ತಲೆ ಸ್ನಾನವನ್ನು ಶವರ್ ನಲ್ಲಿಯೇ ಮಾಡುತ್ತೀರಾ?

ಹೆಚ್ಚಿನವರು ಶವರ್ ಸ್ನಾನ ಮಾಡಲು ಇಷ್ಟಪಡುತ್ತಾರೆ. ಅದರಲ್ಲೂ ಬಿಸಿ ನೀರಿನ ಶವರ್ ಸ್ನಾನ ಮಾಡಿದರೆ ಮೂಡ್ ಫ್ರೆಶ್ ಆಗುತ್ತದೆ, ದೇಹಕ್ಕೆ ಚೈತನ್ಯ ತುಂಬುತ್ತದೆ. ಆದರಲ್ಲೂ ಈ ಚಳಿಗಾಲದಲ್ಲಿ ಬಿಸಿ ನೀರಿನ ಸ್ನಾನ ಮಾಡಿದರೆ ಚಳಿ ಸ್ವಲ್ಪ ಕಡಿಮೆಯಾವುದು. ಅದೇ ತಣ್ಣರಿನಿಂದ ಮಾಡಿದರೆ ಚಳಿಯಿಂದ ನಡುಗಿ ಬಿಡುತ್ತೇವೆ. ಆದ್ದರಿಂದ ಬಿಸಿ ನೀರಿನ ಸ್ನಾನ ಮಾಡುತ್ತೇವೆ.

ಶವರ್ ನಲ್ಲಿ ಬಿಸಿ ನೀರಿನಿಂದ ಸ್ನಾನ ಮಾಡಿದರೆ ದೇಹಕ್ಕೆ ಹುರುಪು ಬರುತ್ತದೆ, ಆದರೆ ಕೂದಲು ಹಾಳಾಗುತ್ತದೆ. ಶವರ್ ನಲ್ಲಿ ಬಿಸಿ ನೀರಿನಿಂದ ಸ್ನಾನ ಮಾಡಿದರೆ ಕೂದಲಿಗೆ ಹೇಗೆ ಹಾನಿ ಉಂಟಾಗುತ್ತದೆ ಎಂದು ನೋಡೋಣ ಬನ್ನಿ.

1. ಬಿಸಿ ನೀರು ತಲೆಗೆ ಬಿದ್ದಾಗ ಕೂದಲಿನ ಬುಡದ ರಂಧ್ರಗಳು ಓಪನ್ ಆಗುತ್ತದೆ. ಇದರಿಂದ ಕೂದಲು ಬುಡದಿಂದಲೇ ಕಿತ್ತು ಬರಲಾರಂಭಿಸುತ್ತದೆ.

2. ಕೂದಲಿನಲ್ಲಿ ಕೆರಾಟಿನ್ ಎಂಬ ಪ್ರೊಟೀನ್ ಇರುತ್ತದೆ. ತಲೆಗೆ ಬಿಸಿ ನೀರು ಹಾಕಿದಾಗ ಈ ಕೆರಾಟಿನ್ ಗೆ ಹಾನಿ ಉಂಟಾಗುವುದು. ಇದರಿಂದ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತದೆ.

3. ಶ್ಯಾಂಪೂವಿನಲ್ಲಿ ರಾಸಾಯನಿಕವಿರುತ್ತದೆ. ಬಿಸಿ ನೀರು ತಲೆಗೆ ಹಾಕಿದಾಗ ಕೂದಲಿನ ರಂಧ್ರಗಳು ಓಪನ್ ಆಗುತ್ತದೆ. ನಂತರ ಶ್ಯಾಂಪೂ ಹಚ್ಚಿದಾಗ ಶ್ಯಾಂಪೂ ಈ ರಂಧ್ರಗಳಲ್ಲಿ ಸೇರಿಕೊಂಡು ಸಡಿಲ ಮಾಡುತ್ತಾ ಹೋಗುತ್ತದೆ. ಇದರಿಂದ ತುಂಬಾ ಕೂದಲು ಉದುರಲಾರಂಭಿಸುತ್ತದೆ.

4. ಕಂಡೀಷನರ್ ಹಚ್ಚಿ ಸ್ನಾನ ಮಾಡುವುದಾದರೆ ಬಿಸಿ ನೀರು ಬಳಸಲು ಹೋಗಲೇಬಾರದು. ಕಂಡೀಷನರ್ ಹಚ್ಚಿ ಬಿಸಿ ನೀರನ್ನು ತಲೆಗೆ ಹಾಕಿದರೆ ಅದರ ಪ್ರಯೋಜನವೇ ದೊರೆಯುವುದಿಲ್ಲ.

ಶವರ್ ನಲ್ಲಿ ಬಿಸಿ ನೀರಿನಿಂದ ಸ್ನಾನ ಮಾಡಿದರೆ ಮೈಕೈ ನೋವು ಕಡಿಮೆಯಾಗುತ್ತದೆ, ಆದರೆ ಕೂದಲಿಗೆ ಒಳ್ಳೆಯದಲ್ಲ. ಆದ್ದರಿಂದ ಶವರ್ ನಲ್ಲಿ ಸ್ನಾನ ಮಾಡುವಾಗ ನೀರು ತಲೆಗೆ ಬೀಳದಂತೆ ಪ್ಲಾಸ್ಟಿಕ್ ಕಟ್ಟಿ ಸ್ನಾನ ಮಾಡಿ, ನಂತರ ತಲೆಯನ್ನು ತಣ್ಣೀರಿನಿಂದ ತೊಳೆಯಿರಿ. ಈ ರೀತಿ ಮಾಡಿ ಕೂದಲಿಗೆ ಹಾನಿಯುಂಟಾಗುವುದನ್ನು ತಡೆಯಬಹುದು.