ಬ್ಯೂಟಿ ಟಿಪ್ಸ್: ಸಹಜ ಚೆಲುವೆಯರ ಕೇಶರಾಶಿಯ ಗುಟ್ಟು

ಸುಂದರವಾದ ಕೂದಲು ನಮಗೂ ಇರಬೇಕು ಎಂಬ ಆಸೆ ಯಾರಿಗಿಲ್ಲ. ಸುಂದರವಾದ ಕೂದಲು ಇದ್ದರೆ ಅದನ್ನು ಹೊಂದಿರುವವರು ಸುಂದರವಾಗಿಯೇ ಇರುತ್ತಾರೆ. ಹಾಗೆಂದು ಸುಂದರವಾದ ಕೂದಲನ್ನು ಹೊಂದುವುದು ಅದೃಷ್ಟವೇನು ಅಲ್ಲ. ಒಂದು ವೇಳೆ ಅದೃಷ್ಟವಶಾತ್ ಅದು ಬಂದರು, ಅದನ್ನು ಕಾಪಾಡಿಕೊಂಡು ಬರುವುದು ಕಷ್ಟವಾಗಿರುತ್ತದೆ.

ಆದರೆ ವಾಸ್ತವದಲ್ಲಿ ಕೂದಲನ್ನು ಕಾಪಾಡಿಕೊಳ್ಳುವುದು ಅಷ್ಟು ಸುಲಭದ ಮಾತಲ್ಲ. ರಾಸಾಯನಿಕಗಳಿಂದ ಕೂಡಿದ ಶಾಂಪೂ ಕೂದಲಿನ ಬುಡವನ್ನು ಹಾಳು ಮಾಡಿಬಿಡುತ್ತದೆ. ಏಕೆಂದರೆ ಶಾಂಪೂ ಇಲ್ಲದೆ ಕೂದಲನ್ನು ತೊಳೆದುಕೊಳ್ಳುವುದನ್ನು ಇತ್ತೀಚಿನ ದಿನಗಳಲ್ಲಿ ಊಹಿಸಿ ನೋಡಲು ಸಾಧ್ಯವಿಲ್ಲ. ಅದಕ್ಕಾಗಿ ಬೋಲ್ಡ್‌ಸ್ಕೈ ಇಂದು ನಿಮ್ಮ ಕೂದಲನ್ನು ಸುಂದರವಾಗಿ ಇರಿಸಿಕೊಳ್ಳಲು ಎರಡು ಪದಾರ್ಥಗಳನ್ನು ನಿಮಗೆ ತಿಳಿಸುತ್ತಿದ್ದೇವೆ. ಇವು ನಿಮಗೆ ಮೃದುವಾದ ಮತ್ತು ರೇಷ್ಮೆಯಂತಹ ಕೂದಲನ್ನು ನೀಡುತ್ತದೆ. ಆ ಎರಡು ಪದಾರ್ಥಗಳು ಯಾವುವು ಎಂಬುದನ್ನು ಮುಂದೆ ನೋಡಿ:

1. ಅಲೋವೆರಾ ಜೆಲ್
ಅಲೋವೆರಾದಿಂದ ತೆಗೆದ ಜೆಲ್‌ ಅನ್ನು ನಿಮ್ಮ ಕೂದಲಿನ ಬುಡಕ್ಕೆ ಲೇಪಿಸಿ 10-15 ನಿಮಿಷ ಮಸಾಜ್ ಮಾಡಿ. ನಂತರ ಇದನ್ನು 2-3 ಗಂಟೆಗಳ ಕಾಲ ಬಿಡಿ. ನಂತರ ಒಂದು ಮೈಲ್ಡ್ ಶಾಂಪೂ ಮತ್ತು ಕಂಡೀಶನರ್ ಬಳಸಿ ಕೂದಲನ್ನು ತೊಳೆಯಿರಿ. ಇದು ನಿಮ್ಮ ಕೂದಲನ್ನು ಬಲಗೊಳಿಸುವುದರ ಜೊತೆಗೆ ನಿಮ್ಮ ಕೂದಲನ್ನು ಮೃದು ಮತ್ತು ರೇಷ್ಮೆಯಂತೆ ಮಾಡುತ್ತದೆ. ಈ ಜೆಲ್ ಜೊತೆಗೆ ನೀವು ಹರಳೆಣ್ಣೆ ಇತ್ಯಾದಿಗಳನ್ನು ಸಹ ಬಳಸಿಕೊಳ್ಳಬಹುದು. ಇದನ್ನು ಬಳಸಿ ನೀವು ಹೇರ್ ಪ್ಯಾಕ್ ಅನ್ನು ತಯಾರಿಸಿಕೊಳ್ಳಬಹುದು.

2. ಆಲೀವ್ ಎಣ್ಣೆ
ನಿಮ್ಮ ಕೂದಲಿಗೆ ಆಲೀವ್ ಎಣ್ಣೆಯ ಮಸಾಜ್ ಅನ್ನು ರಾತ್ರಿಯ ಸಮಯದಲ್ಲಿ ಮಾಡಿ. ಆಲೀವ್ ಎಣ್ಣೆಯಲ್ಲಿರುವ ಆಂಟ ಬ್ಯಾಕ್ಟೀರಿಯಾ ಮತ್ತು ಆಂಟಿ ಆಕ್ಸಿಡೆಂಟ್ ಅಂಶಗಳು ಕೂದಲಿಗೆ ಒಳ್ಳೆಯದು. ಇದನ್ನು ಪ್ರತಿದಿನ ಬಳಸುತ್ತಿದ್ದಲ್ಲಿ ಕೂದಲು ತನ್ನ ಮೂಲ ಹೊಳಪನ್ನು ಪಡೆದುಕೊಳ್ಳುತ್ತದೆ. ಈ ಎರಡು ಪದಾರ್ಥಗಳನ್ನು ಕೂದಲಿಗೆ ಲೇಪಿಸಿದರೆ, ಕೂದಲು ಮತ್ತು ಅದರ ಬುಡಗಳು ಹೊಳಪಿನಿಂದ ಕೂಡುತ್ತವೆ. ಇದನ್ನು ಲೇಪಿಸಿದ ನಂತರ ಶಾಂಪೂ ಮತ್ತು ಕಂಡೀಶನರ್ ಹಾಕಿ ತೊಳೆದುಕೊಳ್ಳಿ. ಇದನ್ನು ಬಳಸಿ ನೋಡಿ, ಅದರ ಫಲಿತಾಂಶವನ್ನು ನೋಡಿ ನೀವೇ ಬೆರಗಾಗುವಿರಿ.