ಕೂದಲು ಉದುರುವಿಕೆ ಸಮಸ್ಯೆಯನ್ನು ತಡೆಯುವುದು ಹೇಗೆ?

ಸಾಲ್ಮನ್ ಮೀನು

ಈ ಮೀನಿನಲ್ಲಿ ಪೋಷಕಾಂಶ, ವಿಟಮಿನ್ ಮತ್ತು ಕೂದಲ ಬೆಳವಣಿಗೆಗೆ ಬೇಕಾಗುವ ಕೊಬ್ಬಿನ ಅಂಶಗಳಿರುತ್ತವೆ. ನಮ್ಮ ಕೂದಲಿಗೆ ಅಗತ್ಯವಾಗಿ ಬೇಕಾಗುವ ಕೊಬ್ಬಿನ ಅಂಶವನ್ನು ಈ ಮೀನಿನಿಂದ ಪಡೆದುಕೊಳ್ಳಬಹುದು. ಸಾಲ್ಮನ್ ಮತ್ತಿತರ ಸಮುದ್ರಾಹಾರದಲ್ಲಿ ಸತುವಿನ ಅಂಶವಿರುತ್ತದೆ ಇದು ಕೂದಲಿನ ಇತರ ಸಮಸ್ಯೆಗಳಾದ ಒಣ ನೆತ್ತಿ, ತಲೆಹೊಟ್ಟು, ಕೂದಲು ಉದುರುವಿಕೆಯನ್ನು ತಡೆದು ತೇವಾಂಶ ಕಾಪಾಡುತ್ತದೆ.

ಸೋಯಾ

ಸೋಯಾ ಬಳಕೆಯಿಂದ ಇದರಲ್ಲಿರುವ ತಾಮ್ರದ ಅಂಶ ಹಿಮೊಗ್ಲೋಬಿನ್ ಅಗತ್ಯತೆ ಪೂರೈಸಿ ಕೂದಲು ಸೀಳುವಿಕೆ ಮತ್ತು ಉದುರುವಿಕೆಯನ್ನು ತಡೆಯುತ್ತದೆ. ನೀವು ಪ್ರತಿದಿನ ಸೋಯಾ ಹಾಲು ಅಥವಾ ಸೋಯಾ ಪ್ರೋಟೀನ್ ಬಾರ್ ಅನ್ನು ಕೂಡ ಬಳಸಬಹುದು.

ಬ್ಲೂ ಬೆರ್ರಿ

ಕೂದಲು ಆರೋಗ್ಯಯುತವಾಗಿರಲು ವಿಟಮಿನ್ ಸಿ ಅಗತ್ಯವಿರುತ್ತದೆ. ಈ ವಿಟಮಿನ್ ನ ಕೊರತೆಯಿಂದಾಗಿ ಕೂದಲು ಸೀಳುವುದು, ಉದುರುವುದು ಸಂಭವಿಸುತ್ತದೆ. ಬ್ಲೂ ಬೆರ್ರಿಯಲ್ಲಿ ಕೇವಲ ವಿಟಮಿನ್ ಸಿ ಮಾತ್ರವಲ್ಲ ಉತ್ಕರ್ಷಣ ನಿರೋಧಕ ಶಕ್ತಿ ಕೂಡ ಹೇರಳವಾಗಿ ದೊರೆಯುತ್ತದೆ.

ಕಾಳುಗಳು

ಆರೋಗ್ಯಕರ ಕೂದಲಿಗೆ ಬೇಕಾಗುವ ವಿಟಮಿನ್, ಬಯೋಟಿನ್, ಒಮೇಗಾ 3, ಕೊಬ್ಬಿನ ಆಮ್ಲ ಮತ್ತು ತಾಮ್ರದ ಅಂಶಗಳು ಈ ಕಾಳುಗಲ್ಲಿ ದೊರೆಯುತ್ತದೆ. ಇದರಲ್ಲಿರುವ ಪೋಷಕಾಂಶಗಳು ಕೂದಲ ಬಣ್ಣವನ್ನು ಕಾಪಾಡುತ್ತದೆ, ಅಲ್ಲದೆ ಸೂರ್ಯನ ಕಿರಣಗಳಿಂದ ಹಾನಿಗೆ ಒಳಗಾಗುವುದನ್ನು ತಡೆಯುತ್ತದೆ ಮತ್ತು ಹೊಳೆಯುವಂತೆ ನೋಡಿಕೊಳ್ಳುತ್ತದೆ.

ಮೊಟ್ಟೆ

ಮೊಟ್ಟೆ ಪ್ರೋಟೀನ್ ಅನ್ನು ಹೇರಳವಾಗಿ ಹೊಂದಿದ್ದು ಇದನ್ನು ಬಳಸುವುದರಿಂದ ಕೂದಲ ಸಮಸ್ಯೆ ಕಡಿಮೆಯಾಗುತ್ತದೆ. ಪ್ರೋಟೀನ್ ನೆತ್ತಿಯನ್ನು ಗಟ್ಟಿ ಮಾಡಿ ಕೂದಲು ಉದುರುವಿಕೆಯನ್ನು ತಡೆಯುತ್ತದೆ.ಪ್ರಾಣಿಗಳಿಂದ ದೊರೆಯುವ ಪ್ರೋಟೀನ್ ಒಳ್ಳೆಯದು ಅದು ಕೋಳಿ,ಮೀನು,ಮಾಂಸ ಅಥವಾ ಚೀಸ್ ಯಾವುದೇ ಆಗಿರಬಹುದು.

ಗೆಣಸು

ಗೆಣಸಿನಲ್ಲಿರುವ ಬೀಟಾ ಕೆರೋಟಿನ್ ಅಂಶ ದೇಹಕ್ಕೆ ವಿಟಮಿನ್ ಎ ನೀಡುತ್ತದೆ. ಇದು ನೆತ್ತಿಯಲ್ಲಿ ಅಗತ್ಯವಿರುವ ಎಣ್ಣೆ ಅಂಶವನ್ನು ಉತ್ಪತ್ತಿ ಮಾಡಲು ಸಹಾಯಕವಾಗುತ್ತದೆ. ಈ ಎಣ್ಣೆ ಅಂಶ ಕಡಿಮೆಯಾದರೆ ತುರಿಕೆ ಮತ್ತು ಕಿರಿಕಿರಿ ಪ್ರಾರಂಭವಾಗುತ್ತದೆ. ಗೆಣಸನ್ನು ಬೇಯಿಸಿಕೊಂಡು ಬೇಕಿದ್ದಲ್ಲಿ ನಿಂಬು ಬೆರಸಿ ಹಾಗೆಯೇ ತಿನ್ನಬಹುದು.

ನಮ್ಮ ಚರ್ಮದಂತೆಯೇ ಕೂದಲು ಕೂಡ ಆರೋಗ್ಯದ ಕುರುಹನ್ನು ನೀಡುತ್ತದೆ. ಕೂದಲ ಬೆಳವಣಿಗೆಗೆ ಅಗತ್ಯ ಪೋಷಕಾಂಶ ನೀಡುವುದು ಕೂಡ ಅಷ್ಟೇ ಮುಖ್ಯ.