ಬೊಕ್ಕತಲೆ ನಿವಾರಣೆಗೆ ಗೃಹೋಪಾಯಗಳು

1.ಎಣ್ಣೆ ಮಸಾಜ್

ತೆಂಗಿನ ಎಣ್ಣೆ, ಬಾದಾಮಿ ಎಣ್ಣೆ, ಆಲೀವ್ ಎಣ್ಣೆ, ಹರಳೆಣ್ಣೆ, ನೆಲ್ಲಿಕಾಯಿ ಎಣ್ಣೆ ಹಾಗೂ ಇನ್ನಿತರ ಸ್ವಾಭಾವಿಕ ಎಣ್ಣೆಗಳಿಂದ ಮಸಾಜ್ ಮಾಡಿಕೊಂಡರೆ ಆರೋಗ್ಯಕ್ಕೂ ಒಳ್ಳೆಯದು ಬೊಕ್ಕ ತಲೆಯ ಸಮಸ್ಯೆಯನ್ನೂ ಬಹಳ ಮಟ್ಟಿಗೆ ನಿವಾರಿಸಬಹುದು. ಒಂದೇ ಎಣ್ಣೆ ಅಥವಾ ನಿಮಗೆ ಇಷ್ಟವಾಗುವ ಎರಡು ಎಣ್ಣೆಗಳಿಂದ ನಿಯಮಿತವಾಗಿ ಎಣ್ಣೆ ಮಸಾಜ್ ಮಾಡಿದಿರಿ ಎಂದಾದರೆ ಕುದಲು ಉದುರುವಿಕೆಯ ಸಮಸ್ಯೆಯನ್ನು ಬಹಳ ಮಟ್ಟಿಗೆ ನಿವಾರಿಸಬಹುದು.

2.ತೆಂಗಿನ ಹಾಲು

ನಮ್ಮ ದೇಹದ ಜೀವಕಣಗಳ ಅಭಿವೃದ್ಧಿಗೆ ಬಳಸುವ ಅತ್ಯಂತ ಉಪಯುಕ್ತವಾದ ಒಂದು ಅಂಶವೆಂದರೆ ತೆಂಗಿನ ಹಾಲು. ತೆಂಗಿನ ತುರಿಯನ್ನು ಸಣ್ಣಗೆ ಅರೆದು ಅದನ್ನು ಹಿಂಡಿದಾಗ ತೆಂಗಿನ ಹಾಲು ಬರುತ್ತದೆ. ಇದರಿಂದಾಗಿ ತಲೆಯೆ ಮಸಾಜ್ ಮಾಡಿಕೊಂಡರೆ ಬಹಳ ಪ್ರಭಾವಶಾಲಿ.

3.ಗೋರಂಟಿ ಎಲೆಗಳು / ಮದರಂಗಿ ಎಲೆಗಳು

ಇದು ಭಾರತದಲ್ಲಿ ಅತ್ಯಂತ ಪ್ರಸಿದ್ಧ ಕೇಶವರ್ಧಕ ಮತ್ತು ಕೂದಲನ್ನು ಕಪ್ಪಾಗಿಡಲು ಬಳಸುವ ಔಷಧ. ಇದು ಮದುವೆಯ ಸಮಯದಲ್ಲಿ ಕೈಯಲ್ಲಿ ಬಿಡಿಸುವ ವಿವಿಧ ಚಿತ್ತಾರಗಳ ಕಾರಣದಿಂದಲೂ ಬಹಳ ಪ್ರಸಿದ್ಧ. ಸಾಸಿವೆ ಎಣ್ಣೆಯಲ್ಲಿ ಮದರಂಗಿ ಎಲೆಗಳನ್ನು ಬೇಯಿಸಬೇಕು ಇದನ್ನು ಸಾಮಾನ್ಯ ಎಣ್ಣೆಯೊಂದಿಗೆ ಮಿಶ್ರಣ ಮಾಡಿ ಹಾಗೂ ತಲೆಯ ಮೇಲೆ ಹಚ್ಚಿಕೊಳ್ಳಿ.

