ಕೂದಲು ಉದುರುವಿಕೆಗೆ ಪ್ರಮುಖ 10 ಕಾರಣಗಳು

1. ಒತ್ತಡ

ಆಧುನಿಕ ಜಗತ್ತಿನ ಒತ್ತಡದ ಬದುಕು ಶರೀರದಲ್ಲಿರುವ ಶಕ್ತಿಯನ್ನು ಹೆಚ್ಚಾಗಿ ಬಳಸಿಕೊಳ್ಳುವುದರಿಂದ ಒತ್ತಡ ಹೆಚ್ಚಾಗುತ್ತದೆ.ಬಹಳಷ್ಟು ಮಂದಿ ಒತ್ತಡಕ್ಕೆ ಒಳಗಾಗುತ್ತಿರುವುದರಿಂದ ಅವರ ತಲೆಯ ಕೂದಲು ಉದುರುತ್ತಿದೆ, ಆದರೆ ಕೂದಲು ಉದುರುವಿಕೆಗೆ ಒತ್ತಡ ಒಂದೇ ಕಾರಣ ಎಂಬುದಾಗಿ ಹೇಳಲು ಆಗದು.

2.ಕೌಟುಂಬಿಕ ಹಿನ್ನೆಲೆ

ಕೌಟುಂಬಿಕ ಹಿನ್ನೆಲೆಯನ್ನು ತೆಗೆದುಕೊಳ್ಳುವುದಾದರೆ, ನೀವು ಹೆಚ್ಚಾಗಿ ಏನೂ ಹೇಳ ಬೇಕಾಗಿಲ್ಲ.ಕ್ರಮವಾದ ಆಹಾರ ಸೇವನೆ ಹಾಗೂ ಬದಲಾದ ಜೀವನ ಶೈಲಿಯಿಂದಾಗಿ ಕೂದಲು ಉದುರುವುದನ್ನು ಸ್ವಲ್ಪ ಪ್ರಮಾಣದಲ್ಲಿ ಕಡಿಮೆಗೊಳಿಸಬಹುದು ಹಾಗೂ ಕೂದಲು ಉದುರುವುದನ್ನು ತಡೆಗಟ್ಟುವ ಪ್ರಯತ್ನ ಮಾಡಬಹುದು.

3.ಕೇಶ ವಿನ್ಯಾಸದ ಪರಿಕರಗಳು

ತಲೆಗೆ ಸ್ನಾನ ಮಾಡಿದ ನಂತರ ಡ್ರೈಯರನ್ನು ಬಳಸುವುದು ಒಳ್ಳೆ ಅಭ್ಯಾಸ ಖಂಡಿತ ಅಲ್ಲ.ಆದರೆ ಹೇರ್ ಡ್ರೈಯರ್ ಬಳಸುವುದು ಒಳ್ಳೆಯದಲ್ಲ ಅದರಿಂದ ಕೂದಲು ಹೆಚ್ಚಾಗಿ ಉದುರುತ್ತದೆ ಎಂದು ವಿವಿಧ ರೀತಿಯಲ್ಲಿ ಶಿಕ್ಷಣ ನೀಡಿದರೂ ಪ್ರಯೋಜನವಾಗುತ್ತಿಲ್ಲ.

4.ಹಾರ್ಮೋನ್ ಗಳಲ್ಲಿ ಬದಲಾವಣೆ

ಶರೀರದ ಹಾರ್ಮೋನ್ ಗಳ ಪ್ರಮಾಣ ಏರುಪೇರಾಗುತ್ತಲೇ ಇರುತ್ತದೆ. ಅದರಲ್ಲೂ ಮುಖ್ಯವಾಗಿ ಗರ್ಭಿಣಿ ಹಾಗೂ ಬಾಣಂತಿ ಆಗಿದ್ದಾಗ ಕೂದಲು ಹೆಚ್ಚಾಗಿ ಉದುರುತ್ತದೆ. ಥೈರಾಯಿಡ್ ಏರುಪೇರಾದಾಗ, ಮುಟ್ಟಾದಾಗ ಹಾಗೂ ಇತರ ಹಾರ್ಮೋನ್ ಬದಲಾವಣೆಗೆ ಸಂಬಂಧಿಸಿದಂತೆ ಕೂದಲು ಉದುರುವಿಕೆಗೆ ಕಾರಣಗಳು ಇರಬಹುದು.

