ಕೂದಲು ನಾರಿನಂತೆ ಒರಟಾಗಿದೆಯೇ?

ಶ್ಯಾಂಪೂ

ಅಂಡ್ವಾಳ, ಸೀಗೆಕಾಯಿ ಇವೆಲ್ಲಾ ನೈಸರ್ಗಿಕವಾದ, ಯಾವುದೇ ಅಡ್ಡ ಪರಿಣಾಮವಿಲ್ಲದ ಶ್ಯಾಂಪೂಗಳು. ಇದರಲ್ಲಿರುವ ಗುಣಮಟ್ಟ ಯಾವುದೇ ದುಬಾರಿಯಾದ ಶ್ಯಾಂಪೂಗಳಲ್ಲಿ ಕಾಣಲು ಸಾಧ್ಯವಿಲ್ಲ. ಡ್ರೈ ಕೂದಲನ್ನು ಹೋಗಲಾಡಿಸಲು ಇವುಗಳ ಬಳಕೆ ಒಳ್ಳೆಯದು.

ಕಂಡೀಷನರ್

ಕಂಡೀಷನರ್ ಬಳಸದಿದ್ದರೆ ಕೂದಲಿನ ಹೊಳಪು ಕಡಿಮೆಯಾಗುವುದು. ಆದರೆ ಕೆಮಿಕಲ್ ಇರುವ ಕಂಡೀಷನರ್ ಬಳಸುವ ಬದಲು, ಮೊಸರು, ಮೊಟ್ಟೆಯಂತಹ ನೈಸರ್ಗಿಕವಾದ ಕಂಡಿಷನರ್ ಬಳಸುವುದು ಒಳ್ಳೆಯದು.

ಕೂದಲಿನ ಬುಡದ ಆರೈಕೆ

ಹೆಚ್ಚಿನವರು ಕೂದಲಿನ ಆರೈಕೆ ಕಡೆ ಗಮನ ಕೊಡುತ್ತಾರೆ, ಆದರೆ ಅದರ ಬುಡದ ಆರೈಕೆಯತ್ತ ಹೆಚ್ಚು ಗಮನ ಕೊಡುವುದಿಲ್ಲ, ಪರಿಣಾಮ ಕೂದಲಿನ ಆರೋಗ್ಯ ಕಡಿಮೆಯಾಗುವುದು. ಆದ್ದರಿಂದ ಕೂದಲಿನ ಬುಡಕ್ಕೆ ಮಸಾಜ್ ಮಾಡಿ. ಈರುಳ್ಳಿ ರಸ, ಮೊಸರು, ಮೊಟ್ಟೆ ಇವುಗಳನ್ನು ತಲೆಗೆ ಹಚ್ಚಿದರೆ ಕೂದಲಿನ ಬಡಕ್ಕೆ ತುಂಬಾ ಒಳ್ಳೆಯದು.

ಕೂದಲು ಕವಲೊಡೆದಾಗ

ಕೂದಲು ಕವಲೊಡೆಯಲಾರಂಭಿಸಿದರೆ ಕೂದಲಿನ ರಕ್ಷಣೆ ಮಾಡಲು ಕೂದಲಿನ ಬುಡ ಕತ್ತರಿಸಿ, ನಂತರ ಆರೈಕೆ ಮಾಡಿ. ಕವಲೊಡೆದ ಕೂದಲಿನ ಕತ್ತರಿಸದೆ ಕೂದಲಿನ ಆರೋಗ್ಯ ಹೆಚ್ಚಿಸಬಹುದು ಎಂಬ ಪೊಳ್ಳು ಜಾಹೀರಾತಿಗೆ ಕಿವಿ ಕೊಡದಿರಿ.

