ಆರೋಗ್ಯಕರ ಕೂದಲಿಗೆ ಮನೆಮದ್ದುಗಳು

ಆರೋಗ್ಯಕರ ಕೂದಲಿಗೆ ಬಾಳೆಹಣ್ಣು

ಬಾಳೆಹಣ್ಣಿನಲ್ಲಿರುವ ಉನ್ನತ ಮಟ್ಟದ ಪೊಟಾಶಿಯಂ ಕೂದಲಿನ ಆರೋಗ್ಯ ಮತ್ತು ನೈಸರ್ಗಿಕ ಸ್ಥಿತಿಸ್ಥಾಪಕತ್ವ ಸುಧಾರಿಸಲು ನೆರವಾಗುತ್ತದೆ. ಬಾಳೆಹಣ್ಣನ್ನು ಒಂದು ಬೌಲ್ ಗೆ ಹಾಕಿ ಮಿಶ್ರ ಮಾಡಿ. ಇದನ್ನು ಕೂದಲಿನ ಬುಡದಿಂದ ತುದಿಯವರೆಗೆ ಹಚ್ಚಿ. 15 ನಿಮಿಷ ತನಕ ಹಾಗೆ ಬಿಡಿ ಮತ್ತು ಶಾಂಪೂ ಹಾಕಿ ತೊಳೆಯಿರಿ. ಇದು ಒಣ ಹಾಗೂ ಕೂದಲಿಗೆ ಹಾನಿಯಾಗುವುದನ್ನು ತಡೆಯುತ್ತದೆ.

ಮೊಟ್ಟೆಯ ಹಳದಿ ಲೋಳೆ

ಮೊಟ್ಟೆಯ ಹಳದಿ ಲೋಳೆಯನ್ನು ನಿಮ್ಮ ತಲೆ ಬುರುಡೆಗೆ ಮಸಾಜ್ ಮಾಡಿ ಅಥವಾ ಮೂರು ಮೊಟ್ಟೆಗಳ ಹಳದಿ ಲೋಳೆ, ಒಂದು ಸಣ್ಣ ಚಮಚ ಆಲಿವ್ ಎಣ್ಣೆ ಮತ್ತು ಮೂರು ಹನಿ ವಿಟಮಿನ್ ಇ ನಿಮ್ಮ ಕೂದಲಿಗೆ ಅದ್ಭುತವನ್ನು ಮಾಡಬಹುದು. ಇದನ್ನು ಹತ್ತು ನಿಮಿಷಗಳ ಕಾಲ ಹಾಗೆ ಬಿಟ್ಟ ಬಳಿಕ ತೊಳೆದು ಶಾಂಪೂ ಹಾಕಿ. ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ ಎರಡು ಸಲವಾದರೂ ಹೀಗೆ ಮಾಡಿ. ಈ ವಿಧಾನದಿಂದ ಕೂದಲನ್ನು ನಯ ಮಾಡಿ ತೇವಾಂಶ ನೀಡಬಹುದು.

ಬಿಯರ್ ಚಿಕಿತ್ಸೆ

ಅತ್ಯಂತ ಜನಪ್ರಿಯ ಚಿಕಿತ್ಸೆಯೆಂದರೆ ಕೂದಲನ್ನು ಸ್ವಲ್ಪ ಬಿಯರ್ ಹಾಕಿ ತೊಳೆಯುವುದು. ಒಂದು ಸ್ಪ್ರೇ ಬಾಟಲಿಗೆ ಬಿಯರ್ ಹಾಕಿ. ಶಾಂಪೂ ಹಾಕಿ ಮತ್ತು ಒಣ ಕೂದಲನ್ನು ಟವೆಲ್ ನಿಂದ ಒರೆಸಿ. ಕೂದಲಿಗೆ ಬಿಯರ್ ಸ್ಪ್ರೇ ಮಾಡಿ. ಈ ಮನೆಮದ್ದನ್ನು ನಂಬಿರುವವರ ಪ್ರಕಾರ ಇದು ಕೂದಲಿಗೆ ಒಳ್ಳೆಯ ಕಾಂತಿ ನೀಡುತ್ತದೆ.

ಎಣ್ಣೆ ಮಸಾಜ್

ಬಿಸಿ ಎಣ್ಣೆಯಿಂದ ತಲೆ ಬುರುಡೆಗೆ ಮಸಾಜ್ ಮಾಡುವುದು ಭಾರತದಲ್ಲಿರುವ ಅತ್ಯಂತ ಜನಪ್ರಿಯ ಮದ್ದು. ಇದಕ್ಕೆ ನೀವು ತೆಂಗಿನ ಅಥವಾ ಆಲಿವ್ ಎಣ್ಣೆ ಬಳಸಿದರೆ ಒಳ್ಳೆಯ ಫಲಿತಾಂಶ ಪಡೆಯಬಹುದು. ಇದು ಒಂದು ಗಂಟೆ ಕಾಲ ಹಾಗೆ ಇರಲಿ. ಇದೇ ರೀತಿ ವಿನೇಗರ್ ಜತೆಗೆ ನಿಂಬೆರಸ ಮಿಶ್ರಣ ಮಾಡಿದರೆ ಆಗ ತಲೆಹೊಟ್ಟು ಸಮಸ್ಯೆ ಹೋಗಲಾಡಿಬಹುದು.