5. ಪದೇ ಪದೇ ರಾಸಾಯನಿಕ ಪ್ರಸಾದನಗಳನ್ನು ಬಳಸುವುದರಿಂದ

ಶಾಂಪೂ, ಕಂಡೀಷನರ್ ಹಾಗೂ ತಲೆಗೆ ಬಳಸುವ ಕೂದಲೆಣ್ಣೆಗಳೂ ಕೂಡ ಇಂದು ರಾಸಾಯನ ಮಿಶ್ರಣಗಳಿಂದ ಕೂಡಿದ್ದು ನಿಮ್ಮ ಕೂದಲು ಉದುರುವುದಕ್ಕೆ ಕಾರಣವಾಗಬಹುದು. ಕೆಲವೊಂದು ಸೌಂದರ್ಯವರ್ಧಕಗಳೂ ಹಾನಿಕಾರಕ ರಾಸಾಯನಗಳಿಂದ ಕೂಡಿದ್ದಾಗಿದ್ದು ಅದು ಕೂದಲಿನ ಬುಡವನ್ನು ಸಡಿಲಗೊಳಿಸುವುದು, ತುದಿ ಭಾಗ ಕವಲೊಡೆಯುವುದು, ಕೂದಲು ಉದುರುವುದು ಹಾಗೂ ಕೂದಲಿಗೆ ಸಂಬಂಧಿಸಿದ ಇನ್ನೂ ಅನೇಕ ಸಮಸ್ಯೆಗಳಿಗೆ ಕಾರಣವಾಗಬಹುದು.

6.ಜಂಕ್ ಫುಡ್

ಸದಾ ಜಂಕ್ ಫುಡ್ ಅನ್ನೇ ಸೇವಿಸುವುದರಿಂದ ಶರೀರದಲ್ಲಿ ಪೌಷ್ಠಿಕಾಂಶದ ಕೊರತೆಯುಂಟಾಗಿ ತಲೆ ಕೂದಲು ಉದುರುವಿಕೆಗೆ ಕಾರಣವಾಗಬಹುದು.ಇಂದು ಜನರು ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸದೇ ಇರುವುದೂ ಹೆಚ್ಚು ಕೂದಲು ಉದುರುವಿಕೆಗೆ ಕಾರಣವಾಗಿದೆ.

7. ಕೆಟ್ಟ ಹವಾಮಾನ

ನಿಮ್ಮ ಮನೆ ಹಾಗೂ ಕಛೇರಿಯಲ್ಲಿ ನಿಮಗೆ ಹೊಂದಿಕೆಯಾಗುವ ಹವಾಮಾನವೇ ಇರಬಹುದು ಆದರೆ ಅದು ನಿಮ್ಮ ಕೂದಲಿಗೂ ಹೊಂದಿಕೆಯಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ.ಪ್ರತೀ ಬದಲಾದ ಹವಾಮಾನಕ್ಕೆ ಕೂದಲು ಪ್ರತಿಕ್ರಿಯೆ ನೀಡುತ್ತದೆ ಹಾಗೂ ಅದರ ಕಂಡೀಷನ್ ಕೂಡ ಬದಲಾಗುತ್ತದೆ. ಹಾಗಾಗಿ ನಿಮ್ಮ ಕೂದಲು ಉದುರದಂತೆ ಉತ್ತಮ ಹಮಾನಾದ ಕಡೆಗೂ ಗಮನ ಹರಿಸಬೇಕಾಗುತ್ತದೆ.

