ಚಳಿಗಾಲದಲ್ಲಿ ಕೂದಲಿನ ರಕ್ಷಣೆಗೆ 5 ಹೇರ್ ಪ್ಯಾಕ್

ಚಳಿಗಾಲದಲ್ಲಿ ತ್ವಚೆ ಮಾತ್ರವಲ್ಲ ಕೂದಲೂ ಹಾಳಾಗುತ್ತದೆ. ನಿಮ್ಮ ಅಂದದ ಕೂದಲಿನ ರಕ್ಷಣೆಗೆ ಸ್ವಲ್ಪ ಗಮನ ಕೊಟ್ಟರೆ ಮಾತ್ರ ಚಳಿಯಿಂದಾಗಿ ಕೂದಲಿಗೆ ಉಂಟಾಗುವ ಹಾನಿಯನ್ನು ತಡೆಗಟ್ಟಬಹುದು. ಇಲ್ಲದಿದ್ದರೆ ಕೂದಲು ಒಣಗಿ ತನ್ನ ಹೊಳಪನ್ನು ಕಳೆದುಕೊಳ್ಳುತ್ತದೆ, ಕೂದಲು ಉದುರಲಾಂಭಿಸುತ್ತದೆ. ಈ ರೀತಿಯ ಲಕ್ಷಣಗಳು ಈಗಾಗಲೇ ನಿಮ್ಮ ಕೂದಲಿನಲ್ಲಿ ಕಂಡು ಬಂದಿದ್ದರೆ ಈ ಕೆಳಗಿನ ಹೇರ್ ಪ್ಯಾಕ್ ಮಾಡಿದರೆ ಸಾಕು ಆಕರ್ಷಕವಾದ, ಆರೋಗ್ಯಕರವಾದ ಕೂದಲು ನಿಮ್ಮದಾಗುವುದು.

1. ಒಣ ಕೂದಲಿಗೆ: ಒಣ ಕೂದಲಿಗೆ ಬಾಳೆ ಹಣ್ಣಿನ ಹೇರ್ ಪ್ಯಾಕ್ ಒಳೆಯದು. ಬಾಳೆ ಹಣ್ಣನ್ನು ಚೆನ್ನಾಗಿ ಹಿಸುಕಿ ಅದರಲ್ಲಿ 1 ನಿಂಬೆ ಹಣ್ಣಿನ ರಸವನ್ನು ಹಾಕಿ ಮಿಶ್ರಣ ಮಾಡಿ ನಂತರ ಅದನ್ನು ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಲೆ ತೊಳೆಯಬೇಕು. ಹೀಗೆ ತಲೆ ತೊಳೆಯುವಾಗ ಮೃದುವಾದ ಶ್ಯಾಂಪೂ ಹಚ್ಚಿ.

2. ಕೂದಲು ಕವಲೊಡೆದಿದ್ದರೆ: ಮೊಟ್ಟೆಯ ಬಿಳಿಯನ್ನು ಒಂದು ಬಟ್ಟಲಿನಲ್ಲಿ ಅದರಲ್ಲಿ ಒಂದು ನಿಂಬೆ ಹಣ್ಣಿನ ರಸವನ್ನು ಹಿಂಡಿ ಮಿಶ್ರಣ ಮಾಡಿ ಅದನ್ನು ತಲೆಗೆ ಹಚ್ಚಿ 15 ನಿಮಿಷದ ಬಳಿಕ ತಲೆತೊಳೆಯಬೇಕು. ನಂತರ ಕೂದಲನ್ನು ಒಣಗಿಸಿ ತಲೆಗೆ ಎಣ್ಣೆ ಹಚ್ಚಿ. ಈ ರೀತಿ ಮಾಡಿದರೆ ಕೂದಲು ಕವಲೊಡೆಯುವ ಸಮಸ್ಯೆ ಕಡಿಮೆಯಾಗುವುದು.

3.ಕೂದಲು ಬೆಳೆಯದಿದ್ದರೆ: ಮೆಂತೆಯನ್ನು ನೀರಿನಲ್ಲಿ ನೆನೆ ಹಾಕಿ ಅರೆದು ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಸ್ನಾನ ಮಾಡಿ. ಈ ರೀತಿ ಮಾಡಿದರೆ ತಲೆಯಲ್ಲಿನ ಹೊಟ್ಟು ಕಡಿಮೆಯಾಗುತ್ತದೆ.

4. ಕೂದಲು ಹೊಳಪು ಕಳೆದುಕೊಂಡಿದ್ದರೆ: ಒಂದು ಕಪ್ ಬಿಸಿ ನೀರಿಗೆ ವಿನಿಗರ್ ಮತ್ತು ಜೇನನ್ನು ಸಮಪ್ರಮಾಣದಲ್ಲಿ ಹಾಕಿ. ನಂತರ ಇದನ್ನು ತಲೆಗೆ ಹಚ್ಚಿ. ಈ ರೀತಿ ಮಾಡಿದರೆ ಕೂದಲಿನ ಹೊಳಪು ಹೆಚ್ಚುವುದು ಹಾಗೂ ಕೂದಲು ದಪ್ಪವಾಗಿ ಕಾಣುತ್ತದೆ.

5. ಕೂದಲು ಒಡೆಯುತ್ತಿದ್ದರೆ: ಒಂದು ಮೊಟ್ಟೆಯ ಬಿಳಿಗೆ ಒಂದು ಚಮಚ ಜೇನು ಮತ್ತು ಎರಡು ಚಮಚ ಹರಳೆಣ್ಣೆ ಹಾಕಿ ಅರ್ಧ ಗಂಟೆಯ ಬಳಿಕ ತಲೆಯನ್ನು ಚೆನ್ನಾಗಿ ತೊಳೆದರೆ ಸಾಕು ಕೂದಲು ಒಡೆಯುವುದಿಲ್ಲ.