ಚಳಿಗಾಲದಲ್ಲಿ ಕೂದಲಿನ ಆರೈಕೆ ಹೇಗಿರಬೇಕು?

ಇಂತಹ ತಪ್ಪನ್ನು ಮಾಡಬೇಡಿ!

ಕೂದಲಿಗೆ ಬಣ್ಣ, ಐರನಿಂಗ್, ಸ್ಟ್ರೀಕಿಂಗ್ ಇತ್ಯಾದಿ ಬೇಡವೇ ಬೇಡ. ಇದು ಸಹ ಚಳಿಗಾಲದಲ್ಲಿ ಕೂದಲಿನ ಆರೋಗ್ಯವನ್ನು ಕಾಪಾಡುತ್ತದೆ. ಇದೆಲ್ಲವು ನಿಮ್ಮ ಕೂದಲಿಗೆ ಮಾರಕ ಎಂಬುದನ್ನು ಮರೆಯಬೇಡಿ. ಅದಕ್ಕಾಗಿ ಈ ಚಳಿಗಾಲದಲ್ಲಿ ಇವು ಯಾವುದು ನಿಮ್ಮ ಕೂದಲಿನ ಅಕ್ಕ ಪಕ್ಕಕ್ಕು ಸಹ ಸುಳಿಯಬಾರದು ಎಚ್ಚರ!. ಕೂದಲಿನ ಆರೈಕೆಯಲ್ಲಿ ಪಾಲಿಸಬಹುದಾದ 10 ವಿಧಾನಗಳು

ಸ್ಕಾರ್ವ್ಸ್ ಅಥವಾ ವುಲನ್ ಟೋಪಿಯನ್ನು ಧರಿಸಿ

ನಿಮ್ಮ ಕಿರೀಟವನ್ನು ಧರಿಸಿ ಚಳಿಗಾಲದಲ್ಲಿ ನಿಮ್ಮ ತಲೆಯನ್ನು ಮುಚ್ಚಿಕೊಳ್ಳುವುದು ಅತ್ಯಗತ್ಯ. ಸ್ಕಾರ್ವ್ಸ್ ಅಥವಾ ವುಲನ್ ಟೋಪಿಯನ್ನು ಧರಿಸಿ. ನಿಮ್ಮ ತಲೆಗೆ ಸ್ಕಾರ್ಫ್ ಧರಿಸುವಾಗ ಎಚ್ಚರವಹಿಸಿ, ಯಾವುದೇ ಕಾರಣಕ್ಕು ನಿಮ್ಮ ತಲೆಗೆ ರಕ್ತ ಸಂಚಾರ ನಿರ್ಬಂಧಿಸುವಂತಹ ಟೋಪಿ ಅಥವಾ ಸ್ಕಾರ್ಫ್‌ಗಳು ಬೇಡ. ಇದು ಸಹ ನಿಮ್ಮ ಕೂದಲ ಆರೋಗ್ಯವನ್ನು ಕಾಪಾಡುತ್ತದೆ ಎಂದು ತಿಳಿದಿರಲಿ.

ಶಾಂಪೂವನ್ನು ಬಳಸಬೇಡಿ

ಒಂದು ವೇಳೆ ನಿಮಗೆ ಪ್ರತಿದಿನವು ಶಾಂಪೂವನ್ನು ಹಾಕಿಕೊಳ್ಳುವ ಅಭ್ಯಾಸವಿದ್ದರೆ, ಚಳಿಗಾಲದಲ್ಲಿ ಶಾಂಪೂವನ್ನು ಬಳಸುವುದನ್ನು ತಡೆಯುವುದು ಉತ್ತಮ. ಪ್ರತಿದಿನವು ಶಾಂಪೂವನ್ನು ಹಾಕುವುದರಿಂದ ನಿಮ್ಮ ಕೇಶವು ಒಣಗುವುದು ಸಾಮಾನ್ಯವಾಗುತ್ತದೆ. ಹಾಗಾಗಿ ಈ ಚಳಿಗಾಲದಲ್ಲಿ ಆದಷ್ಟು ಕಡಿಮೆ ಶಾಂಪೂವನ್ನು ಬಳಸುವುದು ಉತ್ತಮ. ಚಳಿಗಾಲದಲ್ಲಿ ಕೇಶ ರಕ್ಷಣೆ: ಮಾಡಲೇಬಾರದ ತಪ್ಪುಗಳು

