ಕೂದಲಿನ ಮೇಲೆ ಬೀರ್ ನ ಪ್ರಭಾವ

ಹೇರ್ ಕಂಡೀಷನರ್

ಬೀರ್ ಉತ್ತಮವಾದ ಹೇರ್ ಕಂಡೀಷನರ್, ಶ್ಯಾಂಪೂ ಹಾಕಿ ತಲೆ ತೊಳೆದ ಬಳಿಕ, 1 ಮಗ್ ನೀರಿಗೆ ಅರ್ಧ ಗ್ಲಾಸ್ ನಷ್ಟು ಬೀರ್ ಹಾಕಿ ಬಳಸಿದರೆ ಕೂದಲಿಗೆ ಸೂಪರ್ ಕಂಡೀಷನರ್.

ಮೃದುವಾದ ಕೂದಲಿಗೆ

ಕೂದಲಿನ ತೊಳೆದ ಬಳಿಕ ನಿಂಬೆ ರಸ ಮತ್ತು ಬೀರ್ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ತೊಳೆದರೆ ಕೂದಲು ಮೃದುವಾಗುವುದು.

ಕೂದಲು ಕವಲೊಡೆಯದಿರಲು ಈ ರೀತಿ ಮಾಡಿ

ಬೀರ್ ಬಾಟಲ್ ನ ಮುಚ್ಚಳ ತೆಗೆದು ಓಪನ್ ಮಾಡಿ ಒಂದು ರಾತ್ರಿ ಇಟ್ಟು, ಮಾರನೆಯ ದಿನ ಬೆಳಗ್ಗೆ ಅದನ್ನು ಬಿಸಿ ನೀರಿನಲ್ಲಿ ಹಾಕಿ ಕುದಿಸಿ, ಅದಕ್ಕೆ 1 ಚಮಚ ನಿಂಬೆ ರಸ ಮತ್ತು 1 ಚಮಚ ಜೇನು ಸೇರಿಸಿ ಮಿಕ್ಸ್ ಮಾಡಿ, ತಣ್ಣಗಾಗಲು ಇಡಿ. ನಂತರ ಕೂದಲಿನ ಬುಡಕ್ಕೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಲೆ ತೊಳೆಯಿರಿ. ಈ ರೀತಿ ಮಾಡುವುದರಿಂದ ಕೂದಲು ಕವಲೊಡೆಯುವುದಿಲ್ಲ.

ಜೊಜೊಬೊ ಎಣ್ಣೆ ಜೊತೆ ಮಿಕ್ಸ್ ಮಾಡಿದರೆ ಒಳ್ಳೆಯದು

ಕೂದಲಿನ ಆರೈಕೆಗೆ ಮತ್ತೊಂದು ವಿಧಾನವೆಂದರೆ ಬೀರ್ ಅನ್ನು ಜೊಜೊಬೊ ಎಣ್ಣೆ ಜೊತೆ ಮಿಕ್ಸ್ ಮಾಡಿ, ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಣ್ಣೀರಿನಿಂದ ತಲೆ ತೊಳೆಯುವುದು.

ಕೂದಲು ಉದುರುವುದನ್ನು ತಡೆಯಬೇಕೆ?

ಬೀರ್ ನಲ್ಲಿ ಬಯೋಟಿನ್ ಅಂಶವಿರುವುದರಿಂದ ಇದು ಕೂದಲಿನ ಬುಡವನ್ನು ಬಲವಾಗಿಸಿ, ಕೂದಲು ಉದುರುವುದನ್ನು ಕಡಿಮೆ ಮಾಡುತ್ತದೆ.

ಕೂದಲು ಮಂದವಾಗಿ ಕಾಣುವಂತೆ ಮಾಡುತ್ತದೆ

ನಿಮ್ಮ ಕೂದಲು ತುಂಬಾ ತೆಳುವಾಗಿದ್ದು, ಮಂದವಾಗಿ ಕಾಣಬೇಕೆಂದು ನೀವು ಬಯಸುವುದಾದರೆ ತಲೆ ಸ್ನಾನದ ನಂತರ ಮಗ್ ಗೆ ಮುಕ್ಕಾಲು ಭಾಗ ನೀರು ಹಾಕಿ, ಅರ್ಧ ಗ್ಲಾಸ್ ಬೀರ್ ಹಾಕಿ ತಲೆಗೆ ಸುರಿದು, ನಂತರ ತಲೆ ಒರೆಸಿ ಒಣಗಿಸಿದರೆ ಕೂದಲು ಮಂದವಾಗಿ ಕಾಣುವುದು.

ಕೂದಲಿನ ಹೊಳಪು ಹೆಚ್ಚುವುದು

ಬೀರ್ ಬಳಸಿದರೆ ಕೂದಲು ಬಲವಾಗುವುದು ಮಾತ್ರವಲ್ಲ, ಕೂದಲಿನ ಹೊಳಪು ಕೂಡ ಹೆಚ್ಚುವುದು.

ಕೂದಲು ಸಿಕ್ಕಾಗುವುದಿಲ್ಲ

ಕೂದಲು ತುಂಬಾ ಸಿಕ್ಕಾಗುತ್ತಿದ್ದರೆ ಬೀರ್ ಬಳಸಿ ನೋಡಿ, ಕೂದಲು ಸಿಕ್ಕಾಗುವುದು ಕಡಿಮೆಯಾಗುವುದು.

ಒಣ ಕೂದಲಿಗೆ ಗುಡ್ ಬೈ ಹೇಳುತ್ತೆ

ಒಣ ಕೂದಲಿಗೆ ಗುಡ್ ಬೈ ಹೇಳ ಬಯಸುವವರು ಬಿರ್ ಬಳಸಿ, ತಲೆ ತೊಳೆದರೆ ಒಳ್ಳೆಯದು.