ಮೊಟ್ಟೆಯ ಬಿಳಿ ಹಚ್ಚಿ

ಕೂದಲು ತುಂಬಾ ಒರಟಾಗಿದ್ದರೆ ವಾರಕ್ಕೆ ಎರಡು ಬಾರಿ ಮೊಟ್ಟೆಯ ಬಿಳಿ ಹಚ್ಚಿ ನಂತರ ತಲೆ ತೊಳೆಯಿರಿ. ಈ ರೀತಿ ಮಾಡುತ್ತಾ ಬನ್ನಿ ಕೂದಲು ಮೃದುತ್ವವನ್ನು ಪಡೆಯುತ್ತದೆ.

ಹೇರ್ ಪ್ಯಾಕ್

ಹೇರ್ ಪ್ಯಾಕ್ ಬಳಸುವಾಗ ಗುಣಮಟ್ಟದ, ನೈಸರ್ಗಿಕವಾದ ಹೇರ್ ಪ್ಯಾಕ್ ಬಳಸಿ. ಮೆಹಂದಿ ಪುಡಿ ಕೊಳ್ಳುವಾಗ 100% ನ್ಯಾಚುರಲ್ ಮೆಹಂದಿಯನ್ನು ಕೊಂಡು ಹಚ್ಚಿ.

ಕೂದಲಿಗೆ ಆಹಾರ

ಕೂದಲಿಗೆ ವಿಟಮಿನ್ ಇ ಇರುವ ಆಹಾರಗಳನ್ನು ತಿನ್ನಿ. ದಿನಾ 4-5 ಬಾದಾಮಿಯನ್ನು ನೆನೆ ಹಾಕಿ ತಿನ್ನಿ, ತುಂಬಾ ಒಳ್ಳೆಯದು.

ಬಿಸಿ ಟವಲ್ ನಿಂದ ಹೇರ್ ಕ್ಯಾಪ್

ತಲೆಗೆ ಎಣ್ಣೆ ಹಚ್ಚಿ ಟವಲ್ ಅನ್ನು ಬಿಸಿ ನೀರಿನಲ್ಲಿ ಅದ್ದಿ ತಲೆಗೆ ಸುತ್ತಿ 10 ನಿಮಿಷ ಬಿಡಿ. ಈ ರೀತಿ ಮಾಡುವುದರಿಂದ ಕೂದಲು ಡ್ರೈಯಾಗುವುದನ್ನು ತಡೆಯಬಹುದು.

ಹಾಲಿನ ಪೋಷಣೆ

ವಾರಕ್ಕೊಮ್ಮೆ ಕೂದಲಿಗೆ ಸ್ವಲ್ಪ ತಾಜಾ ಹಾಲನ್ನು ಹಾಕಿ ಕೂದಲನ್ನು ಮಸಾಜ್ ಮಾಡಿ, ನಂತರ ತಲೆ ತೊಳೆಯಬೇಕು. ಈ ವಿಧಾನವೂ ಕೂಡ ಕೂದಲು ಡ್ರೈಯಾಗುವುದನ್ನು ತಡೆಯುವಲ್ಲಿ ಸಹಕಾರಿ.

ಎಣ್ಣೆ

ವಾರದಲ್ಲಿ ಎರಡು ಬಾರಿಯಾದರೂ ತಲೆಗೆ ಎಣ್ಣೆ ಹಚ್ಚಿ ಮಸಾಜ್ ಮಾಡಿದರೆ ಡ್ರೈ ಕೂದಲನ್ನು ಹೋಗಲಾಡಿಸಿ, ಆರೋಗ್ಯಕರವಾದ ಕೂದಲನ್ನು ಪಡೆಯಲು ಸಾಧ್ಯ.

ಡ್ರೈಯರ್ ಬಳಸಬೇಡಿ

ಕೂದಲನ್ನು ಒಣಗಿಸಲು ಡ್ರೈಯರ್ ಬಳಸಬೇಡಿ, ಫ್ಯಾನ್ ಬಳಸಬೇಡಿ, ಕೂದಲನ್ನು ಗಾಳಿಯಲ್ಲಿಯೇ ಒಣಗಿಸಿ. ಹೇರ್ ಸ್ಟೈಟ್ನಿಂಗ್ ನಿಂದ ದೂರವಿರಿ.