ಕೂದಲು ಹಾಳಾಗುವುದನ್ನು ತಡೆಯಬೇಕೇ? ಇಲ್ಲಿದೆ ಸೂಕ್ತ ಸಲಹೆ

ಒದ್ದೆ ಕೂದಲನ್ನು ಬಾಚಬೇಡಿ

ಕೂದಲು ಒದ್ದೆಯಾಗಿದ್ದಾಗ ಕೂದಲು ದುರ್ಭಲವಾಗಿರುವುದರಿಂದ ಕೂದಲುದುರುವಿಕೆ ಉಂಟಾಗುವುದು ಸಹಜ. ಆದ್ದರಿಂದ ತಲೆ ಸ್ನಾನದ ನಂತರ ಕೂದಲನ್ನು ಬಾಚುವಲ್ಲಿ ಮುಂಜಾಗ್ರತೆವಹಿಸಿ.

ಸ್ಕಾರ್ಫ್ ಬಳಸಿ

ದೂಳು ಮತ್ತು ಬೆವರಿನಿಂದ ಕೂದಲಿನ ರಕ್ಷಣೆ ಮಾಡಿ ಇಂದಿನ ಮಾಲಿನ್ಯದಿಂದಾಗಿ ನಿಮ್ಮ ಕೂದಲಿನ ವಿನ್ಯಾಸ, ಸೌಂದರ್ಯ ಹಾಳಾಗುತ್ತದೆ. ರಾಸಾಯನಿಕ ಪದಾರ್ಥಗಳು ಮತ್ತು ಧೂಳಿನಿಂದಾಗಿ ಕೂದಲು ಹಾನಿಗೊಳಗಾಗುತ್ತದೆ. ಇವುಗಳನ್ನು ತಡೆಯಲು ಮಹಿಳೆಯರು ಸ್ಕಾರ್ಫ್ ಗಳನ್ನು ಬಳಸುತ್ತಾರೆ. ಆದರೆ ಬೇಸಿಗೆ ಕಾಲದಲ್ಲಿ ತಲೆಗೆ ಸ್ಕಾರ್ಫ್ ಕಟ್ಟಿದರೆ ಅತಿಯಾದ ಬೆವರುವಿಕೆಯಿಂದಾಗಿ ಕೂದಲು ಎಣ್ಣೆಯುಕ್ತವಾಗುತ್ತದೆ.

ವಾತಾವರಣದ ಏರುಪೇರು

ವಾತಾವರಣದ ಏರುಪೇರಿನಲ್ಲಿ ಕೂದಲಿನ ರಕ್ಷಣೆ ಅತೀಯಾದ ಉಷ್ಣ ಅಥವಾ ಅತೀವ ತಂಪಾದ ವಾತಾವರಣ ಕೂಡ ಕೂದಲಿಗೆ ಅತ್ಯಂತ ಹಾನಿಕರ.

ಮಾನಸಿಕ ಒತ್ತಡ

ಮಾನಸಿಕ ಒತ್ತಡ ಒಳ್ಳೆಯದಲ್ಲ ಅತೀಯಾದ ಒತ್ತಡದಿಂದ ಕೂದಲು ಹಾನಿಗೊಳಗಾಗುತ್ತದೆ ಮತ್ತು ಕೂದಲಿನ ಬೆಳವಣಿಗೆಯಲ್ಲಿ ಕುಂಠಿತವಾಗುತ್ತದೆ.

ಕೂದಲಿನ ಸೌಂದರ್ಯ ಸದೃಢತೆಯನ್ನು ಕಾಯ್ದುಕೊಳ್ಳಿ:

