ಬಕ್ಕ ತಲೆ ಉಂಟಾಗದಿರಲು ಈ ರೀತಿ ಮಾಡಿ!

Hair Care

oi-Reena

By Hema S

Published: Monday, June 4, 2012, 12:14 [IST]

ಕೆಲವರಿಗೆ ಚಿಕ್ಕ ವಯಸ್ಸಿನಲ್ಲಿಯೇ ಕೂದಲು ಉದುರಲಾರಂಭಿಸುತ್ತದೆ. ಅದರಲ್ಲೂ ಪುರುಷರಿಗೆ ಈ ರೀತಿ ಕೂದಲು ಉದುರಿದರೆ ಬೇಗನೆ ಬಕ್ಕ ತಲೆ ಉಂಟಾಗುತ್ತದೆ. ನಂತರ ಅದಕ್ಕಾಗಿ ಚಿಕಿತ್ಸೆ ಮಾಡಬಹುದಾದರೂ ತಗುಲುವ ವೆಚ್ಚ ಸ್ವಲ್ಪ ಅಧಿಕ. ಆದರೆ ಕೂದಲಿನ ಬಗ್ಗೆ ಸ್ವಲ್ಪ ಆರೈಕೆ ಮಾಡಿದರೆ ಕೂದಲು ಉದುರುವುದನ್ನು ತಡೆಗಟ್ಟಬಹುದು.

1. ಶ್ಯಾಂಪೂ: ಚಿಕ್ಕ ಕೂದಲಿರುವುದರಿಂದ ಪುರುಷರು ಪ್ರತಿದಿನ ತಲೆ ತೊಳೆಯುವುದು ಒಳ್ಳೆಯದು. ಆದರೆ ತಲೆ ತೊಳೆಯಲು ಮೃದು ಶಾಂಪೂ ಬಳಸಬೇಕು. ನಂತರ ತಲೆಯನ್ನು ಒರೆಸಿ ಚೆನ್ನಾಗಿ ಒಣಗಿದ ನಂತರ ತಲೆಬಾಚಬೇಕು. ಜೆಲ್ ಬಳಸುವುದನ್ನು ಕಮ್ಮಿ ಮಾಡುವುದು ಒಳ್ಳೆಯದು.

2. ನೈಸರ್ಗಿಕವಾಗಿ ಕೂದಲಿನ ಆರೈಕೆ: * ಅಧಿಕ ಪೋಷಕಾಂಶ ಹಾಗೂ ಖನಿಜಾಂಶಗಳಿರುವ ಆಹಾರ ಪದಾರ್ಥ ಸೇವಿಸಬೇಕು.
* ಎಮ್ಮೆಯ ಹಾಲಿನಲ್ಲಿ ತ್ರಿಫಳಾ ಚೂರ್ಣವನ್ನು ಕಲೆಸಿ ಲೇಪಿಸಿ ಕೊಳ್ಳುವುದರಿಂದ ಬಿಳಿ ಕೂದಲುಗಳು ಕಪ್ಪಗಾಗುತ್ತದೆ ಹಾಗೂ ಬಕ್ಕ ತಲೆಯ ಮೇಲೆ ಕೂದಲುಗಳು ಬರಲು ಪ್ರಾರಂಭವಾಗುವುದು
* ಬೆಳಗ್ಗೆ ಚವನಪ್ರಾಶ ಸೇವಿಸಿ ಹಾಗೂ ನೆಲ್ಲಿಕಾಯಿ ರಸವನ್ನು ತಲೆಯ ಮೇಲೆ ಹಚ್ಚಿಕೊಂಡು 15-20ನಿಮಿಷಗಳ ನಂತರ ಸ್ನಾನ ಮಾಡಿದರೆ ಕೂದಲು ಉದುರುವುದಿಲ್ಲ.

3. ಬಿಸಿಯಾದ ಎಣ್ಣೆ: ವಾರದಲ್ಲಿ ಎರಡು ಬಾರಿಯಾದರೂ ಎಣ್ಣೆಯನ್ನು ಬಿಸಿ ಮಾಡಿ, ಅದು ಹದ ಬಿಸಿಯಿರುವಾಗ ಅದರಿಂದ ತಲೆಗೆ ಮಸಾಜ್ ಮಾಡಬೇಕು. ಹೀಗೆ ಮಾಡಿದರೆ ಕೂದಲು ಚೆನ್ನಾಗಿ ಬರುತ್ತದೆ. ತಲೆಯಲ್ಲಿ ಹೊಟ್ಟಿದ್ದರೆ ಮಸಾಜ್ ಮಾಡುವ ಎಣ್ಣೆಗೆ ಸ್ವಲ್ಪ ಕರ್ಪೂರದ ಚೂರುಗಳನ್ನು ಹಾಕಿ. ಇದು ಹೊಟ್ಟನ್ನು ಕಡಿಮೆ ಮಾಡುತ್ತದೆ.

4. ತೆಂಗಿನ ಹಾಲು: ತೆಂಗಿನ ಕಾಯಿಯನ್ನು ತುರಿದು ಅದರ ಹಾಲನ್ನು ತೆಗೆದು ತಲೆಗೆ ಹಚ್ಚಿ ಮಸಾಜ್ ಮಾಡಿ ನಂತರ ಒಂದು ಗಂಟೆ ಬಿಟ್ಟು ಸ್ನಾನ ಮಾಡಬೇಕು. ಅಲ್ಲದೆ ಒಂದು ಚಮಚ ಸಾಸಿವೆಯನ್ನು ಒಂದು ಕಪ್ ನೀರಿಗೆ ಹಾಕಿ ಚೆನ್ನಾಗಿ ಕುದಿಸಿ. ನಂತರ ತಣಿದ ಮೇಲೆ ಇದನ್ನು ಸೋಸಿ, ಕೇವಲ ನೀರನ್ನು ಮಾತ್ರ ಕುಡಿದರೆ ಕೂದಲು ಉದುರುವುದು ಕಡಿಮೆಯಾಗುತ್ತದೆ.

ಹೆಚ್ಚಾಗಿ ಖನಿಜಾಂಸವಿರುವ ಪೋಷಕಾಂಶವನ್ನು ತಿನ್ನಬೇಕು. ದಿನಾ ನೆಲ್ಲಿ ಕಾಯಿ ತಿಂದರೆ ಕೊಲೆಸ್ಟ್ರಾಲ್ ಕಡಮೆಯಾಗುವುದರ ಜೊತೆಗೆ ಕೂದಲಿಗೂ ಒಳ್ಳೆಯದು. ಬಸಳೆ ಸೊಪ್ಪು , ಮೆಂತೆ ಸೊಪ್ಪು, ಮೀನು, ಪಾಲಾಕ್ ಸೊಪ್ಪು, ಬಾದಾಮಿ ಹೀಗೆ ಪೊಷಕಾಂಶವಿರುವ ಆಹಾರದ ಸೇವನೆ ಒಳ್ಳೆಯದು.