ಒರಟು ಕೂದಲಿನ ಸಮಸ್ಯೆಯೇ? ಇಲ್ಲಿದೆ ಪರಿಹಾರ

ನಿಮ್ಮ ಕೂದಲು ಒರಟಾಗಿದೆಯೇ? ಯಾವ ಶ್ಯಾಂಪೂ ಹಚ್ಚಿದರೂ ಕೂದಲಿನ ಒರಟುತನ ಕಮ್ಮಿಯಾಗಿಲ್ಲವೇ? ಚಿಂತೆ ಬಿಡ, ನಿಮ್ಮ ಸಮಸ್ಯೆಗೆ ಈ ವಿಧಾನಗಳನ್ನು ಬಳಸಿ ಪರಿಹಾರ ಕಂಡುಕೊಳ್ಳಬಹುದು.

ಈ ವಿಧಾನಗಳನ್ನು ಬಳಸಿದರೆ ಕೂದಲಿಗೆ ಯಾವ ಅಡ್ಡ ಪರಿಣಾಮ ಉಂಟಾಗುವುದಿಲ್ಲ, ಕೂಲಿನ ಬುಡ ಬಲವಾಗಿ, ಮೃದುವಾದ ಕೂದಲು ನಿಮ್ಮದಾಗುವುದು.

ಮೃದುವಾದ, ಆಕರ್ಷಕವಾದ ಕೂದಲು ಬೇಕೆನ್ನುವವರು ಈ ವಿಧಾನವನ್ನು ಬಳಸಿ:

ಮಯೋನೈಸ್ ಮತ್ತು ಬೆಣ್ಣೆಯ ಮಾಸ್ಕ್
1 ಕಪ್ ಮಯೋನೈಸ್ ಗೆ 2 ಚಮಚ ಬೆಣ್ಣೆ ಹಣ್ಣಿನ ಪೇಸ್ಟ್ ಹಾಕಿ, ಚೆನ್ನಾಗಿ ಕದಡಿ, ನಂತರ ತಲೆಗೆ ಬುಡದಿಂದಲೇ ಹಚ್ಚಿ, ಶವರ್ ಕ್ಯಾಪ್ ಹಾಕಿ ಒಂದು ಗಂಟೆವರೆಗೆ ಇಡಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ಕೂದಲನ್ನು ತೊಳೆಯಿರಿ, ನಂತರ ಮೈಲ್ಡ್ ಶ್ಯಾಂಪೂವಿನಿಂದ ಕೂದಲನ್ನು ತೊಳೆದು ಗಾಳಿಯಲ್ಲಿ ಒಣಗಿಸಿ, ಈ ರೀತಿ ಮಾಡುವುದರಿಂದ ನಿಮ್ಮ ಕೂದಲು ಮೃದುವಾಗುವುದು.

ಲೋಳೆಸರ
ತಲೆಕೂದಲಿನ ಅನೇಕ ಸಮಸ್ಯೆಗಳಿಗೆ ಲೋಳೆಸರದಿಂದ ಪರಿಹಾರ ಕಂಡುಕೊಳ್ಳಬಹುದು. ಲೋಳೆಸರವನ್ನು ತಲೆಗೆ ಹಚ್ಚಿ 1-2 ಗಂಟೆಗಳ ಕಾಲ ಇಟ್ಟು ನಂತರ ಮೈಲ್ಡ್ ಶ್ಯಾಂಪೂ ಬಳಸಿ ತಲೆ ತೊಳೆಯಿರಿ. ಈ ರೀತಿ ಪ್ರತೀಬಾರಿ ತಲೆ ಸ್ನಾನ ಮಾಡುವಾಗಲೂ ಮಾಡಿ. ಈ ವಿಧಾನ ಅನುಸರಿಸಿದರೆ ಆರೋಗ್ಯವಾದ, ಮೃದುವಾದ ಕೂದಲು ನಿಮ್ಮದಾಗುವುದು.

ನೆಲ್ಲಿಕಾಯಿಯ ಪುಡಿ
ಎಣ್ಣೆಯ ಜೊತೆ ನೆಲ್ಲಿಕಾಯಿಯ ಪುಡಿ ಮಿಕ್ಸ್ ತಲೆಗೆ ಹಚ್ಚಿ ಒಂದು ಗಂಟೆಯ ಬಳಿಕ ತಲೆ ತೊಳೆಯಿರಿ. ಈ ವಿಧಾನದಿಂದಲೂ ಮೃದುವಾದ ಕೂದಲನ್ನು ಪಡೆಯಬಹುದು.