ಸೋಡಿಯಮ್ ಲಾರ್ಯಲ್ ಸಲ್ಫೇಟ್ (SLS) ಮತ್ತು ಸೋಡಿಯಂ ಸಲ್ಫೇಟ್, ಡೈಯೇಥನೋಲಮೈನ್(diethanolamine), ಮೋನೋಎಥನೋಲಮೈನ್ (momoethanolamine), ಟ್ರೈಯೇಥನೋಲಮೈನ್ (triethanolamine), ಫಾರ್ಮಾಲ್ಡಿಹೈಡ್ (Formaldehyde) ಇತ್ಯಾದಿ ರಾಸಾಯನಿಕಗಳು ನಿಮ್ಮ ಕೂದಲನ್ನು ಹಾನಿಗೊಳಿಸುತ್ತವೆ. ಕೂದಲು ನೈಸರ್ಗಿಕವಾಗಿ ಅಥವಾ ಸಹಜವಾಗಿ ಒಣಗಲು ಬಿಡಿ. ಇಲ್ಲವಾದರೆ ಕೂದಲು ಶುಷ್ಕವಾಗಿ ಕೂದಲುದುರುವಿಕೆ ಪ್ರಾರಂಭವಾಗುತ್ತದೆ. ನಿಮ್ಮ ಕೂದಲಿನ ಸೌಂದರ್ಯ ಸದೃಢತೆಯನ್ನು ಕಾಯ್ದುಕೊಳ್ಳುವುದು ನಿಮ್ಮ ಕೈಯಲ್ಲೇ ಇದೆ. ಆದ್ದರಿಂದ ಮುಂಜಾಗ್ರತೆಯನ್ನು ವಹಿಸಿ ಕೂದಲಿನ ರಕ್ಷಣೆಯನ್ನು ಮಾಡಿ.

ರಾಸಾಯನಿಕಗಳಿರುವ ಶಾಂಪೂವನ್ನು ಬಳಸದಿರಿ

ಈ ರಾಸಾಯನಿಕಗಳಿರುವ ಶಾಂಪೂವನ್ನು ಬಳಸದಿರಿ, ಇದು ನಿಮ್ಮ ಕೂದಲಿನ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು, ಅಲ್ಲದೆ ನಿಮ್ಮ ಕೂದಲು ಹೊಳಪನ್ನು ಕಳೆದುಕೊಳ್ಳಬಹುದು

ಕಂಡೀಷನರ್ ಬಳಸಿ

ಶ್ಯಾಂಪೂವಿನಿಂದ ಕೂದಲನ್ನು ತೊಳೆದ ನಂತರ ಕೂದಲಿನ ತೇವಾಂಶವನ್ನು ಕಾಯ್ದುಕೊಳ್ಳಲು ತಣ್ಣೀರಿನಲ್ಲಿಯೇ ಕೂದಲನ್ನು ತೊಳೆಯಿರಿ. ಕಂಡೀಷನರ್ ನ್ನು ಬಳಸಲು ಮರೆಯಬೇಡಿ. ಇದು ಕೂದಲಿಗೆ ಅಗತ್ಯ ಖನಿಜಗಳನ್ನು ಜೀವಸತ್ವಗಳನ್ನು ಒದಗಿಸುತ್ತದೆ.

ನೈಸರ್ಗಿಕವಾದ ಶ್ಯಾಂಪೂ, ಸೋಪ್‌‌ಗಳನ್ನೇ ಬಳಸಿ

ಶ್ಯಾಂಪೂವನ್ನು ಆಯ್ಕೆಮಾಡುವ ಮುನ್ನ ಚೆನ್ನಾಗಿ ಯೋಚಿಸಿ. ಅತ್ಯಂತ ಪ್ರಭಲವಾದ ಶ್ಯಾಂಪೂ ನಿಮ್ಮ ಕೂದಲನ್ನು ಒರಟು, ಶುಷ್ಕ ಹಾಗೂ ತುಂಡಾಗಿಸಬಹುದು. ಇಂದು ನೈಸರ್ಗಿಕವಾದ ಹಲವಾರು ಶಾಂಪೂ ಉತ್ಪನ್ನಗಳು ಲಭ್ಯ. ಆದ್ದರಿಂದ ನೈಸರ್ಗಿಕವಾದ ಶ್ಯಾಂಪೂ, ಸೋಪ್ ಗಳನ್ನೇ ಬಳಸಿ.

ಕೂದಲಿಗೆ ಬ್ಲೀಚ್ ಮಾಡಿಸಬೇಡಿ

ಬೇಸಿಗೆಯಲ್ಲಿ ಕೂದಲಿಗೆ ನೇರವಾಗಿ ರಾಸಾಯನಿಕ ಚಿಕಿತ್ಸೆ, ಬ್ಲೀಚ್ ಮಾಡಿಸುವುದನ್ನು ತಪ್ಪಿಸಿ. ಇದು ಕೂದಲನ್ನು ಶುಷ್ಕವನ್ನಾಗಿಸುತ್ತದೆ. ನಿಮ್ಮ ಕೂದಲನ್ನು ಹೊಳೆಯುವಂತಾಗಲು ಮತ್ತು ಕೂದಲು ಹಾನಿಯನ್ನು ಸರಿಪಡಿಸಲು ಕೆಲವು ಸಮಯದ ವರೆಗೆ ಸಹಜವಾಗಿ ಕೂದಲು ಬೆಳೆಯಲು ಅವಕಾಶ ನೀಡಿ.

