ಸ್ಟ್ರಾಬೆರಿಯಿಂದ ಪಡೆಯಿರಿ ಸ್ಟ್ರಾಂಗ್ ಕೂದಲು

ಕೂದಲುದುರುವಿಕೆ ತಡೆಗೆ ಸ್ಟ್ರಾಬೆರಿ

ಕೂದಲುದುರುವುದು ಮಹಿಳೆಯರಿಗೆ ಕಾಡುವ ಒಂದು ಸಾಮಾನ್ಯ ಸಮಸ್ಯೆ ಸ್ಟ್ರಾಬೆರಿಯಲ್ಲಿ ವಿಟಮಿನ್ ಸಿ ಹೇರಳವಾಗಿದೆ. ಇದು ಕಬ್ಬಿಣದ ಅಂಶವನ್ನು ಹೀರಿಕೊಂಡು ಕೂದಲ ಬೆಳವಣಿಗೆಗೆ ಸಹಕಾರಿಯಾಗಿದೆ. ಯಾರು ಪ್ರತಿದಿನವೂ ನನ್ನ ಕೂದಲು ಅಷ್ಟು ಉದುರಿತು ಇಷ್ಟು ಉದುರಿತು ಅಂತ ಚಿಂತಿಸಿ ಬೇಸತ್ತಿದ್ದೀರೋ ಅಂತವರಿಗಾಗಿ ಇರುವ ಪರಿಹಾರ ಸ್ಟ್ರಾಬೆರಿ ಹೇರ್ ಪ್ಯಾಕ್.

ಬೇಕಾಗುವ ಸಾಮಗ್ರಿಗಳು ಮತ್ತು ಪ್ಯಾಕ್ ಮಾಡುವ ವಿಧಾನ

*ಎರಡು ಸ್ಟ್ರಾಬೆರಿ ಹಣ್ಣುಗಳು( ಕೂದಲು ಉದ್ದ ಇರುವವರು ಹೆಚ್ಚು ಬಳಸ್ಬಹುದು)

*ಕೊಬ್ಬರಿ ಎಣ್ಣೆ ( ನಾಲ್ಕರಿಂದ ಐದು ಸ್ಪೂನ್)

*ಜೇನುತುಪ್ಪ ( ಒಂದು ಸ್ಪೂನ್)

*ಸ್ಟ್ರಾಬೆರಿ ಹಣ್ಣುಗಳನ್ನು ಮೊದಲು ಸ್ಮ್ಯಾಶ್ ಮಾಡಿಕೊಳ್ಳಿ. ಅದಕ್ಕೆ ಕೊಬ್ಬರಿ ಎಣ್ಣೆ ಮತ್ತು ಜೇನುತುಪ್ಪ ಸೇರಿಸಿ ಪೇಸ್ಟ್ ತಯಾರಿಸಿಕೊಳ್ಳಿ, ಕೂದಲಿನ ಸ್ಕ್ಯಾಲ್ಪ್ ಗೆ ಹಚ್ಚಿ ಇಪತ್ತು ನಿಮಿಷ ಹಾಗೆಯೇ ಬಿಡಿ. ನಂತರ ತಣ್ಣೀರಿನಿಂದ ಕೂದಲನ್ನು ತೊಳಿಯಿರಿ. ಇದು ನಿಮ್ಮ ಕೂದಲಿನ ಬುಡವನ್ನು ಗಟ್ಟಿಗೊಳಿಸಿ ಕೂದಲುದುರುವ ಸಮಸ್ಯೆಗೆ ಮುಕ್ತಿ ನೀಡುವಲ್ಲಿ ನೆರವಾಗಲಿದೆ.

ತಲೆಹೊಟ್ಟು ನಿವಾರಕ ಸ್ಟ್ರಾಬೆರಿ

ಸರಿಯಾದ ಸಮಯಕ್ಕೆ ಡ್ಯಾಂಡ್ರಫ್ ಗೆ ಚಿಕಿತ್ಸೆ ಮಾಡದೇ ಇದ್ರೆ ಅದು ಮುಂದೆ ನಿಮ್ಮ ಕೂದಲಿಗೆ ವಿಪರೀತ ಹಾನಿ ಮಾಡೋದ್ರಲ್ಲಿ ಯಾವುದೇ ಅನುಮಾನವಿಲ್ಲ.ಸ್ಟ್ರಾಬೆರಿಯಲ್ಲಿರುವ ನ್ಯೂಟ್ರಿಯಂಟ್ ಗಳು ನಿಮ್ಮ ಕೂದಲಿಗೆ ಸರಿಯಾದ ಪೋಷಣೆ ನೀಡಿ ಆರೋಗ್ಯಯುತವಾಗಿ ಮಾಡುವುದು ಅಲ್ಲದೇ, ತಲೆಹೊಟ್ಟಿನ ಸಮಸ್ಯೆಯನ್ನು ನಿವಾರಿಸುತ್ತೆ.

