ಯಾವತ್ತಿಗೂ ಬಳಸಬೇಡಿ 'ಬ್ಲ್ಯಾಕ್ ಹೆನ್ನಾ'

Hair Care

oi-Reena

By Hema S

Updated: Wednesday, August 22, 2012, 16:29 [IST]

ಹಿಂದಿನ ಕಾಲದಿಂದಲೂ ಸೌಂದರ್ಯವರ್ಧಕವಾಗಿ ಮೆಹಂದಿಯನ್ನು ಬಳಸಲಾಗುತ್ತದೆ. ಮದುವೆಯ ಸಮಾರಂಭದಲ್ಲಿ ಮದುವೆಯ ಹಿಂದಿನ ದಿನ ಮೆಹಂದಿ ಶಾಸ್ತ್ರ ಅಂತ ಮಾಡಲಾಗುವುದು. ಹಿಂದೆ ಗಿಡದಿಂದ ಮೆಹಂದಿ ಎಲೆಗಳನ್ನು ಕುಯ್ದು ಅರೆದು ಕೈಗಳನ್ನು ಅಲಂಕರಿಸಲು ಮತ್ತು ಕೂದಲಿನ ಆರೈಕೆಗೆ ಬಳಸುತ್ತಿದ್ದರು.

ಆದರೆ ಈಗೆಲ್ಲಾ ರೆಡಿಮೇಡ್ ಮೆಹಂದಿ ಬಂದಿದೆ. ಆದ್ದರಿಂದ ಮೆಹಂದಿಯನ್ನು ಅರೆದು ಹಾಕುವಷ್ಟು ಶ್ರಮ ಪಡಲು ಇಂದು ನಾವು ಸಿದ್ಧರಿಲ್ಲ. ಮಾರುಕಟ್ಟೆಯಲ್ಲಿ ಅನೇಕ ಬಗೆಯ ಮೆಹಂದಿಗಳು ಮಾರುಕಟ್ಟೆಯಲ್ಲಿ ದೊರೆಯುತ್ತದೆ. ಇಂತಹ ಮೆಹಂದಿಗಳಲ್ಲಿ ಕೈಗೆ ಹಚ್ಚುವ ಮೆಹಂದಿಯನ್ನು ತಲೆಗೆ ಹಚ್ಚಬಾರದು. ಏಕೆಂದರೆ ಕೈಗೆ ಹಚ್ಚುವ ಮೆಹಂದಿ ಬೇಗನೆ ಕೆಂಪಾಗಲು ರಾಸಾಯನಿಕಗಳನ್ನು ಸೇರಿಸುತ್ತಾರೆ.

ಅದಲ್ಲದೆ ಬಿಳುಪು ಕೂದಲನ್ನು ಮರೆಮಚಲು ಮತ್ತು ನಯವಾದ ಕೂದಲನ್ನು ಪಡೆಯಲು ಮೆಹಂದಿ ಬಳಸುತ್ತಿರುತ್ತೇವೆ. ಆದರೆ ಹೀಗೆ ಬಳಸುವ ಮೆಹಂದಿ ಎಷ್ಟರ ಮಟ್ಟಿಗೆ ಪ್ಯೂರ್ (ಶುದ್ಧ ಮೆಹಂದಿ) ಎಂದು ಪರೀಕ್ಷೆ ಮಾಡಲು ಹೋಗುವುದಿಲ್ಲ. ಕಡಿಮೆ ಗುಣಮಟ್ಟದ ಮೆಹಂದಿಯನ್ನು ತಂದು ಹಾಕಿದರೆ ಕೂದಲು ಹಾಳಾಗುವುದು. ಆದ್ದರಿಂದ ಮೆಹಂದಿ ಕೊಳ್ಳುವಾಗ ಗುಣಮಟ್ಟದ ಮೆಹಂದಿ ನೋಡಿ ಕೊಂಡುಕೊಳ್ಳಬೇಕು.

ಅದರಲ್ಲೂ ನೆರೆಕೂದಲು ಮರೆಮಾಚ ಬಯಸುವವರು ಬ್ಲ್ಯಾಕ್ ಮೆಹಂದಿ ಆಯ್ಕೆ ಮಾಡುತ್ತಾರೆ. ಇದನ್ನು ಕೊಂಡು ತಂದು ಹಚ್ಚಿದ್ದೇ ಆದರೆ ನಿಮ್ಮ ಕೂದಲಿನಆರೋಗ್ಯ ನೀವೆ ಕೈಯಾರೆ ಹಾಳು ಮಾಡಿದಂತೆ! ಏಕೆಂದರೆ ಇದರಲ್ಲಿ PPDs ಎಂಬ ರಾಸಾಯನಿಕವನ್ನು ಬಳಸಲಾಗಿದೆ (ಈ ರಾಸಾಯನಿಕವನ್ನು ಹೊರ ದೇಶದಲ್ಲಿ ಯಾವುದೇ ವಸ್ತುವಿನಲ್ಲಿ ಬಳಸಬಾರದೆಂದು ನಿಷೇಧಿಸಲಾಗಿದೆ). ಆದ್ದರಿಂದಲೇ ಈ ಮೆಹಂದಿ ಹಚ್ಚಿದಾಗ ಹೆಚ್ಚಿನವರಿಗೆ ಅಲರ್ಜಿ, ತುರಿಕೆ ಕಂಡು ಬರುತ್ತದೆ . ಆದ್ದರಿಂದ ಬ್ಲ್ಯಾಕ್ ಮೆಹಂದಿ ಬಳಸುತ್ತಿದ್ದರೆ ಇನ್ನು ಮುಂದೆ ಬಳಸಬೇಡಿ. ನೈಸರ್ಗಿಕ ಮೆಹಂದಿಯನ್ನು ಬಳಸುವುದು ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು.