ತಲೆಕೂದಲ ಬೆಳವಣಿಗೆಗಾಗಿ ಅಡ್ವಾನ್ಸ್ ಫ್ಯಾಬ್ರಿನ್ ಮ್ಯಾಟ್ರಿಕ್ಸ್ ಚಿಕಿತ್ಸೆ

Hair Care

oi-Manohar

By Manohar Shetty

Published: Saturday, May 31, 2014, 14:45 [IST]

ಹೇರ್‍‌ಲೈನ್ ಇಂಟರ್‌ನ್ಯಾಶನಲ್ ಸ್ಕಿನ್ ಆಂಡ್ ಹೇರ್ ಕ್ಲಿನಿಕ್ ಭಾರತಕ್ಕೆ ಮೊದಲ ಬಾರಿಗೆ ತರುತ್ತಿದೆ, ತಲೆಕೂದಲು ಉದುರುವಿಕೆಗಾಗಿ ಅತ್ಯಾಧುನಿಕ ಚಿಕಿತ್ಸಾ ವಿಧಾನ- ಅಡ್ವಾನ್ಸ್ ಫ್ಯಾಬ್ರಿನ್ ಮ್ಯಾಟ್ರಿಕ್ಸ್. ಅಡ್ವಾನ್ಸ್ ಫ್ಯಾಬ್ರಿನ್ ಮ್ಯಾಟ್ರಿಕ್ಸ್‍ನ ಫಲಿತಾಂಶ ಕಾಣಲು ಬೇಕಾಗುವುದು ಕೇವಲ 20 ನಿಮಿಷಗಳ 4 ಸೆಶನ್‍ಗಳು ಮಾತ್ರ.

ತಲೆಕೂದಲ ಕಸಿ ವಿಧಾನದೊಂದಿಗೆ ಇದನ್ನು ಬಳಸಿದರೆ ಇದರ ಪರಿಣಾಮವು ಹೆಚ್ಚುತ್ತದೆ. ಹೊಸ ರಕ್ತನಾಳಗಳ ಅಭಿವೃದ್ಧಿ ಹಾಗೂ ಗಾಯಗಳ ಮಾಸುವಿಕೆಯನ್ನು ಇದು ಉತ್ತೇಜಿಸುತ್ತದೆ, ಇದರಿಂದಾಗಿ ಕಸಿ ಮಾಡಿದ ಅಂಶದ ಉತ್ತಮ ಬಾಳ್ವಿಕೆಗೆ ನೆರವಾಗುತ್ತದೆ. ಜೀವಕೋಶಗಳ ಪ್ರಸರಣವನ್ನು ಉತ್ತೇಜಿಸುವ ಮೂಲಕ ತೆಳುವಾಗಿರುವ ಕೂದಲ ಸಾಂದ್ರತೆಯನ್ನೂ ಇದು ಹೆಚ್ಚಿಸುತ್ತದೆ.

ಎಎಫ್‍ಎಂನಲ್ಲಿ, ರೋಗಿಯಿಂದ ಸಣ್ಣ ಪ್ರಮಾಣದ ರಕ್ತವನ್ನು ಸಂಗ್ರಹಿಸಲಾಗುತ್ತದೆ. ಬಳಿಕ ಇದನ್ನು ಅಪಕೇಂದ್ರದ ಯಂತ್ರದ ಮೂಲಕ ಹಾಯಿಸಿ, ಕೆಂಪು ರಕ್ತಕಣಗಳು, ಪ್ಲಾಸ್ಮಾ ಹಾಗೂ ಪ್ಲೇಟ್‍ಲೆಟ್‍ಗಳನ್ನು ಪ್ರತ್ಯೇಕಿಸಲಾಗುತ್ತದೆ. ಪ್ಲೇಟ್‍ಲೆಟ್‍ಗಳನ್ನು ಸಂಸ್ಕರಿಸಲಾಗುತ್ತದೆ.