ಬೇಕಾಗುವ ಸಾಮಗ್ರಿಗಳು ಮತ್ತು ಪ್ಯಾಕ್ ಮಾಡುವ ವಿಧಾನ

ಮೂರರಿಂದ ನಾಲ್ಕು ಸ್ಟ್ರಾಬೆರಿ ( ನಿಮ್ಮ ಕೂದಲು ಎಷ್ಟು ಉದ್ದ ಇದೆ ಅನ್ನೋದ್ರ ಆಧಾರದ ಮೇಲೆ ಹೆಚ್ಚು ಹಣ್ಣುಗಳನ್ನು ಬಳಕೆ ಮಾಡಬಹುದು)

ಒಂದು ಮೊಟ್ಟೆಯ ಬಿಳಿಯ ಭಾಗ

ಕೆಲವು ಹನಿಗಳಷ್ಟು ಆಲಿವ್ ಆಯಿಲ್

ಸ್ಟ್ರಾಬೆರಿಯನ್ನು ಚೆನ್ನಾಗಿ ಪೇಸ್ಟ್ ಮಾಡ್ಕೊಳ್ಳಿ. ಅದಕ್ಕೆ ಮೊಟ್ಟೆಯ ಬಿಳಿಯ ಭಾಗ ಮತ್ತು ಆಲಿವ್ ಆಯಿಲ್ ಸೇರಿಸಿ ಚೆನ್ನಾಗಿ ಕಲಸಿ. ಮಿಶ್ರಣವನ್ನು ಕೂದಲಿಗೆ ಹಚ್ಚಿ ಪ್ಯಾಕ್ ಮಾಡ್ಕೊಂಡು 15 ನಿಮಿಷ ಹಾಗೆಯೇ ಬಿಡಿ. ನಂತ್ರ ಶಾಂಪ್ಯೂ ಬಳಸಿ ಕೂದಲನ್ನು ಚೆನ್ನಾಗಿ ತೊಳೆಯಿರಿ. ಬೆಳಿಗ್ಗೆ ಸ್ನಾನಕ್ಕೂ ಮುನ್ನ ವಾರಕ್ಕೆ ಮೂರು ಬಾರಿ ಇದನ್ನು ರಿಪೀಟ್ ಮಾಡಿ. ಇದು ಡ್ಯಾಂಡ್ರಫ್ ನಿವಾರಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತೆ. ಅಷ್ಟೇ ಅಲ್ಲ ವೀಕ್ ಆಗಿರುವ ಕೂದಲನ್ನು ಸ್ಟ್ರಾಂಗ್ ಮಾಡುತ್ತೆ.

ಕೂದಲಿನಲ್ಲಿ ಫಂಗಲ್‌ಗಳು ಬೆಳವಣಿಗೆ ಹೊಂದುವುದನ್ನು ನಿಯಂತ್ರಿಸುತ್ತೆ

ಸ್ಟ್ರಾಬರಿಯಲ್ಲಿ ಮೆಗ್ನೀಷಿಯಂ ಅಂಶಗಳು ಹೇರಳವಾಗಿರುತ್ತೆ.ಸ್ಟ್ರಾಬೆರಿಯನ್ನು ಹೆಚ್ಚಾಗಿ ಆಯಿಲಿ ಮತ್ತು ಗ್ರೀಸಿಯಾಗಿರುವ ಕೂದಲಿಗೆ ಬಳಕೆ ಮಾಡಲಾಗುತ್ತೆ.ಮಾಯ್ಚರೈಸರ್ ಗಳನ್ನು ಬಳಕೆ ಮಾಡದೇ ಹಾಗೆಯೇ ಕೇವಲ ಸ್ಟ್ರಾಬೆರಿ ಹಾಕಿ ಪ್ಯಾಕ್ ತಯಾರಿಸಿಕೊಂಡ್ರೆ ಕೂದಲು ಹೆಚ್ಚು ಡ್ರೈ ಆಗುವ ಸಾಧ್ಯತೆ ಇರುತ್ತೆ. ಹಾಗಾಗಿ ತೀರಾ ಶುಷ್ಕ ಕೂದಲಿರುವವರು ಇದನ್ನು ಬಳಕೆ ಮಾಡದೇ ಇರೋದು ಒಳಿತು. ಬಳಕೆ ಮಾಡುವುದಾದರೆ ಕೊಬ್ಬರಿ ಎಣ್ಣೆ, ಆಲಿವ್ ಆಯಿಲ್ ಇತ್ಯಾದಿ ಎಣ್ಣೆಯನ್ನು ಮಿಕ್ಸ್ ಮಾಡಿ ಹಚ್ಚಿಕೊಳ್ಳೋದು ಒಳ್ಳೇದು.

