಳ ತಲೆಯಲ್ಲಿ ಹೇನುಗಳಾಗಿದ್ದಲ್ಲಿ ಹುಳಿಮಜ್ಜಿಗೆಗೆ ಒಂದಷ್ಟು ಕಹಿ ಬೇವಿನ ರಸವನ್ನು ಮಿಕ್ಸ್ ಮಾಡಿ ತಲೆಗೆ ಹಚ್ಚಿಕೊಳ್ಳಿ. ಬೇವಿನಲ್ಲಿರುವ ಕಹಿಯ ಅಂಶವೂ ಹೇನುಗಳ ನಿವಾರಣೆಗೆ ಸಹಾಯ ಮಾಡಿದ್ರೆ ಹುಳಿ ಮಜ್ಜಿಗೆ ಡ್ಯಾಂಡ್ರಫ್ ಸಮಸ್ಯೆಯನ್ನು ನಿವಾರಿಸಿ ಕೂದಲು ಬಲಗೊಳ್ಳುವಂತೆ ಮಾಡುತ್ತೆ.

ಹುಳಿ ಮಜ್ಜಿಗೆಯೊಂದಿಗೆ ದಾಸವಾಳ ಸೊಪ್ಪು

ಚಳಿಗಾಲದಲ್ಲಿ ಮತ್ತು ನೀವು ಬೇರೆ ಯಾವುದಾದ್ರೂ ಸ್ಥಳಕ್ಕೆ ಕೆಲವು ದಿನಗಳ ಮಟ್ಟಿಗೆ ಪ್ರಯಾಣ ಬೆಳೆಸಿ ಬಂದಾಗ ಕೂದಲು ಜಿಡ್ಡುಜಿಡ್ಡಾಗಿರುತ್ತೆ ಮತ್ತು ಒರಟು ಒರಟಂತಾಗಿ ಕಳೆ ಕಳೆದುಕೊಂಡಿರುತ್ತೆ. ಅಂತಹ ಸಂದರ್ಭದಲ್ಲಿ ನಿಮ್ಮ ನೆರವಿಗೆ ಬರುವುದು ಹುಳಿ ಮಜ್ಜಿಗೆ. ಹುಳಿ ಮಜ್ಜಿಗೆಗೆ ಒಂದಷ್ಟು ದಾಸವಾಳದ ಸೊಪ್ಪನ್ನು ಅರೆದು ಮಿಕ್ಸ್ ಮಾಡಿ. ಈ ಮಿಶ್ರಣದ ಪ್ಯಾಕ್ ತಯಾರಿಸಿಕೊಂಡು ಸುಮಾರು ಒಂದು ಗಂಟೆಯ ನಂತ್ರ ಕೂದಲನ್ನು ತೊಳೆಯಿರಿ. ಕೂದಲು ಮೊದಲಿನ ರೀತಿ ಫಳಫಳ ಹೊಳೆಯಲು ಇದು ಸಹಾಯ ಮಾಡಲಿದೆ. ದಾಸವಾಳ ಸೊಪ್ಪು ಉತ್ತಮ ಕಂಡೀಷನರ್ ಆಗಿ ಕೆಲಸ ನಿರ್ವಹಿಸಲಿದೆ.

ಮೆಹಂದಿ ಪುಡಿ ಮತ್ತು ಹುಳಿ ಮಜ್ಜಿಗೆ

ಎಲ್ಲರಿಗೂ ತಿಳಿದಿರುವಂತೆ ಮೆಹಂದಿ ಕೂದಲಿನ ಆರೋಗ್ಯಕ್ಕೆ ಅತ್ಯುತ್ತಮವಾದ ಮನೆಮದ್ದು. ಕೂದಲು ಬಿಳಿಯಾಗಿರುವವರು ಕಲ್ಲರಿಂಗ್ ಗಾಗಿ ಕೂಡ ಮೆಹಂದಿಯನ್ನು ಬಳಸ್ತಾರೆ. ಮೆಹಂದಿ ಪುಡಿಯೊಡನೆ ಹುಳಿಮಜ್ಜಿಗೆ ಸೇರಿಸಿ ತಲೆಗೆ ಅಪ್ಲೈ ಮಾಡಿಕೊಳ್ಳೋದ್ರಿಂದ ಕೂದಲು ಮತ್ತಷ್ಟು ಅತ್ಯುತ್ತಮಗೊಳ್ಳಲು ಸಹಕಾರಿಯಾಗಿರುತ್ತೆ. ಯಾರಿಗೆ ಕೂದಲು ಉದುರುವ ಸಮಸ್ಯೆ ಇದಿಯೋ ಅಂತವರು ಮತ್ತು ಕೂದಲಿನ ಬಣ್ಣ ಗಾಢವಾಗಿ ಬರುವಂತೆ ಮಾಡಲು ಅಷ್ಟೇ ಯಾಕೆ ಈ ಪ್ಯಾಕ್ ಕೂಡ ತಲೆಹೊಟ್ಟನ್ನು ನಿವಾರಿಸಿ ಕೂದಲಿನ ಆರೋಗ್ಯ ವೃದ್ಧಿಗೆ ನೆರವಾಗುತ್ತೆ.