ಶ್ಯಾಂಪೂ ಕೊಳ್ಳುವಾಗ pH ಪ್ರಮಾಣ ತಿಳಿದಿರಲಿ!

Hair Care

oi-Reena

By Hema S

Updated: Saturday, July 7, 2012, 11:12 [IST]

ಕೂದಲು ನಾನಾ ಕಾರಣಗಳಿಂದ ಉದುರುತ್ತದೆ. ಕೆಲವರಿಗೆ ಅನಾರೋಗ್ಯದ ಕಾರಣದಿಂದ ಉದುರಿದರೆ, ಮತ್ತೆ ಕೆಲವರಿಗೆ ಪೋಷಕಾಂಶಗಳ ಕೊರತೆಯಿಂದ ಕೂದಲು ಉದುರುವುದು. ಆದ್ದರಿಂದ ಕೂದಲಿನ ಆರೋಗ್ಯ ಹೆಚ್ಚಿಸುವ ಆಹಾರದ ಜೊತೆ ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿದರೆ ಕೂದಲು ಉದುರುವ ಸಮಸ್ಯೆ ನಿವಾರಣೆಯಾಗುವುದು.

1. ವಾರಕ್ಕೊಮ್ಮೆ ಕೂದಲಿಗೆ ಟೀ ಹಚ್ಚಿ ಅರ್ಧ ಗಂಟೆ ಬಿಟ್ಟು ತೊಳೆಯಬೇಕು. ಇದರಿಂದ ಕೂದಲಿನ ಆರೋಗ್ಯ ಹೆಚ್ಚುವುದು ಮಾತ್ರವಲ್ಲದೆ ಕೂದಲು ಕಪ್ಪಾಗಿ ಮತ್ತು ಸೊಂಪಾಗಿ ಬೆಳೆಯುತ್ತದೆ.

2. ತೆಂಗಿನೆಣ್ಣೆ ಬಿಸಿ ಮಾಡಿ ಅದು ಹದ ಬಿಸಿಯಿರುವಾಗ ತಲೆಗೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡವೇಕು. ನಂತರ ಒಂದು ಟವಲ್ ಅನ್ನು ನೆನೆಸಿ ಅದನ್ನು ತಲೆಗೆ ಸುತ್ತಿ ಅರ್ಧ ಗಂಟೆ ಬಿಟ್ಟು ತೊಳೆದರೆ ಕೂದಲಿಗೆ ತುಂಬಾ ಒಳ್ಳೆಯದು.

3. ದಾಸವಾಳದ ಹೂ ಮತ್ತು ಎಲೆನ್ನು ಅರೆದು ಅದನ್ನು ತಲೆಗೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ತಲೆ ತೊಳೆಯಬೇಕು. ಹೀಗೆ ಕನಿಷ್ಠ ಪಕ್ಷ ವಾರಕ್ಕೆ ಎರಡು ಬಾರಿ ಮಾಡಿದರೂ ಕೂದಲಿಗೆ ಸಂಬಂಧಿಸಿದ ಯಾವುದೇ ಸಮಸ್ಯೆ ಕಂಡು ಬರುವುದಿಲ್ಲ.

4. ನೆಲ್ಲಿಕಾಯಿ ಪುಡಿಯನ್ನು ಬಾದಾಮಿ ಎಣ್ಣೆ ಜೊತೆ ಮಿಶ್ರ ಮಾಡಿ ತಲೆಗೆ ಹಚ್ಚಿದರೆ ತಲೆಹೊಟ್ಟು ನಿವಾರಣೆಯಾಗಿ ಕೂದಲು ಕಪ್ಪಾಗಿ, ಸೊಂಪಾಗಿ ಬೆಳೆಯುವುದು.

5. ಹರಳೆಣ್ಣೆ ಹಚ್ಚಿದರೆ ತಲೆ ಸ್ವಲ್ಪ ಜಿಡ್ಡಾಗಿರುತ್ತದೆ, ಆದರೆ ಇದನ್ನು ಹಚ್ಚಿದರೆ ಕೂದಲು ಉದುರವ ಸಮಸ್ಯೆಯನ್ನು ತಪ್ಪಿಸಬಹುದು. ಮೊಸರು, ಬೀರ್, ಮೊಟ್ಟೆಯ ಬಿಳಿ ಇವೆಲ್ಲಾ ಕೂದಲಿಗೆ ಉತ್ತಮ ಕಂಡೀಷನರ್ ಆಗಿದೆ.

ಸಲಹೆ:

* ಈ ಮೇಲಿನ ಸಲಹೆಗಳನ್ನು ಪಾಲಿಸುವುದರ ಜೊತೆಗೆ ಸಾಕಷ್ಟು ನೀರು ಕುಡಿಯಬೇಕು.

* ದಿನದಲ್ಲಿ 100-200ರಷ್ಟು ಕೂದಲು ಉದುರುತ್ತಿದ್ದರೆ ವೈದ್ಯರನ್ನು ಕಂಡು ಪರೀಕ್ಷಿಸಬೇಕು, ಏಕೆಂದರೆ ಏನಾದರೂ ಸಮಸ್ಯೆ ಇದ್ದರೆ ಈ ರೀತಿ ಉಂಟಾಗುವುದು.

* ತಲೆಹೊಟ್ಟಿನ ಸಮಸ್ಯೆಯಿದ್ದರೆ ಜೊಜೊಬಾ ಎಣ್ಣೆ ಜೊತೆ ಸ್ವಲ್ಪ ನಿಂಬೆ ರಸ ಮಿಶ್ರ ಮಾಡಿ ಹಚ್ಚುವುದು ಒಳ್ಳೆಯದು.

* ತುಂಬಾ ಕೆಮಿಕಲ್ ಇರುವ ಶ್ಯಾಂಪೂ ಬಳಸಲು ಹೋಗಬೇಡಿ, ಶ್ಯಾಂಪೂ ಕೊಳ್ಳುವಾಗ ಅದರ pH ಪ್ರಮಾಣ ಸಮತೋಲನದಲ್ಲಿ ಇದೆಯೇ ಎಂದು ಪರೀಕ್ಷಿಸಿ ತೆಗೆದುಕೊಳ್ಳಬೇಕು. pH ಪ್ರಮಾಣ 4.0-4.5ರ ಒಳಗೆ ಇರುವ ಶ್ಯಾಂಪೂ ಕೊಳ್ಳುವುದು ಒಳ್ಳೆಯದು.