ಆರೋಗ್ಯಕಾರಿ ಕೂದಲಿಗಾಗಿ ಪೋಷಕಾಂಶಭರಿತ ಆಹಾರ ಪದ್ಧತಿಗಳು

ಭುಜದ ಮೇಲೆ ಹಾರಾಡುವಂಥ ಹೊಳಪಿನ ಕೂದಲು ಬೇಕು ಅಂತಾನೇ ಆಸೆ. ಆದ್ರೆ ಕೆಲವೇ ಕ್ಷಣಗಳಲ್ಲಿ ಸಿಕ್ಕುಸಿಕ್ಕಾಗುವ ಕೂದಲ ಮೇಲೆ ವಿಪರೀತ ಸಿಟ್ಟಾಗುತ್ತೀರ. ಒರಟಾದ ಹಾಗೂ ಕಳೆಗುಂದಿದ ಕೂದಲ ಬಗ್ಗೆ ಬೇಸರಿಸಬೇಡಿ. ನಿಮ್ಮ ಕೂದಲನ್ನು ಕೂಡ ಹೊಳಪಾಗಿಸಿಕೊಳ್ಳಬಹುದು. ಹಾಗಾದರೆ ಇಂತಹ ಸಮಸ್ಯೆಯಿಂದ ಹೊರಬರುವುದು ಹೇಗೆ? ಚಿಂತಿಸಬೇಡಿ ಇಂದು ಬೋಲ್ಡ್ ಸ್ಕೈ ಆರೋಗ್ಯಕರ ಕೂದಲು ಬೆಳೆಯಲು ನಿಮಗೆ ಸಹಾಯಕವಾಗುವ ಪೋಷಕಾಂಶಭರಿತ ಆಹಾರಗಳನ್ನು ಪರಿಚಯಿಸುತ್ತಿದೆ

ಕಬ್ಬಿಣ ಮತ್ತು ಸತು (ಜಿಂಕ್) ಸೇರಿರುವ ಆಹಾರಗಳು

ಕಬ್ಬಿಣ ಮತ್ತು ಸತುವಿನ ಅಂಶಗಳು ಕೂದಲ ಕೋಶಕವನ್ನು ಬೆಳೆಯಲು ಸಹಾಯಮಾಡುತ್ತವೆ ಎಂದು ಕ್ಲೀವ್ಲ್ಯಾಂಡ್ ಕ್ಲಿನಿಕ್ ಚರ್ಮರೋಗ ವೈದ್ಯ ವಿಲ್ಮಾ ಬರ್ಗ್‌ಫೆಲ್ಡ್ ಹೇಳುತ್ತಾಳೆ. ವಾರದಲ್ಲಿ ಎರಡುಬಾರಿ ಎರಡೂ ಪೋಷಕಾಂಶಗಳಿರುವ ನೇರ ಕೆಂಪು ಮಾಂಸವನ್ನು ಸೇವಿಸಬೇಕೆಂದು ಅವಳು ಹೇಳುತ್ತಾಳೆ. ಕಬ್ಬಿಣಾಂಶದ ಪ್ರಭಾವವನ್ನು ಹೆಚ್ಚಿಸಲು ಮಾಂಸರಹಿತ ಮೂಲಗಳಾದ ಸೋಯಬೀನ್ಸ್ ಅಥವ ಬೇಳೆ ಮತ್ತು ವಿಟಮಿನ್ ಸಿ ಭರಿತ ಕಿತ್ತಲೆ ಹಣ್ಣು ಇವರಡನ್ನು ಜೊತೆ ಮಾಡಿ ಸೇವಿಸಿ. ಆಲೂಗಡ್ಡೆಯ ಕರಾಮತ್ತಿನಲ್ಲಿದೆ ಕೇಶ ಸಮಸ್ಯೆಗೆ ಪರಿಹಾರ

ವಿಟಮಿನ್ ಡಿ

ಹಲವಾರು ಅಧ್ಯಯನಗಳ ಪ್ರಕಾರ ವಿಟಮಿನ್ ಡಿ ಕೂದಲು ಬೆಳವಣಿಗೆ ಸಕ್ರಿಯಗೊಳಿಸಲು ಸಹಾಯಾಮಾಡಬಹುದು ಎಂಬುದನ್ನು ಕಂಡುಹಿಡಿದಿದ್ದಾರೆ. ಆದಾಗ್ಯೂ ವಿಟಮಿನ್ ಡಿ ನಲ್ಲಿ ಸ್ವಲ್ಪ ಸಮಸ್ಯೆಯಿದೆ. ಕೆಲವು ಆಹಾರಗಳಲ್ಲಿ ಅದು ನೈಸರ್ಗಿಕವಾಗಿ ಇರುತ್ತದೆ ಮತ್ತು ಬಿಸಿಲಿಗೆ ಮೈಯೊಡ್ಡಿ ಕೆಲವು ನಿಮಿಷಗಳ ಕಾಲ ಕುಳಿತರೆ ನಿಮ್ಮ ದೇಹಕ್ಕೆ ಹೆಚ್ಚು ವಿಟಮಿನ್ ಡಿ ಉತ್ಪಾದಿಸಲು ಸಹಾಯಮಾಡಬಹುದಾದರೂ ಹೆಚ್ಚಿನ ಸಮಯ ಮೈಯೊಡ್ಡುವುದರಿಂದ ಸೂರ್ಯನ ಕಿರಣದಲ್ಲಿರುವ ಯು.ವಿ ಕಿರಣಗಳಿಂದ ಅಪಾಯವಾಗುವುದೆಂದು ಅನೇಕ ತಜ್ಞರು ಅದನ್ನು ವಿರೋಧಿಸಲು ಸಲಹೆಕೊಟ್ಟಿರುತ್ತಾರೆ.