ಆಲಿವ್ ಎಣ್ಣೆಯ ಚಿಕಿತ್ಸೆ

ಸಣ್ಣ ಚಮಚದಲ್ಲಿ ನಾಲ್ಕು ಸಲ ಆಲಿವ್ ಎಣ್ಣೆ ಕೂದಲಿಗೆ ಹಾಕಿ. ಎಣ್ಣೆಯನ್ನು ತಲೆ ಬುರುಡೆ ಮತ್ತು ಕೂದಲಿಗೆ ಮಸಾಜ್ ಮಾಡಿ. 30 ನಿಮಿಷ ಹಾಗೆ ಬಿಟ್ಟು ಬಳಿಕ ತೊಳೆಯಿರಿ. ಉತ್ತಮ ಫಲಿತಾಂಶಕ್ಕಾಗಿ ಆಲಿವ್ ಎಣ್ಣೆಯನ್ನು ರಾತ್ರಿಯಿಡಿ ಹಾಗೆ ಬಿಡಬೇಕು. ಆಲಿವ್ ಎಣ್ಣೆ ಕೂದಲನ್ನು ಬಲಗೊಳಿಸಿ ಉದುರುವುದನ್ನು ತಡೆಯುತ್ತದೆ.

ಆಮ್ಲಾ ಪುಡಿ ಮತ್ತು ನಿಂಬೆ ರಸದ ಮಿಶ್ರಣ

ಅಮ್ಲಾ ಹುಡಿ ಮತ್ತು ನಿಂಬೆರಸ ಕೂದಲಿಗೆ ಹಚ್ಚಿದರೆ ಅದರಿಂದ ಕೂದಲು ಬಲಿಷ್ಠವಾಗುತ್ತದೆ. ಒಂದು ಸಣ್ಣಚಮಚ ಆಮ್ಲಾ ಹುಡಿ ಮತ್ತು ಒಂದು ನಿಂಬೆಹಣ್ಣಿನ ರಸವನ್ನು ಸಣ್ಣ ಬೌಲ್ ನಲ್ಲಿ ಹಾಕಿ ಮಿಶ್ರಣ ಮಾಡಿ. ರಸದಲ್ಲಿ ಹುಡಿ ಸರಿಯಾಗಿ ಮಿಶ್ರಣವಾಗಲಿ. ಈ ಮಿಶ್ರಣವನ್ನು ಕೂದಲಿನ ಬುಡ ಮತ್ತು ಬುರುಡೆಗೆ ಸರಿಯಾಗಿ ಮಸಾಜ್ ಮಾಡಿ 20 ನಿಮಿಷ ಬಿಟ್ಟು ಕೂದಲು ತೊಳೆದು ಶಾಂಪೂ ಹಾಕಿ.

ಸುವಾಸನೆಯ ಕೂದಲಿಗೆ ಸ್ಟ್ರಾಬೆರಿ

ಎಂಟು ಸ್ಟ್ರಾಬೆರಿ ಹಣ್ಣುಗಳನ್ನು ಒಂದು ಸಣ್ಣ ಚಮಚ ಮೇಯನೇಸ್ ನೊಂದಿಗೆ ಮಿಶ್ರ ಮಾಡಿ. ತೊಳೆದ ಕೂದಲಿಗೆ ಇದನ್ನು ಮಸಾಜ್ ಮಾಡಿ. ಶಾವರ್ ಕ್ಯಾಪ್ ಹಾಕಿ ಮುಚ್ಚಿ. ಇದರ ಬಳಿಕ ಒಣ ಬಟ್ಟೆಯಿಂದ. ಶಾಂಪೂ ಮತ್ತು ಕಂಡೀಷನರ್ ನ ಮಿಶ್ರಣದಿಂದ ಕೂದಲು ತೊಳೆಯಿರಿ. ಈ ಸುವಾಸನೆಯ ಮಿಶ್ರಣದಲ್ಲಿ ಸ್ಟ್ರಾಬೆರಿ ಸಮೃದ್ಧವಾಗಿದ್ದು, ಇದು ಕೂದಲನ್ನು ಕಂಡೀಷನರ್ ಮಾಡಿ ಕಾಂತಿ ನೀಡುತ್ತದೆ.