ಕೂದಲನ್ನು ಸ್ಟ್ರೈಟನ್ ಮಾಡುತ್ತೆ ಈ ಹೇರ್ ಪ್ಯಾಕ್!

1. ಬಾಳೆ ಹಣ್ಣು ಮತ್ತು ಪಪ್ಪಾಯಿಯ ಹೇರ್ ಪ್ಯಾಕ್

ಒಂದು ಬಟ್ಟಲಿನಲ್ಲಿ ತುಂಬಾ ಹಣ್ಣಾದ ಬಾಳೆಹಣ್ಣು ಮತ್ತು ಪಪ್ಪಾಯಿ ಹಾಕಿ ಚೆನ್ನಾಗಿ ಹಿಸುಕಬೇಕು. ನಂತರ ಅದನ್ನು ಕೂದಲಿಗೆ ಹಚ್ಚಬೇಕು. ಈ ಪ್ಯಾಕ್ ಕೂದಲಿನಲ್ಲಿ ಚೆನ್ನಾಗಿ ಒಣಗಿದ ನಂತರ ಶ್ಯಾಂಪೂ ಹಾಕಿ ತಣ್ಣೀರಿನಲ್ಲಿ ತಲೆ ತೊಳೆಯಬೇಕು, ನಂತರ ತಲೆ ಬಾಚಬೇಕು. ಕೂದಲನ್ನು ಮಡಚಬೇಡಿ. ಈ ರೀತಿ 2 ಬಾರಿ ಮಾಡಿದರೆ ಸ್ಟ್ರೈಟನ್ ಕೂದಲು ನಿಮ್ಮದಾಗುವುದು.

2. ಮುಲ್ತಾನಿ ಮಿಟಿ ಮತ್ತು ಅಕ್ಕಿ ಹಿಟ್ಟು

1 ಕಪ್ ಮುಲ್ತಾನಿ ಮಿಟಿಗೆ 5 ಚಮಚ ಅಕ್ಕಿ ಹಿಟ್ಟು, ಒಂದು ಮೊಟ್ಟೆಯ ಬಿಳಿ ಹಾಕಿ ಪೇಸ್ಟ್ ಮಾಡಿ. ನಂತರ ಬಿಸಿ ಎಣ್ಣೆಯಿಂದ ತಲೆಗೆ ಮಸಾಜ್ ಮಾಡಿ ನಂತರ ಈ ಪೇಸ್ಟ್ ಅನ್ನು ಕೂದಲಿಗೆ ಹಚ್ಚಿ. ನಂತರ ಅರ್ಧ ಗಂಟೆಯ ಬಳಿಕ ತಲೆ ತೊಳೆಯಿರಿ. ಈ ರೀತಿ ಪ್ರತಿವಾರ ಮಾಡಿದರೆ ಕೂದಲು ಸ್ಟ್ರೈಟ್ ಆಗಿ ಕಾಣುವುದು.

3. ತೆಂಗಿನ ಹಾಲು ಮತ್ತು ನಿಂಬೆ ರಸ

ತೆಂಗಿನ ಹಾಲು ಮತ್ತು ನಿಂಬೆ ರಸವನ್ನು ಮಿಶ್ರಣ ಮಾಡಿ ಅರ್ಧ ಗಂಟೆಗಳ ಕಾಲ ಫ್ರಿಜ್ ನಲ್ಲಿಡಿ. ನಂತರ ಇದನ್ನು ತಲೆಗೆ ಹಚ್ಚಿ ಬಿಸಿ ನೀರಿನಲ್ಲಿ ಟವಲ್ ಅನ್ನು ಅದ್ದಿ ಅದನ್ನು ತಲೆಗೆ ಸುತ್ತಿ. ನಂತರ ಅರ್ಧ ಗಂಟೆಯ ಬಳಿಕ ಶ್ಯಾಂಪೂ ಹಾಕಿ ತಲೆ ತೊಳೆಯಿರಿ. ಈ ರೀತಿ ವಾರದಲ್ಲಿ ಎರಡು ಬಾರಿ ಮಾಡುತ್ತಾ ಬಂದರೆ ನೇರವಾದ ಶೈನಿ ಕೂದಲು ನಿಮ್ಮದಾಗುವುದು.

4. ನೆಲ್ಲಿಕಾಯಿ, ಸೀಗೆಕಾಯಿ, ಅಕ್ಕಿ ಹಿಟ್ಟು

ನೆಲ್ಲಿಕಾಯಿ ಪುಡಿ, ಸೀಗೆ ಕಾಯಿ ಪುಡಿ ಮತ್ತು ಅ 1 ಚಮಚ ಅಕ್ಕಿ ಇವುಗಳನ್ನು ಬಟ್ಟಲಿನಲ್ಲಿ ಹಾಕಿ ಸ್ವಲ್ಪ ನೀರು ಹಾಕಿ ಮಿಶ್ರಣ ಮಾಡಬೇಕು. ನಂತರ ಈ ಮಿಶ್ರಣವನ್ನು ತಲೆಗೆ ಹಚ್ಚಿ 1 ಗಂಟೆಯ ಬಳಿಕ ತಲೆ ತೊಳೆಯಿರಿ. ಈ ರೀತಿ ಮಾಡಿದರೆ ನುಣಪಾದ ಹಾಗೂ ನೇರವಾದ ಕೂದಲು ನಿಮ್ಮದಾಗುವುದು.

5. ಕಂಡೀಷನರ್

ತಲೆಗೆ ಶ್ಯಾಂಪೂ ಹಚ್ಚಿದ ಬಳಿಕ ಕಂಡೀಷನರ್ ಹಾಕಿದರೆ ಕೂದಲು ನೇರವಾಗಿ ನಿಲ್ಲುತ್ತದೆ ಹಾಗೂ ಕೂದಲಿನ ಹೊಳಪು ಹೆಚ್ಚುತ್ತದೆ.