ತಲೆ ಕೂದಲಿನ ಕುರಿತ ಒಂದಿಷ್ಟು ಇಂಟರೆಸ್ಟಿಂಗ್ ಸಂಗತಿ

ಕೂದಲಿನ ಬೆಳವಣಿಗೆಯ ಆಯಸ್ಸು

ನಿಮ್ಮ ಕೂದಲು ಪ್ರತಿ ವರ್ಷ ಸುಮಾರು 6 ಇಂಚು ಬೆಳೆಯುತ್ತದೆ ಅಂದರೆ ಪ್ರತಿ ದಿನ 0.33ಮಿಮೀ.ನಷ್ಟು. ಆದರೆ ನೀವು ಬಳಸುವ ರಾಸಾಯನಿಕ ಮತ್ತು ತಾಪಗೊಳಿಸುವ ಉಪಕರಣಗಳಿಂದ ಕೇಶದ ಬೆಳವಣೆಗೆಯು ನಿಧಾನಗೊಳ್ಳುತ್ತದೆ. ಇದು ನಿಜಕ್ಕೂ ಆಸಕ್ತಿಕರ ಸಂಗತಿ.

ಸುಮಾರು 100 ಕೂದಲೆಳೆಗಳನ್ನು ಪ್ರತಿದಿನ ಕಳೆದುಕೊಳ್ಳುವಿರೇ?

ನಿಮ್ಮ ಬಾಚಣಿಗೆಯಲ್ಲಿ ಕೆಲವು ಕೂದಲು ಇರುವುದನ್ನು ಗಮನಿಸಿದರೆ ಚಿಂತಿಸದಿರಿ, ಇದು ಸ್ವಾಭಾವಿಕ ಪ್ರಕ್ರಿಯೆ. ಹೊಸ ಕೂದಲು ಬೆಳೆಯಲು ಆರಂಭಿಸಿದಾಗ ಅದೇ ಜಾಗದಲ್ಲಿ ಹಳೆಯ ಕೂದಲುಗಳು ತಾನಾಗೇ ಉದುರುತ್ತವೆ. ಇದರಿಂದ ಗಾಬರಿ ಪಡುವ ಅವಶ್ಯಕತೆಯಿಲ್ಲ.

ನಮ್ಮ ಕೂದಲು ಎಂತಹ ಭಾರವನ್ನಾದರೂ ತಡೆದುಕೊಳ್ಳುತ್ತದೆ!

ನಮ್ಮ ಒಂದು ಕೂದಲೆಳೆ ಸುಮಾರು 100 ಗ್ರಾಂನಷ್ಟು ಭಾರವನ್ನು ತಡೆದುಕೊಳ್ಳುತ್ತದೆ. ನಮ್ಮ ಒಟ್ಟಾರೆ ಕೇಶಕ್ಕೆ ಸುಮಾರು ಎರಡು ಆನೆಯ ಭಾರವನ್ನು ತಡೆದುಕೊಳ್ಳುವ ಶಕ್ತಿಯಿದೆ. ಇದು ನಿಜಕ್ಕೂ ಅದ್ಭುತ, ಆದರೆ ಇದಕ್ಕೆ ನಮ್ಮ ನೆತ್ತಿಯ ಚರ್ಮದ ಭಾಗ ಅವಕಾಶ ನೀಡುವುದಿಲ್ಲ.

ಒಂದು ಕೂದಲೆಳೆಯ ಆಯಸ್ಸೆಷ್ಟು ಗೊತ್ತೇ?

ನಾವು ಕೂದಲನ್ನು ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಿದರೆ, ಸುಮಾರು 4 ರಿಂದ 7 ವರ್ಷದ ಅವಧಿಯವರೆಗೆ ಅದರ ಆಯಸ್ಸು ಇರುತ್ತದೆ. ಅದು ತಾನಾಗೇ ಉದುರಿದಾಗ ಹೆಚ್ಚು ಚಿಂತಿಸದಿರಿ, ಏಕೆಂದರೆ ಅದರ ಆಯಸ್ಸು ಪೂರ್ಣವಾಗಿರುತ್ತದೆ ಅಷ್ಟೆ.

ಬೇಸಿಗೆಯಲ್ಲಿ ನಿಮ್ಮ ಕೇಶವು ಹೆಚ್ಚು ಬೆಳವಣಿಗೆಯಾಗುತ್ತದೆ

ಬೇಸಿಗೆಯಲ್ಲಿ ಕೂದಲ ಬೆಳವಣಿಗೆ ಹೆಚ್ಚಿದ್ದು, ಬೇಸಿಗೆಯ ತಾಪಕ್ಕೆ ಕೇಶವು ಹೆಚ್ಚು ಬೆಳವಣಿಗೆಯಾಗುತ್ತದೆ. ನಿಮ್ಮ ಕೂದಲು ಇನ್ನೂ ಬೆಳೆಯಬೇಕೆಂದರೆ ಬಿಸಿಲಿಗೆ ಒಡ್ಡಿ ಮತ್ತು ಚಳಿಗಾಲದಲ್ಲಿ ತಾಪ ಹೆಚ್ಚಿಸುವ ಸಾಧನವನ್ನು ಉಪಯೋಗಿಸಿ.

ಕೂದಲು ಹಿಗ್ಗುತ್ತದೆ

ಇದೊಂದು ಅಚ್ಚರಿಯ ಸಂಗತಿ. ಹೌದು, ಪ್ರತಿ ಕೂದಲಿಗೆ ಹಿಗ್ಗುವ ಗುಣವಿದೆ. ಒಣ ಕೂದಲಿಗಿಂತ ಒದ್ದೆಯಾದ ಕೂದಲು ಹೆಚ್ಚು ಹಿಗ್ಗಲಿದ್ದು, ಶೇಖಡಾ 30ರಷ್ಟು ಅನಾಯಾಸವಾಗಿ ಹಿಗ್ಗುತ್ತದೆ. ಆದರೆ ಒದ್ದೆ ಕೂದಲು ಮಾತ್ರ ಒಣ ಕೂದಲಿಗಿಂತ ಅಶಕ್ತವಾಗಿದ್ದು ಸುಲಭವಾಗಿ ತುಂಡಾಗುತ್ತದೆ.