ಸೊಂಪಾದ ಕೂದಲಿಗಾಗಿ 'ಹೇರ್ ಡಯಟ್'

ಒಮೆಗಾ 3 ಕೊಬ್ಬಿನಂಶವಿರುವ ಆಹಾರ

ನಮ್ಮ ದೇಹವು ಒಮೆಗಾ 3 ಕೊಬ್ಬಿನಂಶವನ್ನು ಉತ್ಪತ್ತಿ ಮಾಡುವುದಿಲ್ಲ, ಆದರೆ ಈ ಕೊಬ್ಬಿನಂಶ ನಮ್ಮ ದೇಹ ಸರಿಯಾಗಿ ಕಾರ್ಯ ನಿರ್ವಹಿಸಲು ಮತ್ತು ಕೂದಲಿನ ಆರೋಗ್ಯಕ್ಕೆ ಅವಶ್ಯ. ಇವುಗಳನ್ನು ಆಹಾರಕ್ರಮದ ಮುಖಾಂತರ ತೆಗೆದುಕೊಳ್ಳಬೇಕು. ನಾವ್ ವೆಜ್ ಆದರೆ ಮೀನು, ಕುರಿ ಮಾಂಸ ಇವುಗಳಲ್ಲಿ ಇರುತ್ತದೆ. ವೆಜ್ ಆದರೆ ಅಗಸೆದ ಬೀಜದಲ್ಲಿ ಈ ಕೊಬ್ಬಿನಂಶ ಕಂಡು ಬರುವುದು.

ಪ್ರೊಟೀನ್

ಪ್ರೊಟೀನ್ ಕೊರತೆ ಉಂಟಾದರೂ ಕೂದಲು ಉದುರುವ ಸಮಸ್ಯೆ ಕಂಡು ಬರುವುದು. ಮೊಟ್ಟೆ, ಮಾಂಸ, ಹಾಲು ಇವುಗಳಲ್ಲಿ ಪ್ರೊಟೀನ್ ಅಂಶವಿದೆ.

ಕಬ್ಬಿಣದಂಶ

ಕಬ್ಬಿಣದಂಶದ ಕೊರತೆ ಉಂಟಾದರೂ ಕೂದಲು ಉದುರುವುದು. ಸೊಪ್ಪು, ಹಸಿರು ತರಕಾರಿಗಳಲ್ಲಿ ಕಬ್ಬಿಣದಂಶ ಅಧಿಕವಿರುತ್ತದೆ.

ವಿಟಮಿನ್ ಗಳು

ತಲೆಬುಡದಲ್ಲಿ ತಲೆಹೊಟ್ಟಿನಂತಹ ಸಮಸ್ಯೆ ವಿಟಮಿನ್ಸ್ ಕೊರತೆಯಿಂದ ಉಂಟಾಗುವುದು. ವಿಟಮಿನ್ ಎ ಮತ್ತು ಸಿ , ಬಿ ಕೂದಲಿನ ಬೆಳವಣಿಗೆಗೆ ಅವಶ್ಯಕ. ಕಿತ್ತಳೆ, ನಿಂಬೆ ಹಣ್ಣು, ಕ್ಯಾರೆಟ್ ಇವುಗಳಲ್ಲಿ , ಸಿಹಿ ಗೆಣಸು, ದವಸ ಧಾನ್ಯಗಳು, ಬೀನ್ಸ್, ಬಾಳೆ ಹಣ್ಣು ಇವುಗಳನ್ನು ನಿಮ್ಮ ಆಹಾರಕ್ರಮದಲ್ಲಿ ಸೇರಿಸಿ, ಕೂದಲಿನ ಆರೋಗ್ಯ ಹೆಚ್ಚುವುದು.

ಆರೋಗ್ಯಕರ ಕೊಬ್ಬಿನಂಶ

ಆರೋಗ್ಯಕರ ಕೊಬ್ಬಿನಂಶ ವಾಲ್ ನಟ್ಸ್, ಬಾದಾಮಿ ಇವುಗಳಲ್ಲಿ ಇರುತ್ತದೆ. ಇವುಗಳನ್ನು ತಿಂದರೆ ಕೂದಲಿನ ಬುಡ ಸ್ಟ್ರಾಂಗ್ ಆಗುವುದು.

ಸತುವಿನಂಶ

ಸತುವಿನಂಶ ಕೊರತೆ ಉಂಟಾದರೆ ತಲೆ ಹೊಟ್ಟು, ಕೂದಲು ಕವಲೊಡೆಯುವುದು, ಡ್ರೈಯಾಗುವುದು, ಕೂದಲು ಉದುರುವುದು ಮುಂತಾದ ಸಮಸ್ಯೆ ಕಂಡು ಬರುವುದು. ಸೊಪ್ಪು ಮತ್ತು ಸಮುದ್ರಾಹಾರ, ಮೊಟ್ಟೆ, ಚಿಕನ್ ಇವುಗಳಲ್ಲಿ ಸತುವಿನಂಶ ಅಧಿಕವಿರುತ್ತದೆ.