ತಲೆ ಹೊಟ್ಟಿನ ನಿವಾರಣೆಗೆ ಇಲ್ಲಿದೆ 7 ವಿಧಾನ

ಅಡುಗೆ ಸೋಡಾ

1 ಚಮಚ ಅಡುಗೆ ಸೋಡಾವನ್ನು ನೀರಿನಲ್ಲಿ ಕಲೆಸಿ ತಲೆಗೆ ಹಚ್ಚಿ 5 ನಿಮಿಷ ಬಿಟ್ಟು ತೆಳು ಬಿಸಿ ನೀರಿನಿಂದ ತಲೆ ತೊಳೆದು, ನಂತರ ಮಾಮೂಲಿ ಬಳಸುವ ಶ್ಯಾಂಪೂ ಹಾಕಿ ತಲೆ ತೊಳೆದರೆ ತಲೆ ಶುದ್ಧವಾಗುವುದು, ತಲೆ ಹೊಟ್ಟು ಕಡಿಮೆಯಾಗುವುದು, ಕೂದಲು ಕೂಡ ನುಣಪಾಗಿರುತ್ತದೆ.

ತೆಂಗಿನೆಣ್ಣೆ

ಎಣ್ಣೆ ಸರಿಯಾಗಿ ಹಚ್ಚದಿದ್ದರೆ ತಲೆ ಬುಡ ಒಣಗಿ ತಲೆ ಹೊಟ್ಟು ಆಗುವುದು, ಈ ಸಮಸ್ಯೆಯನ್ನು ಹೋಗಲಾಡಿಸಲು ತೆಂಗಿನೆಣ್ಣೆಯನ್ನು ಬಿಸಿ ಮಾಡಿ ತಲೆಗೆ ಚೆನ್ನಾಗಿ ಮಸಾಜ್ ಮಾಡಿ, ಈ ರೀತಿ ವಾರದಲ್ಲಿ ಎರಡು ಬಾರಿ ಮಾಡಿದರೂ ಸಾಕು ತಲೆ ಹೊಟ್ಟಿನ ಸಮಸ್ಯೆ ಕಡಿಮೆಯಾಗುವುದು.

ನಿಂಬೆ ರಸ

ನಿಂಬೆ ರಸ ತಲೆಬುಡವನ್ನು ಸ್ವಚ್ಛ ಮಾಡಿ, ತಲೆ ಹೊಟ್ಟು ನಿವಾರಿಸುವಲ್ಲಿ ತುಂಬಾ ಪರಿಣಾಮಕಾರಿ.

ಆಪಲ್ ಸೈಡರ್ ವಿನೆಗರ್

ಅರ್ಧ ಬಕೆಟ್ ನೀರಿಗೆ ಕಾಲು ಗ್ಲಾಸ್ ಆಪಲ್ ಸೈಡರ್ ವಿನೆಗರ್ ಹಾಕಿ ಮಿಕ್ಸ್ ಮಾಡಿ, ತಲೆಯನ್ನು ಶ್ಯಾಂಪೂ ಹಾಕಿ ತೊಳೆದ ಬಳಿಕ, ವಿನೆಗರ್ ಹಾಕಿದ ನೀರನ್ನು ತಲೆಗೆ ಸುರಿದು, ನಂತರ ಕೂದಲನ್ನು ಒಣಗಿಸಿ, ಈ ರೀತಿ ಮಾಡುವುದರಿಂದಲೂ ತಲೆ ಹೊಟ್ಟು ಹೋಗಲಾಡಿಸಬಹುದು.

ತೆಂಗಿನ ಹಾಲು

ಕೂದಲು ತುಂಬಾ ಡ್ರೈಯಾಗುವುದು, ಜೊತೆಗೆ ತಲೆ ಹೊಟ್ಟು ಈ ರೀತಿಯ ಸಮಸ್ಯೆ ಇರುವವರು ತೆಂಗಿನ ಹಾಲನ್ನು ತಲೆಗೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ಹದ ಬಿಸಿ ನೀರಿನಲ್ಲಿ ಶ್ಯಾಂಪೂ ಹಚ್ಚಿ ತಲೆ ತೊಳೆಯಬೇಕು.

ಲೋಳೆಸರ

ಲೋಳೆಸರ ತಲೆಹೊಟ್ಟಿನ ಸಮಸ್ಯೆ ಹೋಗಲಾಡಿಸುವುದು ಮಾತ್ರವಲ್ಲ ಕೂದಲು ಸೊಂಪಾಗಿ ಬೆಳೆಯುವಂತೆಯೂ ಮಾಡುವುದು.

ಆಲೀವ್ ಎಣ್ಣೆ

ಆಲೀವ್ ಎಣ್ಣೆ ಕೂಡ ಕೂದಲಿಗೆ ತುಂಬಾ ಒಳ್ಳೆಯದು. ಇದು ತಲೆ ಹೊಟ್ಟಿನ ಸಮಸ್ಯೆ ಹೋಗಲಾಡಿಸುತ್ತದೆ, ಕೂದಲನ್ನು ಮೃದುವಾಗಿಸುತ್ತದೆ.