ಆಗ ಫ್ಯಾಬ್ರಿನ್‍ಮ್ಯಾಟ್ರಿಕ್ಸ್‍ನಲ್ಲಿ ಕಣಗಳ ಸಾಂದ್ರತೆ ಅಥವಾ ಸಂಖ್ಯೆ ಹೆಚ್ಚುತ್ತದೆ. ಈ ಮ್ಯಾಟ್ರಿಕ್ಸ್ ಅನ್ನು ಬಳಿಕ ರೋಗಿಯ ಚರ್ಮದೊಳಗೆ ಅಥವಾ ನೆತ್ತಿಯ ಚರ್ಮದ ಮೂಲಕ ಇಂಜೆಕ್ಟ್ ಮಾಡಲಾಗುತ್ತದೆ. ತಲೆಕೂದಲ ಬೆಳವಣಿಗೆ ಉತ್ತೇಜನಕ್ಕೊಳಗಾಗುತ್ತದೆ ಮತ್ತು ಸುಪ್ತ ತಲೆಕೂದಲ ಕೋಶಗಳಿಗೆ ಬೆಳೆಯಲು ಪ್ರೋತ್ಸಾಹ ಸಿಗುತ್ತದೆ.

ತಲೆಕೂದಲ ಉದುರುವಿಕೆಗೆ ಪ್ರಸ್ತುತ ಶಿಫಾರಸು ಮಾಡುವ ಚಿಕಿತ್ಸಾ ವಿಧಾನಕ್ಕಿಂತ ಈ ವಿಧಾನವು ಹೇಗೆ ಉತ್ತಮ ಎಂದು ವಿವರಿಸಿದ ಹೇರ್‍‌ಲೈನ್ ಇಂಟರ್‌ನ್ಯಾಶನಲ್‌ನ ಡರ್ಮೆಟೋಸರ್ಜನ್ ಡಾ.ದಿನೇಶ್ ಜಿ ಗೌಡ ಅವರು, ನೆತ್ತಿಯ ಚರ್ಮದ ಮೂಲಕ ಒಮ್ಮೆ ಇಂಜೆಕ್ಟ್ ಮಾಡಿದರೆ, ಅಡ್ವಾನ್ಸ್ ಫ್ಯಾಬ್ರಿನ್ ಮ್ಯಾಟ್ರಿಕ್ಸ್, ಸುಸ್ಥಿರ ಕಾರ್ಯತಂತ್ರದ ಮೂಲಕ ಬೆಳವಣಿಗೆಯ ಅಂಶಗಳನ್ನು ಬಿಡುಗಡೆಗೊಳಿಸುತ್ತದೆ.

ಈ ಬೆಳವಣಿಗೆ ಅಂಶಗಳು ಇಂಜೆಕ್ಟ್ ಮಾಡಿದ ವಾರದ ತನಕ ಬಿಡುಗಡೆಗೊಳ್ಳುತ್ತವೆ ಎಂದು ಅನೇಕ ಇನ್-ವಿಟ್ರೋ ಅಧ್ಯಯನಗಳು ಸಾಬೀತುಪಡಿಸಿವೆ. ಕೇವಲ 3 ವಾರಗಳಲ್ಲಿ ತಲೆಕೂದಲ ಬೆಳವಣಿಗೆಗೆ ಉತ್ತೇಜನ ಸಿಗುತ್ತದೆ ಹಾಗೂ ಫಲಿತಾಂಶ ಕಾಣುತ್ತದೆ'' ಎಂದು ಹೇಳಿದ್ದಾರೆ.

