ಕೂದಲಿನ ಸರ್ವ ರೋಗಕ್ಕೆ-ಬೀಟ್‌ರೂಟ್ ಹೇರ್ ಪ್ಯಾಕ್

Hair Care

oi-Manohar

By Deepu

Published: Monday, November 30, 2015, 18:08 [IST]

ಯಾವಾಗಲೋ ಅಪರೂಪಕ್ಕೊಮ್ಮೆ ಎಂಬಂತೆ ಅಸಹನೀಯವಾದ ಕೇಶರಾಶಿಯನ್ನು ಹೊಂದಿದ್ದರೆ ಅದನ್ನು ಹೇಗೋ ಸಹಿಸಿಕೊಳ್ಳಬಹುದು. ಆದರೆ, ವರ್ಷವಿಡೀ ಇಂತಹ ಕೆಟ್ಟ ಕೇಶರಾಶಿಯನ್ನು ಹೊಂದಿರುವ ಶಿಕ್ಷೆಯಂತೂ ಖಂಡಿತವಾಗಿಯೂ ಯಾರಿಗೂ ಬೇಡ. ಆರೋಗ್ಯಯುತವಾದ ಮತ್ತು ಸುಂದರವಾದ ಕೇಶರಾಶಿಯು ನಿಮ್ಮ ಒಟ್ಟಾರೆ ಸೌಂದರ್ಯಕ್ಕೆ ಹೊಸ ಮೆರುಗನ್ನು ನೀಡುತ್ತದೆ.

ಮಾದಕವಾದ ಮೈಮಾಟವಿದ್ದು, ಸುಂದರವಾದ ಮುಖಚರ್ಯೆವುಳ್ಳ ಆದರೆ ಕೆಟ್ಟದಾದ ಕೇಶರಾಶಿಯುಳ್ಳ ಮಹಿಳೆಯೋರ್ವಳ ಚಿತ್ರವನ್ನು ಹಾಗೆಯೇ ಸುಮ್ಮನೆ ಮನದಲ್ಲಿ ಕಲ್ಪಿಸಿಕೊಳ್ಳಿ..! ಸ್ವಾರಸ್ಯವೇನೆಂದರೆ, ಆಕೆಯು ಅಷ್ಟೆಲ್ಲಾ ಸೌಂದರ್ಯವನ್ನು ಹೊಂದಿದ್ದರೂ ಸಹ, ಬಹುತೇಕ ಮಂದಿಯ ಗಮನವು ಆಕೆಯ ಕೆಟ್ಟ ಕೇಶರಾಶಿಯತ್ತ ಹೊರಳುತ್ತದೆ ಎಂಬುದು ಕೇಳಲು ಕಟುವಾಗಿದ್ದರೂ ಸಹ ಅಷ್ಟೇ ಸತ್ಯವಾದ ವಿಷಯವೂ ಕೂಡ ಆಗಿದೆ.

ಹಣವಿರುವವರು ದುಬಾರಿ ಬೆಲೆಯ ಚಿಕಿತ್ಸೆಯ ಮೂಲಕವೋ, ಅಥವಾ ಮಾರುಕಟ್ಟೆಯಲ್ಲಿ ದೊರೆಯುವ ರಾಸಾಯನಿಕ ಮದ್ದುಗಳ ಮೂಲಕ ತಮ್ಮ ಸಮಸ್ಯೆಗೆ ತಾತ್ಕಾಲಿಕ ಅಥವಾ ಶಾಶ್ವತ ಪರಿಹಾರ ಮಾರ್ಗವನ್ನು ಕಂಡುಕೊಳ್ಳಬಹುದು, ಆದರೆ ಹಣವಿಲ್ಲದೆ ಇರುವವರು ಏನು ಮಾಡಬೇಕು. ಅದಕ್ಕಾಗಿ ಇರುವ ಮನೆ ಮದ್ದುಗಳನ್ನು ಬಳಸಿ, ಅದರ ಮೂಲಕ ತಮ್ಮ ಸಮಸ್ಯೆಯನ್ನು ನಿವಾರಿಸಿಕೊಳ್ಳಬೇಕು. ಅಂತಹ ಒಂದು ಮನೆ ಮದ್ದು ಬೀಟ್‌ರೂಟ್‌ನಿಂದ ತಯಾರಿಸಿಕೊಳ್ಳಬಹುದು. ಹೌದು ಬೀಟ್‌ರೂಟ್ ಕೇವಲ ಕಾಯಿ ಪಲ್ಯವಾಗಿ ಮಾತ್ರ ಪ್ರಯೋಜನಕಾರಿಯಲ್ಲ, ಕೂದಲು ಉದುರುವುದನ್ನು ತಡೆಗಟ್ಟಲು ಇರುವ ಅತ್ಯುತ್ತಮ ಮನೆ ಮದ್ದು ಸಹ ಹೌದು. ಬನ್ನಿ ಇದರಿಂದ ಕೂದಲು ಉದುರುವಿಕೆಗೆ ಯಾವ ಪರಿಹಾರವನ್ನು ಮಾಡಿಕೊಳ್ಳಬಹುದು ಎಂದು ನೋಡೋಣ.

