ಬಿಗಿಯಾಗಿ ಜುಟ್ಟು ಕಟ್ಟುವ ಅಭ್ಯಾಸ ಇಂದೇ ಬಿಡಿ

ಕುದುರೆ ಜುಟ್ಟು ಅಂದರೆ ಎತ್ತಿ ಕಟ್ಟಿದ ಜುಟ್ಟು ನೋಡಲು ಆಕರ್ಷಕವಾಗಿ ಕಾಣುವುದೇನೋ ನಿಜ, ಆದರೆ ಕೂದಲನ್ನು ತುಂಬಾ ಬಿಗಿಯಾಗಿ ಕಟ್ಟುವುದು ಕೂದಲಿನ ಬುಡಕ್ಕೆ ಒಳ್ಳೆಯದಲ್ಲ. ನೀವು ಗಮನಿಸಿರಬಹುದು, ಕೂದಲನ್ನು ಬಿಗಿಯಾಗಿ ಕಟ್ಟಿದಾಗ ತಲೆನೋವು ಉಂಟಾಗುವುದು. ಇದಕ್ಕೆ ಕಾರಣ ಕೂದಲನ್ನು ಎಳೆದು ಕಟ್ಟಿದಾಗ ತಲೆ ಬುಡದ ಮೇಲೆ ಹೆಚ್ಚು ಒತ್ತಡ ಬಿದ್ದು ತಲೆನೋವು ಬರುವುದು, ಅಲ್ಲದೆ ಹೀಗೆ ಕಟ್ಟುವುದರಿಂದ ಕೂದಲಿನ ಆರೋಗ್ಯ ಕೂಡ ಹಾಳಾಗುವುದು.

ಬಿಗಿಯಾಗಿ ಜುಟ್ಟು ಕಟ್ಟಿದರೆ ಕೂದಲಿನ ಮೇಲೆ ಈ ಕೆಳಗಿನ ಕೆಟ್ಟ ಪರಿಣಾಮ ಬೀರುವುದು:

* ಕೂದಲನ್ನು ಬಿಗಿಯಾಗಿ ಕಟ್ಟಿದರೆ ಕೂದಲಿನ ಬುಡದ ಮೇಲೆ ಒತ್ತಡ ಬೀಳುವುದು, ಅಲ್ಲದೆ ಕೂದಲಿನ ಬುಡಕ್ಕೆ ಉಸಿರಾಡಲು ತೊಂದರೆ ಉಂಟಾಗುವುದು. ಇದರಿಂದ ಕೂದಲು ಉದುರುವ ಸಮಸ್ಯೆ ಕಂಡು ಬರುವುದು.

* ಜುಟ್ಟು ಕಟ್ಟಲು ಸಾಮಾನ್ಯವಾಗಿ ನಾವು ರಬ್ಬರ್ ಬ್ಯಾಂಡ್ ಬಳಸುತ್ತೇವೆ. ರಬ್ಬರ್ ಬ್ಯಾಂಡ್ ನಿಂದ ಬಿಗಿಯಾಗಿ ಕೂದಲು ಕಟ್ಟಿದರೆ ಅದು ಕೂದಲನ್ನು ತುಂಡರಿಸುತ್ತದೆ. ಇದರಿಂದ ಕೂಡ ಕೂದಲು ಹಾಳಾಗುವುದು. ಆದ್ದರಿಂದ ಕೂದಲನ್ನು ತುಂಬಾ ಬಿಗಿಯಾಗಿ ಕಟ್ಟಬೇಡಿ.

* ಡ್ರೈ ಕೂದಲು ಇರುವವರು ಜುಟ್ಟು ಕಟ್ಟದಿರುವುದು ಒಳ್ಳೆಯದು. ಕೂದಲಿಗೆ ವಾರಕ್ಕೊಮ್ಮೆ ಮೊಸರು ಹಾಕಿ ಮಸಾಜ್ ಮಾಡಿದರೆ ಕೂದಲು ಮೃದುವಾಗುವುದು.

* ಒಂದು ವೇಳೆ ಜುಟ್ಟು ಕಟ್ಟಿ ತಲೆನೋವು ಕಾಣಿಸಿಕೊಂಡರೆ ಕೂದಲನ್ನು ಬಿಚ್ಚಿ ಸಡಿಲವಾಗಿ ಬಿಟ್ಟು ಎಣ್ಣೆ ಮಸಾಜ್ ಮಾಡಿದರೆ ತಲೆನೋವು ಕಡಿಮೆಯಾಗುವುದು.