ಸಾಂಪ್ರಾಯಿಕ ಧಿರಿಸಿಗೆ ಅತ್ಯುತ್ತಮ ಕೇಶವಿನ್ಯಾಸ

Published: Thursday, February 13, 2014, 17:56 [IST]

ನೀವು ಸಾಂಪ್ರದಾಯಿಕ ಧಿರಿಸನ್ನು ತೊಟ್ಟಾಗ ಅದಕ್ಕೆ ತಕ್ಕಂತೆ ಅಲಂಕಾರ ಮಾಡಿಕೊಳ್ಳುವುದು ಸಹಜ. ಸಾಂಪ್ರದಾಯಿಕ ಉಡುಗೆಗಳಲ್ಲಿ ಇನ್ನಷ್ಟು ಸುಂದರಿಯಾಗಿ ಕಾಣಲು ನೀವು ಪ್ರಯತ್ನಪಡುತ್ತೀರಿ ಉಡುಗೆಗೆ ಹೊಂದಿಕೆಯಾಗುವ ಬಳೆಗಳು ಅಥವಾ ಬ್ರಾಸ್‌ಲೆಟ್ ಅಥವಾ ತಕ್ಕುದಾದ ಚಪ್ಪಲಿಯನ್ನು ಆಯ್ಕೆಮಾಡಿಕೊಳ್ಳುವುದು ಹೀಗೆ ನಿಮ್ಮ ಸಾಂಪ್ರದಾಯಿಕ ಉಡುಗೆಗೆ ಚೆನ್ನಾಗಿ ಹೊಂದಿಕೆಯಾಗುವ ಆಭರಣಗಳನ್ನೇ ನೀವು ಆರಿಸಬೇಕು.
ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಗುಂಗುರು ಕೂದಲಿನ ಆರೈಕೆಗೆ ಬರಿಯ ಐದು ನಿಮಿಷಗಳು

ಭಾರತದಲ್ಲಿ ಸಾಂಪ್ರದಾಯಿಕ ಉಡುಗೆಗಳೆಂದರೆ ಸೀರೆ, ಸಲ್ವಾರ್ ಮತ್ತು ಲೆಹಂಗಾ ಆಗಿವೆ. ಯಾವುದೇ ಸಾಂಪ್ರದಾಯಿಕ ಉಡುಗೆಗಳಲ್ಲಿರುವ ವಿವಿಧ ವಿನ್ಯಾಸ ಮಾದರಿ ಅವನ್ನು ತೊಡುವಂತೆ ನಮ್ಮ ಮನಸನ್ನು ಪುಸಲಾಯಿಸುತ್ತದೆ. ಅನಾರ್ಕಲಿ ಸೂಟ್ ಈಗ ಮತ್ತೆ ಚಾಲ್ತಿಯಲ್ಲಿರುವ ಸಾಂಪ್ರದಾಯಿಕ ಉಡುಗೆಯಾಗಿದೆ.

ಉದ್ದವಾದ ಅನಾರ್ಕಲಿ ಟಾಪ್ ಅದಕ್ಕೆ ತಕ್ಕಂತೆ ಬಿಗಿಯಾದ ಪ್ಯಾಂಟ್‌ಗಳು ಲೇಟೆಸ್ಟ್ ಟ್ರೆಂಟ್ ಆಗಿದೆ. ಭಾರತೀಯ ಸೆಲೆಬ್ರಿಟಿಗಳು ಹೆಚ್ಚಾಗಿ ಸಮಾರಂಭಗಳಲ್ಲಿ ಈ ಉಡುಗೆಯಲ್ಲೇ ಕಾಣಿಸಿಕೊಳ್ಳುತ್ತಿದ್ದಾರೆ. ನೀವು ಏನನ್ನೂ ಧರಿಸಿದರೂ, ಅದಕ್ಕೆ ಸೂಕ್ತವಾದ ಕೇಶವಿನ್ಯಾಸವನ್ನು ನೀವು ಮಾಡಬೇಕು. ಕೇಶವಿನ್ಯಾಸ ನಿಮ್ಮ ಎಲ್ಲಾ ನೋಟವನ್ನು ಸಂಪೂರ್ಣಗೊಳಿಸುತ್ತದೆ ಮಾತ್ರವಲ್ಲ ನಿಮ್ಮನ್ನು ಅದ್ಭುತರನ್ನಾಗಿಸುತ್ತದೆ.

ಸುಂದರವಾದ ಕೇಶವಿನ್ಯಾಸದೊಂದಿಗೆ ಸಾಂಪ್ರದಾಯಿಕ ಉಡುಗೆಯನ್ನು ವಿಶೇಷವಾಗಿಸಿ. ಸಾಂಪ್ರದಾಯಿಕ ಭಾರತೀಯ ಜಡೆಯನ್ನು ಹಾಕಿಕೊಳ್ಳಬಹುದು ಇಲ್ಲವೇ ತುರುಬು ಹಾಕಿ ನಿಮ್ಮ ಸಾಂಪ್ರದಾಯಿಕ ನೋಟವನ್ನು ಸುಂದರಗೊಳಿಸಬಹುದು. ಸಾಂಪ್ರದಾಯಿಕ ಉಡುಗೆಗೆ ತಕ್ಕಂತಹ ಕೆಲವೊಂದು ಕೇಶವಿನ್ಯಾಸಗಳನ್ನು ನಾವು ನಿಮಗಾಗಿ ನೀಡುತ್ತಿದ್ದು ಇದನ್ನು ನೀವೂ ಪ್ರಯತ್ನಿಸಿ ಸುಂದರಗೊಳ್ಳಿ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಮನೆಯಲ್ಲೇ ತಯಾರಿಸಬಹುದಾದ ಕೂದಲಿನ ಮಾಸ್ಕ್