ಹೇರ್ ಪ್ಯಾಕ್ ಮಾಡುವ ವಿಧಾನ

*ಸ್ವಲ್ಪ ಬೀಟ್‌‌ರೂಟ್ ಎಲೆಗಳನ್ನು ತೆಗೆದುಕೊಂಡು, ಅದನ್ನು ನೀರಿನಲ್ಲಿ ಹಾಕಿ ಬೇಯಿಸಿ, ನೀವು ಹಾಕಿರುವ ನೀರಿನ ಅರ್ಧ ಭಾಗ ಬರುವವರೆಗೆ ಅದನ್ನು ಕಾಯಿಸಿ.
*ಆಮೇಲೆ ಅವುಗಳನ್ನು ಶೋಧಿಸಿ, ಎಲೆಗಳನ್ನು ತೆಗೆದುಕೊಂಡು ಪೇಸ್ಟ್ ರೀತಿ ರುಬ್ಬಿಕೊಳ್ಳಿ.
*ಇನ್ನು ಇದಕ್ಕೆ ಒಂದು ಟೇಬಲ್ ಸ್ಪೂನ್ ಮೆಹಂದಿಯನ್ನು ಬೆರೆಸಿಕೊಂಡು ನಿಮ್ಮ ಕೂದಲ ಬುಡಕ್ಕೆ ಚೆನ್ನಾಗಿ ಲೇಪಿಸಿಕೊಳ್ಳಿ, ತದನಂತರ ಮೃದುವಾಗಿ ಮಸಾಜ್ ಮಾಡಿ.
*ಇಷ್ಟೆಲ್ಲಾ ಆದ ನಂತರ ಸುಮಾರು 20-25 ನಿಮಿಷ ಬಿಟ್ಟು ಮೆದುವಾದ ಶಾಂಪೂವಿನಿಂದ ತಲೆಗೆ ಸ್ನಾನ ಮಾಡಿ.
*ಶೀಘ್ರವಾಗಿ ಇದರ ಫಲಿತಾಂಶವನ್ನು ನೋಡಲು 3-4 ಬಾರಿ ಇದನ್ನು ಪ್ರಯತ್ನಿಸಿ ನೋಡಿ.

ದಿನನಿತ್ಯ ಆಹಾರಕ್ರಮದಲ್ಲಿ ಬೀಟ್ ರೂಟ್ ಸೇವಿಸಿ

ಬೀಟ್‌ರೂಟ್‌ನಲ್ಲಿ ವಿಟಮಿನ್ ಬಿ ಮತ್ತು ಸಿ, ರಂಜಕ, ಕ್ಯಾಲ್ಸಿಯಂ ಮತ್ತು ಪ್ರೋಟಿನ್ ಅಧಿಕ ಪ್ರಮಾಣದಲ್ಲಿದ್ದು, ಇವೆಲ್ಲವೂ ಆರೋಗ್ಯಕರ ಕೂದಲ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಅಷ್ಟೇ ಅಲ್ಲದೆ ಈ ಎಲ್ಲಾ ಪೋಷಕಾಂಶಗಳು ಕೂದಲ ಬುಡವನ್ನು ಉತ್ತೇಜಿಸುವುದರ ಜೊತೆಗೆ ಕೂದಲ ಬೆಳವಣಿಗೆಗೆ ಕೂಡ ಸಹಕರಿಸುತ್ತವೆ.
ಬೀಟ್‌ರೂಟಿನಲ್ಲಿ ಅಧಿಕ ಪ್ರಮಾಣದ ಆಂಟಿ ಆಕ್ಸಿಡೆಂಟ್‌ಗಳಿದ್ದು, ಕೂದಲಿಗೆ ಸ್ವಾಭಾವಿಕ ಹೊಳಪನ್ನು ನೀಡುತ್ತವೆ, ಅಲ್ಲದೆ ಕೂದಲಿನ ಬುಡದಲ್ಲಿರುವ ರಂಧ್ರಗಳನ್ನು ಬಿಗಿಗೊಳಿಸುವ ಮೂಲಕ ಕೂದಲು ಉದುರದಂತೆ ಕಾಪಾಡುತ್ತದೆ.