4.ಭಾರತೀಯ ಗೂಸ್ ಬೆರ್ರಿ

ಇದನ್ನು ಭಾರತದಲ್ಲಿ ಸಾಮಾನ್ಯವಾಗಿ ಆಮ್ಲಾ ಎಂದು ಕರೆಯಲಾಗುತ್ತದೆ. ಇದನ್ನು ಕೂದಲು ವೃದ್ಧಿಯ ಕಾರಣಕ್ಕಾಗಿ ಹಾಗೂ ಕೂದಲನ್ನು ಸುಸ್ಥಿತಿಯಲ್ಲಿಡಲು ಬಳಸಲಾಗುತ್ತದೆ. ಇದರಲ್ಲಿ ವಿಟಮಿನ್ ಸಿ ಬಹಳ ಹೆಚ್ಚಿನ ಪ್ರಮಾಣದಲ್ಲಿ ಇರುತ್ತದೆ. ಇದರ ಕೊರೆತೆಯಿಂದಾಗಿ ಕೂದಲು ಉದುರಲು ಆರಂಭವಾಗುತ್ತವೆ. ಆಮ್ಲಾ ರಸ ಮತ್ತು ಲಿಂಬೆ ಹಣ್ಣಿನ ರಸಗಳ ಮಿಶ್ರಣವನ್ನು ಹಚ್ಚಿ ಹಾಗೂ ಒಂದು ದಿನ ಹಾಗೆಯೇ ಬಿಡಿ ಹಾಗೂ ಮುಂದಿನ ದಿನ ಸ್ನಾನ ಮಾಡುವಾಗ ಶಾಂಪೂ ಬಳಸಿ ಸ್ನಾನ ಮಾಡಿ.

5.ಮೆಂತ್ಯ ಗಿಡ

ಮೆಂತ್ಯೆ ಗಿಡ ಮತ್ತು ಸೊಪ್ಪು ಕೂದಲು ಉದುರುವಿಕೆಯನ್ನು ತಡೆಯಲು ಬಹಳ ಸುಲಭದ ಮತ್ತು ಪರಿಣಮಕಾರಿ ದಾರಿಯಾಗಿದೆ. ಇವುಗಳಲ್ಲಿರುವ ಹಾರ್ಮೋನು ವರ್ಧಕ ಗುಣದಿಂದಾಗಿ ಕೂದಲು ಬಹಳ ಬೇಗನೆ ಮತ್ತು ಆರೋಗ್ಯಪೂರ್ಣವಾಗಿ ಬೆಳೆಯುತ್ತವೆ. ಇವುಗಳಲ್ಲಿ ನಿಕೊಟಿನಿಕ್ ಆಮ್ಲಗಳೂ ಇವೆ. ಮೆಂತ್ಯೆ ಸೊಪ್ಪುನಿಂದ ಪೇಸ್ಟ್ ತಯಾರಿಸಿ ಇದನ್ನು ಸ್ನಾನದ ಒಂದು ಗಂಟೆಗೆ ಮುನ್ನ ಹಚ್ಚಿ ಸ್ನಾನ ಮಾಡಿ.

6.ಈರುಳ್ಳಿ

ಇಡಿ ತಲೆಯಲ್ಲಿ ಅಲ್ಲದೆ ಅಲ್ಲಲ್ಲಿ ಬೊಕ್ಕ ತಲೆ ಉಂಟಾದಾಗ ಈರುಳ್ಳಿಯನ್ನು ಬಳಸಿ ಅದನ್ನು ಕಡಿಮೆ ಮಾಡಬಹುದು. ದೊಡ್ಡ ಈರುಳ್ಳಿಯನ್ನು ರುಬ್ಬಿ ಅದರಿಂದ ರಸವನ್ನು ತೆಗೆಯಿರಿ ಇದನ್ನು ಆಲೋವೆರಾದ ಜೊತೆಗೆ ಮಿಶ್ರಣ ಮಾಡಿ ಸ್ನಾನಕ್ಕೆ 10 - 15 ನಿಮಿಷಗಳ ಮುಂಚೆ ಹಚ್ಚಿ ಸ್ನಾನ ಮಾಡಿ.