ಬೇಕಾಗುವ ಸಾಮಗ್ರಿಗಳು ಮತ್ತು ಪ್ಯಾಕ್ ಮಾಡುವ ವಿಧಾನ

*ಸ್ಟ್ರಾಬೆರಿ - ಐದರಿಂದ ಆರು ಹಣ್ಣುಗಳು

*ಅವಕಾಡೋ ಪೇಸ್ಟ್ - ಒಂದು ಹಣ್ಣಿನ ತಿರುಳು

*ಕೊಬ್ಬರಿ ಎಣ್ಣೆ - ಮೂರರಿಂದ ನಾಲ್ಕು ಸ್ಪೂನ್

ಜೇನುತುಪ್ಪ- ಒಂದು ಸ್ಪೂನ್

ಮಾಡುವ ವಿಧಾನ

ಮೊದಲು ಸ್ಟ್ರಾಬೆರಿ ಹಣ್ಣುಗಳನ್ನು ಚೆನ್ನಾಗಿ ಪೇಸ್ಟ್ ಮಾಡ್ಕೊಳ್ಳಿ. ಅದ್ರ ಜೊತೆಗೆ ಚೆನ್ನಾಗಿ ಬಲಿತಿರುವ ಅವಕಾಡೋ ಅಥ್ವಾ ಬೆಣ್ಣೆಹಣ್ಣನ್ನು ತೆಗೆದುಕೊಂಡು ಅದ್ರ ತಿರುಳನ್ನು ಚೆನ್ನಾಗಿ ಸ್ಮ್ಯಾಶ್ ಮಾಡ್ಕೊಳ್ಳಿ. ಈ ಎರಡು ಪೇಸ್ಟನ್ನು ಮಿಕ್ಸ್ ಮಾಡಿ. ನಂತ್ರ ಅದಕ್ಕೆ ಕೊಬ್ಬರಿ ಎಣ್ಣೆ ಇಲ್ಲವೇ ನಿಮ್ಗೆ ಇಷ್ಟವಾಗಿರುವ ಬೇರೆ ಯಾವುದೇ ಎಣ್ಣೆ ಉದಾಹರಣೆಗೆ ಹರಳೆಣ್ಣೆ, ಆಲಿವ್ ಆಯಿಲ್ ನ್ನೂ ಕೂಡ ಸೇರಿಸಿಕೊಳ್ಳಬಹುದು. ಜೇನುತುಪ್ಪ ಒಂದು ಸ್ಪೂನ್ ಹಾಕಿ ಎಲ್ಲವನ್ನೂ ಚೆನ್ನಾಗಿ ಮಿಕ್ಸ್ ಮಾಡಿ ಪೇಸ್ಟ್ ತಯಾರಿಸಿಕೊಳ್ಳಿ. ಈ ಮಿಶ್ರಣವನ್ನು ಕೂದಲಿನ ಸ್ಕ್ಯಾಲ್ಪ್ ಗೆ ಮತ್ತು ಕೂದಲಿಗೆ ಅಪ್ಲೈ ಮಾಡಿ 20 ರಿಂದ 30 ನಿಮಿಷ ಹಾಗೆಯೇ ಬಿಡಿ. ನಂತ್ರ ಹದವಾಗಿರುವ ಬಿಸಿನೀರಿನಲ್ಲಿ ಕೂದಲನ್ನು ತೊಳೆಯಿರಿ. ವಾರಕ್ಕೆ ಎರಡು ಬಾರಿ ಹೀಗೆ ಮಾಡಿದ್ರೆ ನಿಮ್ಮ ತಲೆಯಲ್ಲಿ ಫಂಗಲ್ ಗಳು ಬೆಳವಣಿಗೆ ಹೊಂದಿ ಕೂದಲಿಗೆ ಆಗುವ ಹಾನಿ ನಿಯಂತ್ರಣಕ್ಕೆ ಬರುತ್ತೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ..

ಮಾಡುವ ವಿಧಾನ

ಒಟ್ಟಿನಲ್ಲಿ ಸ್ಟ್ರಾಬೆರಿ ಹಣ್ಣುಗಳು ಕೂದಲಿನ ಸರ್ವತೋಮುಖ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತೆ ಅನ್ನೋದು ಮಾತ್ರ ಸತ್ಯ. ನಿಮ್ಗೂ ಕೂದಲಿನ ಸಮಸ್ಯೆ ಇದ್ದಲ್ಲಿ, ಈ ಪ್ಯಾಕ್ ಗಳನ್ನು ಟ್ರೈ ಮಾಡಿ ನೋಡಿ. ಯಾವುದೇ ಸೈಡ್ ಎಫೆಕ್ಟ್ ಇಲ್ಲದೇ ಮನೆಯಲ್ಲೇ ತಯಾರಿಸಿಕೊಳ್ಳಬಹುದಾದ ನೈಸರ್ಗಿಕ ಪ್ಯಾಕ್ ಗಳಾಗಿರೋದ್ರಿಂದ ಯಾವುದೇ ಆತಂಕವಿಲ್ಲದೆ ನೀವು ಇವುಗಳನ್ನು ಟ್ರೈ ಮಾಡಬಹುದು..