ಪ್ರೋಟೀನ್

ಪ್ರೋಟೀನ್ ನಮ್ಮ ಜೀವಕೋಶಗಳ ಬೆಳವಣಿಗೆಗೆ ಉತ್ತೇಜನ ಕೊಡುತ್ತದೆ ಮತ್ತು ಅದರ ದುರಸ್ತಿಯನ್ನೂ ಮಾಡುತ್ತದೆ ಮತ್ತು ನಿಮ್ಮ ಕೂದಲಿನ ಶಕ್ತಿಯನ್ನು ಹೆಚ್ಚಿಸುತ್ತದೆ. ಮಹಿಳೆಯರು ದಿನವೊಂದಕ್ಕೆ ಕನಿಷ್ಟ ಪಕ್ಷ 46 ಗ್ರಾಮ್ಸ್ (3 ಔನ್ಸ್ ಕೋಳಿಮಾಂಸದಲ್ಲಿ 23 ಔನ್ಸ್ ಇರುತ್ತವೆ) ಪೋಷಕಾಂಶವನ್ನು ತೆಗೆದುಕೊಳ್ಳಬೇಕು. ನೀವು ನಿಖರವಾಗಿ ಎಷ್ಟು ಪ್ರಮಾಣದ ಪ್ರೋಟೀನ್ ತೆಗೆದುಕೊಳ್ಳಬೇಕೆಂಬುದನ್ನು ಈ ಮಾರ್ಗದರ್ಶಿಯನ್ನು ಅನುಸರಿಸಿ. ತಲೆಹೊಟ್ಟನ್ನು ನಿವಾರಿಸಲು 20 ಮನೆ ಮದ್ದುಗಳು

ಒಮೇಗಾ-3 ಫ್ಯಾಟಿ ಆಸಿಡ್ಸ್

ಒಣ ಕೂದಲು (ಹೈಡ್ರೇಟೆಡ್) ಬೇಕಿದ್ದಲ್ಲಿ ವಾರಕ್ಕೆಅಡು ಬಾರಿ ಫ್ಯಾಟಿ ಮೀನು (ಸಾಲ್ಮನ್ ತರಹ) ಸೇವಿಸಿ ಅಥವಾ ಒಂದು ಗ್ರಾಮಿನಷ್ಟು ಡಿ.ಹೆಚ್.ಎ. (docosahexaenoic acid) ಮತ್ತು ಇ.ಪಿ.ಎ. (eicosapentaenoic acid) ಸಹಾಯಕ ಪೋಷಕಾಂಶವನ್ನು ತೆಗೆದುಕೊಳ್ಳಿ. ರೇಷ್ಮೆಯಂತಹ ಕೂದಲಿನ ಜೊತೆಗೆ ಒಮೇಗಾ-3 ಖಿನ್ನತೆ ನಿವಾರಣೆಗೆ ಮತ್ತು ಹೃದಯ ಕಾರ್ಯಕ್ಕೆ ಸಹಾಯಮಾಡುವುದೆಂದು ಸಾಬೀತಾಗಿದೆ.

ಬಯೋಟಿನ್

ಕೋಳಿ ಮೊಟ್ಟೆಗಳಲ್ಲಿ ವಿಟಮಿನ್ ಬಿ ಅಧಿಕವಾಗಿದ್ದು ಕೂದಲಿನ ಬೆಳವಣಿಗೆಗೆ ಅಗತ್ಯವಾಗಿದೆ. (ಪ್ರೋಟೀನ್, ಕೋಲೀನ್ ಮತ್ತು ವಿಟಮಿನ್ ಡಿ ಇವುಗಳಿಗೂ ಇದು ಒಂದು ಉತ್ತಮ ಮೂಲವಾಗಿದೆ). ನಿಮಗೆ ಮೊಟ್ಟೆ ಇಷ್ಟವಿಲ್ಲವೇ? ಹಾಗಿದ್ದಲ್ಲಿ ಪ್ರತಿದಿನ 30 ಎಮ್.ಸಿ. ಜಿ.(mcg) ಸಹಾಯಕ ಔಷಧವನ್ನು ತೆಗೆದುಕೊಳ್ಳಿ.