ಕೇಶಕ್ಕಾಗಿ ಕಂಡೀಶನಿಂಗ್ ಮಾಡಿ

ಅತ್ಯುತ್ತಮ ಕೇಶಕ್ಕಾಗಿ ಕಂಡೀಶನಿಂಗ್ ಮಾಡಿ ಚಳಿಗಾಲದಲ್ಲಿ ಕೇಶದ ಆರೋಗ್ಯವನ್ನು ಉಳಿಸಿಕೊಳ್ಳಲು ಇರುವ ಅತ್ಯುತ್ತಮ ಮಾರ್ಗ ಕಂಡೀಶನ್ ಮಾಡುವುದು. ಇದು ಚಳಿಗಾಲದಲ್ಲಿ ಕೂದಲಿಗೆ ಅತ್ಯುತ್ತಮ ರಕ್ಷಾ ಕವಚದಂತೆ ಕಾರ್ಯ ನಿರ್ವಹಿಸುತ್ತದೆ. ಅದಕ್ಕಾಗಿ ಪ್ರತಿ ಬಾರಿ ನೀವು ಕೂದಲನ್ನು ತೊಳೆದಾಗಲು ಕಂಡೀಶನಿಂಗ್ ಮಾಡುವುದನ್ನು ಮರೆಯಬೇಡಿ. ಅದರಲ್ಲು ನೀವು ಸ್ವಾಭಾವಿಕವಾಗಿ ಕಂಡೀಶನ್ ಮಾಡಬೇಕೆಂದಾದಲ್ಲಿ, ತೆಂಗಿನ ಹಾಲು ಅತ್ಯುತ್ತಮ ಕಂಡೀಶನರ್ ಆಗಿರುತ್ತದೆ.

ಒದ್ದೆ ಕೂದಲನ್ನು ಕಟ್ಟಬೇಡಿ

ಚಳಿಗಾಲದಲ್ಲಿ ತಲೆಗೆ ಸ್ನಾನ ಮಾಡಿಸಿ, ಅದನ್ನು ಒಣಗಿಸುವುದು ತಲೆನೋವಿನ ವಿಷಯವೇ ಸರಿ. ಅದರಲ್ಲು ಕೂದಲನ್ನು ಬಾಚಿ ಜಡೆ ಹಾಕುವ ಮುನ್ನ ಒಮ್ಮೆ ಯೋಚಿಸಿ. ಈ ಚಳಿಗಾಲದಲ್ಲಿ ಒದ್ದೆ ಕೂದಲನ್ನು ಕಟ್ಟಿ ಜಡೆ ಹಾಕುವುದಕ್ಕಿಂತ, ಹಾಗೆಯೇ ಒಣಗಲು ಬಿಡುವುದು ಉತ್ತಮ.

ಗುಂಗುರು ಕೂದಲು

ಚಳಿಗಾಲದ ಚಳಿಯನ್ನು ನೀವು ಎಷ್ಟೇ ಆಸ್ವಾದಿಸಿದರು ವಾತಾವರಣವು ನಿಮ್ಮ ಕೂದಲನ್ನು ಗುಂಗುರು ಮಾಡಿ ಬಿಡುತ್ತದೆ. ಇದಕ್ಕೆ ಕಾರಣ ನಿಮ್ಮ ಕೂದಲು ಒಣ ಕೂದಲಾಗಿ ಪರಿವರ್ತನೆಯಾದುದೇ ಆಗಿದೆ. ಈ ಗುಂಗುರು ತನವನ್ನು ಹೋಗಲಾಡಿಸಿಕೊಳ್ಳಲು ಒಂದು ಒಳ್ಳೆಯ ಬ್ರಷ್ ಅನ್ನು ಬಳಸಿ. ಈ ಮೇಲಿನ ಸಲಹೆಗಳನ್ನು ಪಾಲಿಸಿ ನಿಮ್ಮ ಕೂದಲ ಆರೋಗ್ಯವನ್ನು ಮತ್ತು ಸೌಂದರ್ಯವನ್ನು ಕಾಪಾಡಿಕೊಳ್ಳಿ.