ಬಿಗಿಯಾದ ಜಡೆ ಹಾಕಬೇಡಿ

ಸಾಮಾನ್ಯವಾಗಿ ಸಾಕಷ್ಟು ಮಹಿಳೆಯರು ಮಲಗುವ ಮೊದಲು ಜಡೆ ಹೆಣೆದು ಮಲಗುತ್ತಾರೆ. ಇದು ಕೂದಲು ಉದುರಲು ಪ್ರಮುಖ ಕಾರಣ. ಮಲಗುವ ಮುನ್ನ ಕೂದಲನ್ನು ಹಾಗೆಯೇ ಸಡಿಲವಾಗಿ ಬಿಡಿಸಿ ಮಲಗಿ. ಇದು ಕೂದಲು ಬೆಳೆಯಲು ಸಹಾಯವಾಗುತ್ತದೆ.

ಬಿಗಿಯಾದ ಕೂದಲು

ಕೂದಲಿಗೆ ಹಾಕಿದ ಬ್ಯಾಂಡ್ ಅಥವಾ ಪಿನ್ ಗಳನ್ನು ಆದಷ್ಟು ಬೇಗ ತೆಗೆದು ಕೂದಲನ್ನು ಸಡಿಲವಾಗಿ ಬಿಡಿ. ದೀರ್ಘ ಸಮಯದ ವರೆಗೆ ಕೂದಲನ್ನು ಬಿಗಿಯಾಗಿ ಕಟ್ಟಿದರೆ ಕೂದಲಿನ ಬೇರುಗಳಿಗೆ ಹಾನಿಯಾಗಿ ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ.

ಹೇರ್ ಪ್ರಾಡಕ್ಟ್

ಕೂದಲು ಹಾನಿಗೊಳಗಾಗುವುದನ್ನು ತಪ್ಪಿಸಲು, ನಿಮ್ಮ ಕೂದಲಿಗೆ ಬಳಸುವ ಉತ್ವನ್ನಗಳನ್ನು ಶೀರ್ಘವಾಗಿ ತೊಳೆಯಿರಿ. ಜೆಲ್ ಮತ್ತು ಮೌಸ್ಸ್ ನ್ನು ಮೇಕಪ್ ತೊಳೆಯುವ ಹಾಗೆ ಮನೆಗೆ ಒಂದ ತಕ್ಷಣವೇ ಸಂಪೂರ್ಣವಾಗಿ ತೊಳೆಯಿರಿ.

ಫ್ಲಾಟ್ ಐರನ್ ಮತ್ತು ಬ್ಲೋ- ಡ್ರೈಯಿಂಗ್

ಫ್ಲಾಟ್ ಐರನ್ ಮತ್ತು ಬ್ಲೋ- ಡ್ರೈಯಿಂಗ್ ಗಳು, ನಿಮ್ಮ ಕೂದಲನ್ನು ಹಾನಿ ಗೊಳಿಸಬಲ್ಲ ಇತರ ರೂಪಗಳು! ಈ ವಸ್ತುಗಳು ಒಟ್ಟಿಗೆ ಕೂದಲಿನಲ್ಲಿ ಜಲಜನಕ ಬಂಧಗಳಿಂದ ತಾತ್ಕಾಲಿಕ ಬದಲಾವಣೆಗಳನ್ನು ಉಂಟು ಮಾಡಲು ರಚಿಸಲ್ಪಟ್ಟ ಅತಿಯಾದ ಶಾಖವಾಗಿದೆ. ಆದ್ದರಿಂದ ವಿದ್ಯುನ್ಮಾನ ಶೈಲಿಯ ಉತ್ಪನ್ನಗಳನ್ನು ಬಳಸುವುದನ್ನು ನಿಲ್ಲಿಸಿ ಮತ್ತು ಅತ್ಯಂತ ಅಗತ್ಯವಾಗಿದ್ದಾಗ ಮಾತ್ರ ಬಳಸಿ ಆದರೆ ಇದನ್ನು ದೈನಂದಿನ ಬಳಕೆಗೆ ಖಂಡಿತವಾಗಿಯೂ ಬಳಸಬೇಡಿ.