ಪ್ಲೇಟ್‍ಲೆಟ್ ರಿಚ್ ಪ್ಲಾಸ್ಮಾ (ಪಿಆರ್‍ಪಿ)ಈ ತನಕ ದೀರ್ಘಕಾಲದಿಂದಲೂ ತಲೆಕೂದಲ ಉದುರುವಿಕೆಗೆ ಜನಪ್ರಿಯವಾಗಿದ್ದ ಚಿಕಿತ್ಸೆಯಾಗಿದೆ. ಎಎಫ್‍ಎಂ ಜಗತ್ತಿನಾದ್ಯಂತ ತಾಂತ್ರಿಕವಾಗಿ ಉನ್ನತ ಮಟ್ಟದ್ದು ಎಂದು ಸಾಬೀತಾಗಿದೆ. ಒಂದು ಎಎಫ್‍ಎಂ ವಿಧಾನವು ಪ್ರತಿಯೊಂದು ಸೆಶನ್‍ಗೆ ಕೇವಲ 20 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಪರಿಣಾಮಕಾರಿ ಫಲಿತಾಂಶಕ್ಕೆ 4 ಸತತ ಸೆಶನ್‍ಗಳು ಸಾಕು. ಈ ವಿಧಾನವಾದ ಬಳಿಕ ಒಂದು ವಾರದ ತನಕ ಸೆಲ್ ಆಂಜಿಯೋಜೆನಿಸಿಸ್ ಹಾಗೂ ನೆತ್ತಿಯಲ್ಲಿ ತಲೆಕೂಲದ ಮರು ಬೆಳವಣಿಗೆಗೆ ಬೇಕಾದ ಸುಸ್ಥಿರವಾದ ಬಿಡುಗಡೆಯ ಲಕ್ಷಣವನ್ನು ಇದು ಹೊಂದಿದೆ. 6 ತಿಂಗಳಲ್ಲಿಲ ತಲೆಕೂದಲ ಸಾಂದ್ರತೆ ಹೆಚ್ಚುತ್ತದೆ ಮತ್ತು ದಪ್ಪ ದುಪ್ಪಟ್ಟಾಗುತ್ತದೆ.

ಈ ತಂತ್ರಜ್ಞಾನವನ್ನು ಪರಿಚಯಿಸಿ ಮಾತನಾಡಿದ ಹೇರ್‍‌ಲೈನ್ ಇಂಟರ್‌ನ್ಯಾಶನಲ್ ಹೇರ್ ಆಂಡ್ ಸ್ಕಿನ್ ಕ್ಲಿನಿಕ್‍ನ ಸಂಸ್ಥಾಪಕರು ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾದ ಬಾನಿ ಆನಂದ್ ಅವರು, ಹೇರ್‍‌ಲೈನ್ ಇಂಟರ್‌ನ್ಯಾಶನಲ್ ಯಾವಾಗಲೂ ಕೂದಲು ಹಾಗೂ ಚರ್ಮದ ಚಿಕಿತ್ಸೆಯಲ್ಲಿ ಜಾಗತಿಕವಾಗಿ ನಡೆಯುವ ಅತ್ಯಾಧುನಿಕ ತಾಂತ್ರಿಕ ಬೆಳವಣಿಗೆಯನ್ನು ಅಳಚಡಿಸಿಕೊಳ್ಳುತಿದೆ.

ನಮ್ಮ ರೋಗಿಗಳು ಹಾಗೂ ಅವರ ಅಗತ್ಯವನ್ನು ನಾವು ಅರ್ಥ ಮಾಡಿಕೊಂಡಿದ್ದೇವೆ. ಪುರುಷರು ಹಾಗೂ ಮಹಿಳೆಯರಲ್ಲಿ ತಲೆಕೂದಲು ಉದುರುವುದು ಒಂದು ಸಾಮಾನ್ಯ ಸಮಸ್ಯೆಯಾಗಿದೆ ಮತ್ತು ಈ ವಿಧದ ಚಿಕಿತ್ಸೆಯು ಕ್ಷಿಪ್ರವಾಗಿ ಆಗುತ್ತದೆ ಹಾಗೂ ಖಂಡಿತವಾಗಿಯೂ ಉತ್ತಮ ಪರಿಹಾರ ನೀಡುವಷ್ಟು ಪರಿಣಾಮಕಾರಿಯೂ ಆಗಿದೆ'' ಎಂದು ಹೇಳಿದರು.