8. ಲಿಂಗ

ಕೂದಲು ಉದುರುವ ಸಮಸ್ಯೆ ಮಹಿಳೆ ಹಾಗೂ ಪುರುಷರಿಬ್ಬರಲ್ಲೂ ಕಂಡುಬರುತ್ತದೆ.ಅದರಲ್ಲೂ ಮಹಿಳೆಯರಿಗೆ ಕೂದಲು ನಿರಂತರವಾಗಿ ವರ್ಷದ ಎಲ್ಲಾ ಕಾಲದಲ್ಲೂ ಉದುರುತ್ತಲೇ ಇರಬಹುದು-ಆದರೆ ಪುರುಷರಿಗೆ ಯಾವುದೋ ಕೆಲ ಸಮಯಗಳಲ್ಲಿ ಮಾತ್ರ ಉದುರುವುದನ್ನು ಕಾಣುತ್ತೇವೆ. ಪುರುಷರು ಕೂದಲ ಕಡೆಗೆ ಹೆಚ್ಚು ಆಸಕ್ತಿ ತೋರದೇ ಇರುವುದೂ ಒಂದು ಕಾರಣವಾಗಿದೆ.

9.ನಿದ್ರೆ ಕಡಿಮೆ ಮಾಡುವುದರಿಂದ

ನೀವು ಸರಿಯಾಗಿ ನಿದ್ರಿಸುತ್ತಿಲ್ಲ ಎನ್ನುವುದನ್ನು ನಿಮ್ಮ ಕಣ್ಣಿನ ಕೆಳಗಿರುವ ಕಪ್ಪು ವೃತ್ತ ಹಾಗೂ ಉದುರುತ್ತಿರುವ ಕೂದಲು ತೋರಿಸುತ್ತದೆ. ಇನ್ಸೋಮ್ನಿಯಾ, ನಾರ್ಕೋಲಿಪ್ಸಿ ಮುಂತಾದ ನಿದ್ರಾಹೀನ ವ್ಯತ್ಯಾಸಗಳು ನಿಮ್ಮ ಆರೋಗ್ಯಕರ ಕೂದಲಿನ ಮೇಲೆ ಪರಿಣಾಮ ಬೀರುತ್ತದೆ, ಕ್ರಮೇಣ ಇದರಿಂದ ಬಾಲ್ಡ್ ಹೆಡ್ ಆಗುವ ಸಾಧ್ಯತೆಗಳೇ ಹೆಚ್ಚು.

10.ಔಷಧಿ ಸೇವನೆ ಹಾಗೂ ಚಿಕಿತ್ಸೆ

ಜೀವನದಲ್ಲಾಗುವ ಬಾರೀ ಬದಲಾವಣೆ ಅಂದರೆ ಒಂದು ಅಪಘಾತವು ಮಾನಸಿಕ ನೋವು ಹಾಗೂ ಬಾರೀ ಒತ್ತಡವನ್ನು ತರುತ್ತದೆ.ಇದಕ್ಕೆ ಹೊಂದಿಕೊಂಡಂತೆ ಚಿಕಿತ್ಸೆ ಹಾಗೂ ಔಷಧಿಯ ಸೇವನೆಯೂ ಆರಂಭವಾಗುತ್ತದೆ ಇದರ ಹಿಂದೆಯೇ ಕೂದಲ ಆರೋಗ್ಯ ಕೆಡುತ್ತದೆ. ಔಷಧಿಗಳನ್ನು ಹೆಚ್ಚಾಗಿ ಬಳಸುವುದಿರಂದ ಅಥವಾ ಕೀಮೋ ಥೆರಪಿಯಂಥಹ ಚಿಕಿತ್ಸೆ ಮುಂತಾದವು ಕೂದಲು ಉದುರುವಿಕೆಗೆ ಕಾರಣವಾಗಿದ್ದು ಇದರಿಂದ ಬೊಕ್ಕ ತಲೆ ಸಮಸ್ಯೆ ಕಂಡು ಬರುವುದು.