ಕೂದಲಿನ ಆರೈಕೆಗೆ, ಮೊಸರು-ಬೇವಿನ ಮ್ಯಾಜಿಕ್ ಚಿಕಿತ್ಸೆ

ಮೊಸರು ಮತ್ತು ಲಿಂಬೆರಸ

ಮೊಸರು ಮತ್ತು ಲಿಂಬೆರಸದಲ್ಲಿ ಲ್ಯಾಕ್ಟಿಕ್ ಮತ್ತು ಸಿಟ್ರಿಕ್ ಆಮ್ಲಗಳು ಹೆಚ್ಚಾಗಿದ್ದು, ಈ ಆಮ್ಲಗಳು ಕೂದಲಿನ ಬುಡದಲ್ಲಿರುವ ಉರಿಯೂತವನ್ನು ನಿವಾರಿಸುತ್ತವೆ. ಈ ಉರಿಯೂತಗಳು ತಲೆ ಹೊಟ್ಟಿನ ಪ್ರಮುಖ ಮೂಲಗಳಾಗಿವೆ. ಮೊಸರು ಮತ್ತು ಲಿಂಬೆಯು ನಿಮ್ಮ ಕೂದಲಿನ ಮೇಲೆ ಸ್ವಾಭಾವಿಕ ಕಂಡೀಶನರ್ ಆಗಿ ವರ್ತಿಸುತ್ತವೆ ಹಾಗು ನಿಮ್ಮ ಕೂದಲಿಗೆ ಸ್ವಾಭಾವಿಕ ಹೊಳಪನ್ನು ನೀಡಿ, ಅದನ್ನು ಆರೋಗ್ಯಕರವಾಗಿ ಇರಿಸುತ್ತದೆ.

ಇದನ್ನು ಹೇಗೆ ಬಳಸುವುದು

ಒಂದು ಕಪ್ ಮೊಸರಿಗೆ, ಅರ್ಧ ಲಿಂಬೆರಸವನ್ನು ಬೆರೆಸಿ. ಇವುಗಳನ್ನು ಚೆನ್ನಾಗಿ ಬೆರೆಸಿಕೊಂಡು ಕೂದಲಿನ ಬುಡಕ್ಕೆ ಲೇಪಿಸಿ. ಇದು ಒಣಗುವವರೆಗೆ ಕಾಯಿರಿ, ನಂತರ ಚೆನ್ನಾಗಿ ತೊಳೆಯಿರಿ.

ಬೇವು ಮತ್ತು ತೆಂಗಿನ ಎಣ್ಣೆ

ಬೇವು ಒಂದು ಶಿಲೀಂಧ್ರ ನಿವಾರಕ ಗುಣಗಳು ಇರುವ ಪದಾರ್ಥವಾಗಿದೆ. ಇದು ತುರಿಕೆ ಮತ್ತು ಕಿರಿ ಕಿರಿಯುಂಟು ಮಾಡುವ ಇನ್‌ಫೆಕ್ಷನ್‌ಗಳ ವಿರುದ್ಧ ಸಮರ್ಥವಾಗಿ ಹೊರಾಡುತ್ತದೆ. ತೆಂಗಿನ ಎಣ್ಣೆಯು ಕೂದಲಿನ ಬುಡಕ್ಕೆ ಆರಾಮವನ್ನು ನೀಡುತ್ತದೆ ಮತ್ತು ಕೂದಲ ಬುಡ ಕೆಂಪಾಗುವಿಕೆಯಿಂದ ರಕ್ಷಿಸುತ್ತದೆ.

ಬಳಸುವುದು ಹೇಗೆ

ತೆಂಗಿನ ಎಣ್ಣೆಯಲ್ಲಿ ಬೇವನ್ನು ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ. ಇದನ್ನು ಪೇಸ್ಟ್ ರೀತಿ ಮಾಡಿಕೊಂಡು ಅದನ್ನು ನಿಮ್ಮ ಕೂದಲಿನ ಬುಡಕ್ಕೆ ಲೇಪಿಸಿ. 15-20 ನಿಮಿಷ ಬಿಟ್ಟು, ನಂತರ ಇದನ್ನು ನೀರಿನಿಂದ ತೊಳೆಯಿರಿ.

ಬೇವು ಮತ್ತು ಮೊಸರು

ಬೇವಿನಲ್ಲಿರುವ ಶಿಲೀಂಧ್ರ ನಿವಾರಕ ಗುಣಗಳು ಮತ್ತು ಮೊಸರಿನಲ್ಲಿರುವ ತಂಪು ಗುಣಗಳು ಎರಡೂ ಸೇರಿ ತಲೆ ಹೊಟ್ಟಿನ ಮೇಲೆ ದಾಳಿ ಮಾಡುತ್ತವೆ. ಇವು ನಿಮ್ಮ ಕೂದಲಿಗೆ ಮತ್ತೆ ಹೊಳಪು ಮತ್ತು ಲವಲವಿಕೆಯನ್ನು ನೀಡುತ್ತದೆ. ಈ ಪ್ಯಾಕ್ ನಿಮಗೆ ಅವಧಿಗೆ ಮುನ್ನ ಕೂದಲು ಬೆಳ್ಳಗಾಗುವುದನ್ನು ತಡೆಯುತ್ತದೆ.

ಬಳಸುವುದು ಹೇಗೆ?

ನೀರಿನೊಂದಿಗೆ ಬೇವನ್ನು ಬೆರೆಸಿಕೊಂಡು ಪೇಸ್ಟ್ ರೀತಿ ಮಾಡಿಕೊಳ್ಳಿ. ಈ ಪೇಸ್ಟ್ ಅನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಂಡು, ನಿಮ್ಮ ಕೂದಲಿನ ಬುಡಕ್ಕೆ ಲೇಪಿಸಿಕೊಂಡು, 15-20 ನಿಮಿಷ ಬಿಟ್ಟು, ನಂತರ ತೊಳೆದುಕೊಳ್ಳಿ.