ಬಾಳೆಹಣ್ಣು: ಆರೋಗ್ಯಕ್ಕೂ ಸೈ, ಕೂದಲಿನ ಸೌಂದರ್ಯಕ್ಕೂ ಜೈ

ಬಾಳೆಹಣ್ಣು ಆರೋಗ್ಯಕ್ಕೆ ಹೇಗೆ ಉತ್ತಮವೋ ಅಂತೆಯೇ ಕೂದಲ ಆರೈಕೆಗೂ ಪೂರಕವೆಂಬುದನ್ನು ಕೇಳಿ ನಿಮಗೆಲ್ಲಾ ಅಚ್ಚರಿವಾಗಬಹುದು ಅಲ್ಲವೇ ? ಹೌದು, ಬಾಳೆಹಣ್ಣನ್ನು ನಿತ್ಯವೂ ಸೇವಿಸುವ ಮೂಲಕ ದೇಹದ ಇತರ ಅಂಗಗಳ ಜೊತೆಗೇ ಕೂದಲಿಗೂ ಉತ್ತಮ ಆರೈಕೆ ದೊರಕುತ್ತದೆ.

ಏಕೆಂದರೆ ಬಾಳೆಹಣ್ಣಿನಲ್ಲಿ ಆರೋಗ್ಯಕ್ಕೆ ಪೂರಕವಾದ ಹಲವು ಪೋಷಕಾಂಶಗಳು, ಕರಗುವ ಮತ್ತು ಕರಗದ ನಾರು ಹಾಗೂ ಉತ್ತಮ ಪ್ರಮಾಣದ ಸಕ್ಕರೆ ಖನಿಜಗಳೂ, ಕೂದಲಿನ ಸೌಂದರ್ಯವನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ, ಬನ್ನಿ ಕೂದಲ ಆರೈಕೆಯಲ್ಲಿ ಬಾಳೆಹಣ್ಣು ಯಾವ ರೀತಿಯಲ್ಲಿ ಪೂರಕವಾಗಿದೆ ಎಂಬ ಮಾಹಿತಿಯನ್ನು ನೋಡೋಣ

ವಿಟಮಿನ್‍‌ಗಳ ಸಮಗ್ರ ಭಂಡಾರ
ಬಾಳೆಹಣ್ಣಿನಲ್ಲಿರುವ ವಿಟಮಿನ್ ಸತ್ವಗಳ ಪಟ್ಟಿಯನ್ನು ಒಮ್ಮೆ ಅವಲೋಕಿಸಿ ನೀವೇ ಊಹಿಸಿ. ಬಾಳೆಹಣ್ಣಿನಲ್ಲಿ ಬಿ3, ಬಿ5, ಬಿ6 ಮತ್ತು ಸಿ ವಿಟಮಿನ್ ಗಳು ಬಾಳೆಹಣ್ಣಿನಲ್ಲಿ ಹೇರಳವಾಗಿದೆ. ಈ ವಿಟಮಿನ್ ಯುಕ್ತ ಬಾಳೆಹಣ್ಣನ್ನು ನಿಯಮಿತವಾಗಿ ಸೇವಿಸಿದರೆ ನಿಮ್ಮ ಕೇಶವು ನಿಜಕ್ಕೂ ಫಳಫಳನೆ ಮಿಂಚುವಂತೆ ಮಾಡಿ ಹೆಚ್ಚು ಕಾಂತಿಯುತಗೊಳಿಸುತ್ತದೆ.

ಪೊಟಾಷಿಯಂ ಸತ್ವ ಹೊಂದಿದೆ
ಪೊಟಾಷಿಯಂ ಸತ್ವದ ಕೊರತೆಯಿಂದ ಕೂದಲುಗಳು ಹೆಚ್ಚು ಉದುರಲು ಪ್ರಾರಂಭಿಸುತ್ತವೆ. ಬಾಳೆಹಣ್ಣಿನಲ್ಲಿರುವ ಪೊಟಾಷಿಯಂ ಅಂಶದಿಂದ ಕೂದಲ ಆರೋಗ್ಯವನ್ನು ಹೆಚ್ಚಿಸಲು ಬಳಸಬಹುದಾದ ಉತ್ತಮ ಆಯ್ಕೆಯಾಗಿದ್ದು, ಕೂದಲ ಬೇರನ್ನು ಸದೃಢಗೊಳಿಸಲು ನೆರವಾಗುತ್ತದೆ.

ಮಾಯಿಶ್ಚರೈಸರ್ ಬಳಕೆ
ಬಾಳೆಹಣ್ಣಿನ ರಸವನ್ನು ನೆತ್ತಿಯ ಚರ್ಮಕ್ಕೆ ಮತ್ತು ಕೂದಲಿಗೆ ನಯವಾಗಿ ಹಚ್ಚಿದರೆ, ಕೂದಲಿನ ಒಳಗಿಂದ ತೇವಾಂಶ ಹೆಚ್ಚಿಸಿ ಕೂದಲನ್ನು ಹೆಚ್ಚು ಆರೋಗ್ಯಕರವಾಗಿಸಿ ಹೆಚ್ಚು ಕಾಂತಿಯುತಗೊಳಿಸುತ್ತದೆ.

ಕೂದಲ ಕಂಡೀಶನರ್ ಬಳಕೆ
ಕೂದಲುಗಳು ದೃಢವಾಗಿದ್ದರೆ ಹೆಚ್ಚು ಆರೋಗ್ಯಯುತವಾಗಿರುತ್ತದೆ ಹಾಗೂ ಮುಖದ ಅಂದವನ್ನೂ ಹೆಚ್ಚಿಸುತ್ತದೆ. ಈ ಗುಣವನ್ನು ಬಾಳೆಹಣ್ಣಿನ ರಸ ಹೊಂದಿದೆ. ಇದು ನಿಮ್ಮ ಕೂದಲಿನ ಉತ್ತಮ ಕಂಡೀಶನರ್ ಆಗಿದ್ದು, ಇದಕ್ಕಿಂತ ಉತ್ತಮ ಆಯ್ಕೆ ಬೇರೊಂದಿಲ್ಲ.ಮೊಟ್ಟೆ ಹಾಗೂ ಬಾಳೆಹಣ್ಣು ಮೊಟ್ಟೆಯು ಕೂದಲಿನ ಅಂದವನ್ನು ಹೆಚ್ಚಿಸುವ ಕ್ರಮವಾದ ಸತ್ವವಾಗಿದೆ.