ಕೂದಲು ಉದುರುವುದು ಈ ಕಾಯಿಲೆಗಳ ಪ್ರಮುಖ ಲಕ್ಷಣ

ಥೈರಾಯ್ಡ್

ಥೈರಾಯ್ಡ್ ದೇಹದಲ್ಲಿ ಹಾರ್ಮೋನ್ ಗಳ ವ್ಯತ್ಯಾಸದಿಂದಾಗಿ ಉಂಟಾಗುತ್ತದೆ. ಈ ಕಾಯಿಲೆ ಬಂದರೆ ಕೂದಲು ಉದುರುವುದು ಮಾತ್ರವಲ್ಲ, ಮೈ ತೂಕ ಇದ್ದಕ್ಕಿದ್ದಂತೆ ಹೆಚ್ಚಾಗುವುದು ಅಥವಾ ತುಂಬಾ ಕಮ್ಮಿಯಾಗುವುದು. ಇದರ ಜೊತೆಗೆ ಸುಸ್ತು ಕಂಡು ಬರುವುದು.

Alopecia Areata

ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಕುಂದಿದಾಗ ಕೂದಲಿನ ಬುಡಕ್ಕೆ ಫಾಲಿಕ್ ಆಸಿಡ್ ನ ಕೊರತೆ ಉಂಟಾಗಿ ಕೂದಲು ಉದುರುವುದು. ಈ ಸಮಸ್ಯೆಯನ್ನು ತಲೆ ಬುಡದಲ್ಲಿ ಬಿಳಿ ಕಲೆಗಳಿಂದ ಗುರುತಿಸಬಹುದು. ಈ ಕಾಯಿಲೆ ಬಂದರೆ ಕೂದಲು ಬುಡದಿಂದಲೇ ಕಿತ್ತು ಬಂದು ಪ್ಯಾಚ್-ಪ್ಯಾಚ್ ಆಗುವುದು, ಕೂದಲೇ ಚಿಕಿತ್ಸೆ ತೆಗೆದುಕೊಂಡರೆ ಕೂದಲು ಹುಟ್ಟುವುದು.

ಸರ್ಜರಿ, ಒತ್ತಡ

ಕೆಲವೊಂದು ದೊಡ್ಡ ಶಸ್ತ್ರ ಚಿಕಿತ್ಸೆಯಾದಾಗ ಅಥವಾ ವಿಪರೀತ ಮಾನಸಿಕ ಸಮಸ್ಯೆಯಿಂದ ಒದ್ದಾಡುತ್ತಿದ್ದರೆ ಕೂದಲು ಉದುರುವುದು. ಇದನ್ನು ವೈದ್ಯಕೀಯ ಭಾಷೆಯಲ್ಲಿ Telogen Effluvium ಎಂದು ಕರೆಯುತ್ತಾರೆ. ಇದನ್ನು ಚಿಕಿತ್ಸೆಯಿಂದ ಗುಣ ಪಡಿಸಬಹುದು.

ತಲೆ ಬುಡದಲ್ಲಿ ಸೋಂಕು ತಾಗಿದರೆ

ಈ ರೀತಿ ಉಂಟಾದರೆ ತಲೆಯಲ್ಲಿ ತುರಿಕೆ ಕಂಡು ಬರುವುದು ಹಾಗೂ ಕೂದಲು ತುಂಬಾ ಉದುದರಲಾರಂಭಿಸುವುದು. ಈ ಸಮಸ್ಯೆ ಕಂಡು ಬಂದರೆ ಒಮ್ಮೆ ತಲೆಯನ್ನು ಸಂಪೂರ್ಣವಾಗಿ ಬೋಳಿಸಿ ಚಿಕಿತ್ಸೆ ಮಾಡಿದರೆ ನಂತರ ಬರುವ ಕೂದಲು ಮಂದವಾಗಿ ಬೆಳೆಯುವುದು.

ತ್ವಚೆ ಕಾಯಿಲೆಯಿದ್ದರೆ

ಕುಷ್ಠರೋಗದಂತಹ ಕಾಯಿಲೆಗಳು, ಮತ್ತಿತರ ಭಯಂಕರವಾದ ತ್ವಚೆ ಸಮಸ್ಯೆಗಳು ಕಂಡು ಬಂದರೆ ಕೂದಲು ಉದುರಿ ತಲೆ ಬೋಳಾಗುವುದು.

Cicatricial Alopecia

ಇದೊಂದು ಅಪರೂಪದ ಖಾಯಿಲೆಯಾಗಿದ್ದು, ಇದು ಬಂದರೆ ಬದುಕಿಳಿಯುವ ಸಾಧ್ಯತೆ ಕಡಿಮೆ. ಈ ಕಾಯಿಲೆ ಬಂದಾಗ ಕೂದಲು ಸಂಪೂರ್ಣವಾಗಿ ಉದುರಿ ತಲೆ ಬೋಳಾಗುವುದು.

ಕ್ಯಾನ್ಸರ್

ಕ್ಯಾನ್ಸರ್ ರೋಗಿಗಳಲ್ಲಿಯೂ ಕೂದಲು ಉದುರುವ ಸಮಸ್ಯೆ ಕಂಡು ಬರುವುದು. ಈಗ ಕ್ಯಾನ್ಸರ್ ಅನ್ನು ಚಿಕಿತ್ಸೆಯಿಂದ ಗುಣ ಪಡಸಬಹುದಾಗಿದ್ದು, ಚಿಕಿತ್ಸೆಯ ನಂತರ ಕೂದಲು ಬೆಳೆಯುವುದು.

Trichotillomania

ಇದೊಂದು ವಿಚಿತ್ರವಾದ ಕಾಯಿಲೆಯಾಗಿದೆ. ಈ ಕಾಯಿಲೆ ಇರುವವರಿಗೆ ಕೂದಲು ಉದುರುವುದಿಲ್ಲ, ಆದರೆ ತಮ್ಮ ಕೂದಲನ್ನು ತಾವೇ ಕಿತ್ತು ಕೂದಲಿನ ಆರೋಗ್ಯ ಹಾಳು ಮಾಡುತ್ತಾರೆ. ಇಂತವರು ರೆಪ್ಪೆ ಕೂದಲು, ಹುಬ್ಬು ಇವುಗಳೆನ್ನೆಲ್ಲಾ ಕೀಳುತ್ತಾರೆ. ಚಿಕಿತ್ಸೆ ಕೊಡಿಸಿದರೆ ಈ ಕಾಯಿಲೆಯನ್ನು ಗುಣ ಪಡಿಸಬಹುದು.