ಕಿರಿಕಿರಿ ನೀಡುವ ಕೂದಲಿನ ಸಮಸ್ಯೆಗೆ ಫಲಪ್ರದ ಚಿಕಿತ್ಸೆ

ಬಾಳೆಹಣ್ಣುಗಳು

ಒಣ ನೆತ್ತಿಗೆ ಬಾಳೆಹಣ್ಣುಗಳ ಪ್ಯಾಕ್ ಬಳಸಿ. ಇದು ಒಣ ನೆತ್ತಿಗೆ ಅತ್ಯಂತ ಪ್ರಯೋಜನಕಾರಿ. ಬಾಳೆಹಣ್ಣುಗಳನ್ನು ಹಿಸುಕಿ ಮತ್ತು ಮೊಟ್ಟೆಯ ಬಿಳಿಭಾಗದೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಿ. ನೆತ್ತಿ ಮತ್ತು ಕೂದಲಿಗೆ ಚೆನ್ನಾಗಿ ಹಚ್ಚಿ. 15-20 ನಿಮಿಷಗಳ ಕಾಲ ಅದನ್ನು ಹಾಗೆಯೇ ಬಿಟ್ಟು ನಂತರ ಚೆನ್ನಾಗಿ ತೊಳೆಯಿರಿ.

ಸೇಬು ಹಣ್ಣುಗಳು

ಸೇಬು ಒಣ ನೆತ್ತಿಗೆ ಮತ್ತೊಂದು ಅತ್ಯುತ್ತಮ ಹೇರ್ ಪ್ಯಾಕ್. ಶ್ಯಾಂಪೂ ಮಾಡಿದ ನಂತರ, ಒಂದು ಕಂಡೀಶನರ್ ರೀತಿಯಲ್ಲಿ ಸೇಬು ರಸವನ್ನು ಬಳಸಬಹುದು. ವಿಟಮಿನ್ ಸಿ ಇರುವ ಸೇಬು ನಿಮ್ಮ ಕೂದಲನ್ನು ನಯವಾಗಿಯೂ ಮತ್ತು ಹೊಳೆಯುವಂತೆಯೂ ಮಾಡಬಹುದು.

ನಿಂಬೆ ಹಣ್ಣು

ಇದು ಒಣ ನೆತ್ತಿಗೆ ಉತ್ತಮ ಹಣ್ಣುಗಳ ಪ್ಯಾಕ್ ಗಳಲ್ಲಿ ಒಂದು. ನಿಮ್ಮ ನೆತ್ತಿಗೆ ನೇರವಾಗಿ ನಿಂಬು ರಸದಿಂದ ಉಜ್ಜಿ ಅಥವಾ ಮೊಸರು ಮತ್ತು ಜೇನಿನೊಂದಿಗೆ ನಿಂಬೆ ರಸವನ್ನು ಸೇರಿಸಿ ನೆತ್ತಿಗೆ ಸವರಿ.

ಪಪ್ಪಾಯಿ

ಇದು ತಲೆಯ ಶುಷ್ಕತೆ ಕಡಿಮೆ ಮಾಡುತ್ತದೆ ಮತ್ತು ಕೂದಲದುರುವಿಕೆಯನ್ನು ಕಡಿಮೆಮಾಡುತ್ತದೆ. ಹಾಲು ಮತ್ತು ಜೇನಿನೊಂದಿಗೆ ಹಿಸುಕಿದ ಪಪ್ಪಾಯಿಯನ್ನು ಬೆರೆಸಿ ನಿಮ್ಮ ಕೂದಲಿಗೆ ಹಚ್ಚಿ. ನಿಮ್ಮ ಕೂದಲಿನ ಹೊಳಪಿಗಾಗಿ ಈ ವಿಧಾನವನ್ನು ನಿಯಮಿತವಾಗಿ ಮಾಡಬಹುದು.

ಸೌತೆಕಾಯಿ

ನೀವು ನಿಯಮಿತವಾಗಿ ಈಜುವಿಕೆಯಲ್ಲಿ ತೊಡಗಿದ್ದರೆ, ನೀರಿನಲ್ಲಿರುವ ಕ್ಲೋರಿನ್ ನಿಮ್ಮ ಕೂದಲು ಒಣಗುವಂತೆ ಮಾಡುತ್ತದೆ. ಹಿಚುಕಿದ ಸೌತೆಕಾಯಿ ಮತ್ತು ಒಂದು ಚಮಚ ಆಲಿವ್ ಎಣ್ಣೆ ಹಾಗೂ ಒಂದು ಮೊಟ್ಟೆಯ ಬಿಳಿಯ ಭಾಗವನ್ನು ಮಿಶ್ರಣ ಮಾಡಿ. ನೆತ್ತಿಗೆ ಹಚ್ಚಿ 15 ನಿಮಿಷಗಳ ಹಾಗೆಯೇ ಬಿಟ್ಟು ನಂತರ ಸ್ವಚ್ಛಗೊಳಿಸಿ.

