ಕೂದಲು ಉದುರುವಿಕೆ ತಡೆಯುತ್ತೆ ಮೆಂತೆ ಹೇರ್ ಮಾಸ್ಕ್

ಮೆಂತೆ ಬೀಜದ ಪೇಸ್ಟ್

ಮೆಂತೆ ಬೀಜವನ್ನು ರಾತ್ರಿ ನೆನೆ ಹಾಕಿ ಅದನ್ನು ಪೇಸ್ಟ್ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಮೈಲ್ಡ್ ಶ್ಯಾಂಪೂ ಹಾಕಿ ತಲೆ ತೊಳೆಯಿರಿ.

ಕೂದಲಿನ ಪೋಷಣೆಗೆ

ಈ ರೀತಿ ಮಾಡುವುದರಿಂದ ಕೂದಲು ಉದುರುವ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬಹುದು. ಕೆಲವರಿಗೆ ತಲೆ ಬುಡ ತುಂಬಾ ತುರಿಸುತ್ತದೆ. ಇದನ್ನು ಮೆಂತೆ ಬಳಸಿ ಹೇಗೆ ಹೋಗಲಾಡಿಸುವುದು ಎಂದು ತಿಳಿಯಲು ಮುಂದಿನ ಸ್ಲೈಡ್ ನೋಡಿ:

ತೆಂಗಿನೆಣ್ಣೆ

ಮೆಂತೆ ಬೀಜವನ್ನು ತೆಂಗಿನೆಣ್ಣೆ ಜೊತೆ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಲೆ ತೊಳೆಯುವುದರಿಂದ ತಲೆ ತುರಿಕೆ ಬರದಂತೆ ತಡೆಯಬಹುದು. ತಲೆಹೊಟ್ಟು ಕೂಡ ಕಡಿಮೆಯಾಗುವುದು.

ಮೆಂತೆ ಸೊಪ್ಪು ಮತ್ತು ಮೊಸರು

ಮೆಂತೆ ಸೊಪ್ಪನ್ನು ಪೇಸ್ಟ್ ಮಾಡಿ ಅದನ್ನು ಮೊಸರಿನೊಂದಿಗೆ ಮಿಶ್ರಣ ಮಾಡಿ ತಲೆಗೆ ಹಚ್ಚಿದರೆ ಕೂದಲು ಆರೋಗ್ಯಕರವಾಗಿ ಇರುವುದರ ಜೊತೆಗೆ ಹೊಳಪನ್ನು ಪಡೆಯುತ್ತದೆ.

ತಲೆಹೊಟ್ಟಿನ ಸಮಸ್ಯೆಯೇ?

ತಲೆಹೊಟ್ಟಿನ ಸಮಸ್ಯೆ ಇರುವವರು ಮೆಂತೆ ಬೀಜದ ಪೇಸ್ಟ್ ಗೆ ನಿಂಬೆ ರಸ ಹಾಕಿ ಮಿಕ್ಸ್ ಮಾಡಿ ತಲೆಗೆ ಹಚ್ಚುವುದರಿಂದ ತಲೆ ಹೊಟ್ಟಿನ ಸಮಸ್ಯೆಯಿಂದ ಮುಕ್ತಿ ಹೊಂದಬಹುದು.

ಕೂದಲು ಉದುರುವುದನ್ನು ತಡೆಗಟ್ಟಲು

ಮೆಂತೆ ಬೀಜವನ್ನು ಹಾಲಿನ ಜೊತೆ ರುಬ್ಬಿ ತಲೆಗೆ ಹಚ್ಚುವುದರಿಂದ ಕೂದಲು ಉದುರುವುದನ್ನು ತಡೆಯಬಹುದು.

ನೆಲ್ಲಿಕಾಯಿ

ಮೆಂತೆ ಬೀಜದ ಜೊತೆ ನೆಲ್ಲಿಕಾಯಿ ಹಾಕಿ ರುಬ್ಬಿ ತಲೆಗೆ ಹಚ್ಚಿದರೆ ಕೂದಲಿಗೆ ನೆಲ್ಲಿಕಾಯಿ ಮತ್ತು ಮೆಂತೆ ಬೀಜದ ಗುಣ ಎರಡೂ ದೊರೆಯುವುದರಿಂದ ಕೂದಲು ಮತ್ತಷ್ಟು ಸೊಂಪಾಗಿ ಬೆಳೆಯುವುದು.