ಕೂದಲು ವೇಗವಾಗಿ ಬೆಳೆಯಬೇಕೇ? ಹೀಗೆ ಮಾಡಿ

ಹರಳೆಣ್ಣೆ ಬಳಸಿ

ಹರಳೆಣ್ಣೆಯಲ್ಲಿ ಉತ್ತಮ ಪ್ರಮಾಣದ ವಿಟಮಿನ್ ಇ ಮತ್ತು ಕೊಬ್ಬಿನ ತೈಲವಿದೆ. ಆಗಾಗ ಹರಳೆಣ್ಣೆಯಿಂದ ತಲೆಗೆ ನಯವಾದ ಮಸಾಜ್ ಮಾಡುವ ಮೂಲಕ ಕೂದಲ ಉದ್ದ ಹೆಚ್ಚಲು ಸಾಧ್ಯವಾಗುತ್ತದೆ.

ಪ್ರೋಟೀನ್ ಯುಕ್ತ ಆಹಾರ

ದೇಹಕ್ಕೆ ಅಗತ್ಯವಿರುವಂತೆಯೇ ಕೂದಲ ಬೆಳವಣಿಗೆಗೂ ಪ್ರೋಟೀನು, ಖನಿಜಗಳು ಮತ್ತು ವಿಟಮಿನ್ನುಗಳ ಅಗತ್ಯವಿದೆ. ಇದಕ್ಕಾಗಿ ಮೊಟ್ಟೆ, ಹಾಲು, ಮೊಸರು, ಚೀಸ್, ಪಾಲಕ್ ಸೊಪ್ಪು, ಸಾಲ್ಮನ್ ಮೀನು, ಎಲೆಕೋಸು, ಓಟ್ಸ್, ಬೆಣ್ಣೆಹಣ್ಣು, ಕಂದು ಬ್ರೆಡ್ ಮೊದಲಾದವುಗಳನ್ನು ನಿಮ್ಮ ಆಹಾರದಲ್ಲಿರುವಂತೆ ನೋಡಿಕೊಳ್ಳಿ.

ಒತ್ತಡದಿಂದ ದೂರವಿರಿ

ಕೂದಲ ಬೆಳವಣಿಗೆಯ ಬದ್ದ ವೈರಿ ಎಂದರೆ ಮಾನಸಿಕ ಒತ್ತಡ. ಆದ್ದರಿಂದ ಯಾವುದೇ ಪರಿಸ್ಥಿತಿ ಇದ್ದರೂ ಒತ್ತಡಕ್ಕೆ ಒಳಗಾಗದಂತೆ ನೋಡಿಕೊಳ್ಳಿ. ಇದರಿಂದ ಕೂದಲ ಬೆಳವಣಿಗೆ ಶೀಘ್ರ ಮತ್ತು ಉತ್ತಮವಾಗಿ ಆಗುತ್ತದೆ.

ಕೂದಲನ್ನು ತಲೆಹೊಟ್ಟಿನಿಂದ ಮುಕ್ತಿಗೊಳಿಸಿ

ತಲೆಗೂದಲ ಬೆಳವಣಿಗೆಗೆ ಅಡ್ಡಿಪಡಿಸುವ ಇನ್ನೊಂದು ಕಾರಣವೆಂದರೆ ತಲೆಹೊಟ್ಟು. ಇದರ ಮೂಲಕ ತಲೆಗೂದಲ ಬುಡಕ್ಕೆ ಹಲವು ಸೋಂಕುಗಳು ಎದುರಾಗಬಹುದಾಗಿದ್ದು ಕೂದಲ ಬೆಳವಣಿಗೆಯ ಮೇಲೆ ಪ್ರಭಾವ ಬೀರುತ್ತದೆ. ಅಲ್ಲದೇ ಕೂದಲು ಉದುರಲೂ ಕಾರಣವಾಗುತ್ತದೆ. ಆದ್ದರಿಂದ ತಲೆಹೊಟ್ಟು ನಿವಾರಿಸುವ ಸಮರ್ಥ ವಿಧಾನವನ್ನು ಅನುಸರಿಸಿ.

ಕಂಡೀಶನರ್ ಉಪಯೋಗಿಸಿ

ಕೂದಲ ಆರೈಕೆಗೆ ಸೌಮ್ಯವಾದ ಕಂಡೀಶನರ್ ನಿಯಮಿತವಾಗಿ ಬಳಸಿ. ಇದರಿಂದ ನಿಮ್ಮ ಕೂದಲು ಆರೋಗ್ಯಕರ ಮತ್ತು ಮೃದುವಾಗಿಯೂ ಇರುತ್ತದೆ.

ಆಗಾಗ ಮಸಾಜ್ ಮಾಡುತ್ತಿರಿ

ಕೂದಲ ಬುಡಕ್ಕೆ ಉತ್ತಮ ಪ್ರಮಾಣದ ರಕ್ತಸಂಚಾರ ಅಗತ್ಯವಾಗಿದೆ. ಇದರಿಂದ ಇಲ್ಲಿ ಅಗತ್ಯವಿರುವ ಪೋಷಕಾಂಶಗಳು ಲಭ್ಯವಾಗಿ ಕೂದಲ ಬೆಳವಣಿಗೆಯನ್ನು ವೃದ್ದಿಸುತ್ತದೆ. ನಯವಾದ ಮಸಾಜ್ ಮೂಲಕ ರಕ್ತಸಂಚಾರವನ್ನು ಹೆಚ್ಚಿಸಿ ಹೆಚ್ಚಿನ ಪೋಷಣೆ ಪಡೆಯಬಹುದು.

ತುದಿಗಳು ಸೀಳಿದ್ದರೆ ಅದರ ಬುಡದಲ್ಲಿಯೇ ಕತ್ತರಿಸಿ

ಕೆಲವೊಮ್ಮೆ ಆರೈಕೆಯ ಕೊರತೆಯಿಂದ ಕೂದಲ ತುದಿಗಳು ಸೀಳಿರುವುದನ್ನು ಕಾಣಬಹುದು. ಇದನ್ನು ಹಾಗೇ ಬಿಟ್ಟರೆ ಸೀಳು ತಲೆಗೂದಲ ಬುಡದವರೆಗೂ ಬರಬಹುದು. ಆದ್ದರಿಂದ ಸೀಳು ಪ್ರಾರಂಭವಾಗಿರುವಲ್ಲಿಂದ ಕೊಂಚವೇ ಮೇಲೆ ಕತ್ತರಿಸುವ ಮೂಲಕ ಕೂದಲು ಉತ್ತಮವಾದ ಬೆಳವಣಿಗೆ ಪಡೆಯಲು ಸಾಧ್ಯವಾಗುತ್ತದೆ.