ಪೀಚ್ ಹಣ್ಣುಗಳು

ಪೀಚ್ ಹಣ್ಣುಗಳು ಹೇಗೆ ಉಪಯುಕ್ತ ಎಂಬುದು ನಿಮಗೆ ಗೊತ್ತಾ? ಪೀಚ್ ಹಣ್ಣನ್ನು ಹಿಸುಕಿ ಮೊಸರಿನೊಂದಿಗೆ ಸೇರಿಸಿ. ನಿಮ್ಮ ನೆತ್ತಿಯ ಪೂರ್ತಿ ಭಾಗಕ್ಕೆ ನಿಧಾನವಾಗಿ ಈ ಪೇಸ್ಟ್ ಅನ್ನು ಹಚ್ಚಿ ಮತ್ತು ಸರಿಯಾಗಿ ಅವುಗಳನ್ನು ತೊಳೆಯಿರಿ. ಹೀಗೆ ಮಾಡುವುದರಿಂದ ನೀವು ಖಂಡಿತವಾಗಿಯೂ ನಿಮ್ಮ ಕೂದಲಿನಲ್ಲಾದ ಬದಲಾವಣೆಗಳನ್ನು ಗಮನಿಸಬಹುದು.

ತೆಂಗಿನಕಾಯಿ

ನೀವು ನೇರವಾಗಿ ಇವುಗಳನ್ನು ಬಳಸಲು ಸಾಧ್ಯವಿಲ್ಲ. ಕೇವಲ ತೆಂಗಿನ ಎಣ್ಣೆ ಅಥವಾ ತೆಂಗಿನ ಹಾಲುನ್ನು ಬಳಸಿ. ತೆಂಗಿನಕಾಯಿ ನಿಮ್ಮ ನೆತ್ತಿಯ ತೇವಾಂಶ ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಮತ್ತೆ ತೇವಾಂಶ ಕಳೆದುಕೊಳ್ಳದಂತೆ ಸಹಾಯ ಮಾಡುತ್ತದೆ.

ಪ್ಲಮ್ ಹಣ್ಣುಗಳು

ಇದು ಒಣ ನೆತ್ತಿಗೆ ಮಾಡಬಹುದಾದ ಉತ್ತಮ ಹಣ್ಣುಗಳು ಪ್ಯಾಕ್ ಗಳಲ್ಲಿ ಒಂದಾಗಿದೆ. ಇದು ನಿಮ್ಮ ಕೂದಲನ್ನು ಆರೋಗ್ಯಕರವನ್ನಾಗಿ ಮಾಡುತ್ತದೆ. ಪ್ಲಮ್ ಹಣ್ಣಿನಿಂದ ಯಾವುದೇ ರೀತಿಯ ಹೇರ್ ಪ್ಯಾಕ್ ಮಾಡಿ. ಇದು ಕೂದಲುದುರುವಿಕೆಯನ್ನು ಕಡಿಮೆಗೊಳಿಸುತ್ತದೆ.

ಬೆರ್ರಿ ಹಣ್ಣುಗಳು

ಈ ರಸಭರಿತವಾದ ಹಣ್ಣುಗಳಲ್ಲಿ ಬಯೋಫ್ಲೇವನೋಯ್ಡ್ ಸಮೃದ್ಧವಾಗಿದೆ. ಇದು ಕೂದಲಿನಲ್ಲಿ ರಕ್ತದ ಹರಿವನ್ನು ಉತ್ತೇಜಿಸುತ್ತದೆ. ಈ ಹಣ್ಣುಗಳು ನಿಮ್ಮ ನೆತ್ತಿಗೆ, ಕೂದಲಿಗೆ ಸರಿಯಾದ ತೇವಾಂಶ ಒದಗಿಸಲು ಮತ್ತು ಕೂದಲು ಉದುರುವಿಕೆಯನ್ನು ಕಡಿಮೆಗೊಳಿಸಲು ಸಹಾಯ ಮಾಡುತ್ತದೆ.

ಕಿತ್ತಳೆ

ಇದು ನಿಮ್ಮ ನೆತ್ತಿ ಮತ್ತು ಕೂದಲಿನ ತೇವಾಂಶದ ಮೂಲವಾಗಿದೆ. ನಿಮ್ಮ ಹೇರ್ ಪ್ಯಾಕ್ ನಲ್ಲಿ ಕಿತ್ತಳೆ ರಸವನ್ನು ಸೇರಿಸಿ. ಅಥವಾ ಕಿತ್ತಳೆ ಸಿಪ್ಪೆಯ ಪೌಡರ್ ತಯಾರಿಸಿ ಅದರಿಂದ ಹೇರ್ ಪ್ಯಾಕ್ ತಯಾರಿಸಿ.