1.ವೇವ್ಸ್

ಸಾಂಪ್ರದಾಯಿಕ ಧಿರಿಸಿನೊಂದಿಗೆ ಈ ವೇವ್ ಕೇಶವಿನ್ಯಾಸವನ್ನು ನಿಮ್ಮದಾಗಿಸಿಕೊಳ್ಳಿ. ನಿಮ್ಮ ಕೂದಲಿಗೆ ಸೇರಮ್ ಅನ್ನು ಹಚ್ಚಿಕೊಂಡು ಅದನ್ನು ಬೌನ್ಸಿಯನ್ನಾಗಿಸಿಕೊಳ್ಳಿ.

2.ನೇರ ಕೂದಲು

ಕೂದಲನ್ನು ಇನ್ನಷ್ಟು ಸರಳಗೊಳಿಸಬೇಕೆಂಬ ಬಯಕೆ ನಿಮ್ಮದಾಗಿದ್ದರೆ, ನಿಮ್ಮ ನೇರ ಕೂದಲನ್ನು ಬ್ರಶ್ ಮಾಡಿಕೊಂಡು ಹಾಗೆಯೇ ಬಿಡಿ.

3.ಪೋನಿಟೈಲ್

ಪೋನಿಟೇಲ್ ನಿಮ್ಮನ್ನು ಇನ್ನಷ್ಟು ಸ್ಟೈಲಿಶ್ ಆಗಿ ಮಾಡುತ್ತದೆ. ಈ ಎತ್ತರದ ಪೋನಿಟೇಲ್ ಸೀರೆ ಅಥವಾ ಸಲ್ವಾರ್‌ಗೆ ಉತ್ತಮ ಕಾಂಬಿನೇಷನ್.

4.ಪಿನ್ ಮಾಡಿದ ಕೂದಲು

ಸ್ವಲ್ಪ ಕೂದಲನ್ನು ಹಾಗೆಯೇ ಗಾಳಿಗೆ ಹಾರಲು ಬಿಡುವುದು ಸಾಂಪ್ರದಾಯಿಕ ಕೇಶವಿನ್ಯಾಸವಾಗಿದೆ ಯಾವುದೇ ಸಾಂಪ್ರದಾಯಿಕ ಉಡುಗೆಗೆ ಹೇಳಿಮಾಡಿಸಿದಂತಿರುತ್ತದೆ. ನೀವು ಕೂದಲಿಗೆ ಪಿನ್ ಹಾಕಿ ಸಣ್ಣ ಪಫ್‌ನಂತ ಹೇರ್‌ಸ್ಟೈಲ್ ಕೂಡ ಮಾಡಬಹುದು.

5.ಹೇರ್ ಬನ್

ಸಾಂಪ್ರದಾಯಿಕ ಉಡುಗೆಗೆ ಈ ಕೇಶ ವಿನ್ಯಾಸ ಸುಂದರವಾಗಿರುತ್ತದೆ. ನೀವು ಭಾರೀ ಸೀರೆ ಅಥವಾ ಲೆಹಂಗಾವನ್ನು ಧರಿಸಿದ್ದರೆ, ಹೇರ್ ಬನ್ ಮಾಡಿಕೊಳ್ಳಿ. ಹೇರ್ ಪಿನ್ ಅಥವಾ ಕ್ಲಿಪ್‌ಗಳನ್ನು ಅಲಂಕಾರಿಕವಾಗಿ ಬನ್‌ಗೆ ಬಳಸಿಕೊಳ್ಳಬಹುದು.

6.ಸೈಡ್ ಹೇರ್

ಸಾಂಪ್ರದಾಯಿಕ ಔಟ್‌ಫಿಟ್‌ನಲ್ಲಿ ಕ್ಲಾಸಿಕ್ ಮತ್ತು ಸ್ಟೈಲಿಶ್ ಆಗಿ ಕಾಣಬೇಕೆಂಬ ಬಯಕೆ ನಿಮ್ಮದಾಗಿದ್ದರೆ, ಈ ಹೇರ್‌ಸ್ಟೈಲ್ ಅನ್ನು ಅನುಸರಿಸಿ. ಸೈಡ್ ಹೇರ್‌ಸ್ಟೈಲ್ ಈಗ ಟ್ರೆಂಡಿ ಮತ್ತು ನಿಮ್ಮನ್ನು ಸುಂದರಿಯನ್ನಾಗಿಸುತ್ತದೆ.

7.ರಫ್ ಹೇರ್

ಶೆರ್ಲಿನ್ ಚೋಪ್ರಾನಂತೆ ಈ ರಫ್ ಹೇರ್‌ಸ್ಟೈಲ್‌ನಲ್ಲಿ ಫ್ಯಾಶನೇಬಲ್ ಆಗಿ ಕಾಣಬೇಕೆಂದು ಬಯಸುತ್ತೀರಾ? ನೀವು ಸರಳ ಮತ್ತು ತಿಳಿ ಶಿಫಾನ್ ಸೀರೆಯನ್ನು ಉಟ್ಟಿದ್ದರೆ, ನಿಮ್ಮ ಕೂದಲನ್ನು ಗಾಳಿಗೆ ಹಾರಲು ಬಿಡಿ