ಕೂದಲು ಉದುರುವ ಸಮಸ್ಯೆಗೆ ಹೆಲ್ಮೆಟ್ ಕಾರಣ!

Hair Care

oi-Reena

By Hema S

Updated: Thursday, August 2, 2012, 16:04 [IST]

ಬೈಕ್ ಪ್ರಯಾಣ ಇಷ್ಟಪಡುತ್ತೇವೆ. ಆದರೆ ಹೆಲ್ಮೆಟ್ ಹಾಕಿ ಹೋಗುವುದು ಮಾತ್ರ ಇಷ್ಟಪಡದೆ ಮುಖ ಕಿವುಚಿಕೊಳ್ಳುತ್ತೇವೆ. ಹೆಚ್ಚಿನರು ಹೆಲ್ಮೆಟ್ ಹಾಕಿ ಓಡಿಸಲು ಇಷ್ಟಪಡುವುದಿಲ್ಲ. ಆದರೆ ಹೆಲ್ಮೆಟ್ ಹಾಕಿ ಓಡಿಸದಿದ್ದರೆ ಜೀವಕ್ಕೆ ಅಪಾಯ ಬರಬಹುದು ಅನ್ನುವುದಕ್ಕಿಂತ ಟ್ರಾಫಿಕ್ ಪೋಲೀಸ್ ಹಿಡಿಯುತ್ತಾರೆ ಎಂಬ ಭಯ. ಈ ಎಲ್ಲಾ ಕಾರಣಗಳಿಂದ ಹೆಲ್ಮೆಟ್ ತಲೆಗೆ ಹಾಕಿ ದ್ವಿಚಕ್ರ ಓಡಿಸುತ್ತೇವೆ.

ಹೀಗೆ ಪ್ರತಿನಿತ್ಯ ಹೆಲ್ಮೆಟ್ ಬಳಸುವುದರಿಂದ ಕೂದಲು ಉದುರುವ ಸಮಸ್ಯೆ ಹೆಚ್ಚಾಗುತ್ತಿದೆ ಎಂದು ಕೆಲವರು ಹೇಳುವುದನ್ನು ಕೇಳಿರಬಹುದು, ಒಂದು ವೇಳೆ ನಿಮ್ಮ ಕೂದಲು ಉದುರುತ್ತಿದ್ದರೆ ಹೆಲ್ಮೆಟ್ ಹಾಕುತ್ತಿರುವುದರಿಂದ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತಿದೆಯೇ ಎಂದು ನಿಮಗೆ ಅನಿಸುತ್ತಿರಬಹುದು. ಬನ್ನಿ ಕೂದಲು ಉದುರುವ ಸಮಸ್ಯೆಗೆ ಹೆಲ್ಮೆಟ್ ಕೂಡ ಒಂದು ಕಾರಣವಾಗಿದೆಯೇ ಎಂದು ತಿಳಿಯೋಣ ಬನ್ನಿ.

ಕೂದಲು ಉದುರುವ ಸಮಸ್ಯೆ ಹೆಚ್ಚಾಗಲು ಹೆಲ್ಮಟ್ ಕೂಡ ಒಂದು ಕಾರಣವಾಗಿದೆ. ಹೆಲ್ಮಟ್ ನಿಂದ ಕೂದಲು ಉದುರಲು ಈ ಕೆಳಗಿನ ಅಂಶಗಳು ಮುಖ್ಯ ಕಾರಣವಾಗಿದೆ.

1. ತಲೆಗೆ ಹೆಲ್ಮೆಟ್ ಧರಿಸಿದಾಗ ಕೂದಲನ್ನು ಮುಚ್ಚುತ್ತದೆ. ಇದರಿಂದ ಕೂದಲಿಗೆ ಸರಿಯಾಗಿ ಗಾಳಿಯಾಡಲು ಸಾಧ್ಯವಾಗುವುದಿಲ್ಲ. ಹೆಲ್ಮೆಟ್ ಅನ್ನು ದಿನದಲ್ಲಿ 2 ಗಂಟೆಗಳಿಗಿಂತ ಅಧಿಕ ಕಾಲ ಬಳಸುವವರಲ್ಲಿ ಕೂದಲು ಉದುರುವ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ.

2. ಹೆಲ್ಮೆಟ್ ಹಾಕಿದಾಗ ತಲೆ ಬೆವರುವುದು, ಈ ಬೆವರು ತಲೆಬುಡದಲ್ಲಿ ಹಾಗೇ ನಿಂತು ಕೂದಲಿನ ಬುಡವನ್ನು ಬಲಹೀನ ಮಾಡುತ್ತದೆ. ಇದರಿಂದ ಕೂದಲು ತೆಳ್ಳಗಾಗುವುದು.

3. ಹೆಲ್ಮೆಟ್ ಹಾಕುವುದರಿಂದ ತಲೆಹೊಟ್ಟಿನ ಸಮಸ್ಯೆ ಹೆಚ್ಚಾಗುವುದು. ತಲೆ ಬೆವರಿ ತುರಿಸಲಾರಂಭಿಸುತ್ತದೆ, ಈ ರೀತಿ ಆಗಿ ತಲೆಹೊಟ್ಟಿನ ಸಮಸ್ಯೆ ಕಂಡುಬರುತ್ತದೆ.

ಕೂದಲು ಉದುರುತ್ತದೆ ಅಂತ ಹೆಲ್ಮೆಟ್ ಇಲ್ಲದೆ ಬೈಕ್ ಚಲಾಯಿಸಲು ಸಾಧ್ಯವಿಲ್ಲ, ಆದ್ದರಿಂದ ಕೂದಲಿನ ರಕ್ಷಣೆಗೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

1. ಹೆಲ್ಮೆಟ್ ಹಾಕುವ ಮುನ್ನ ಕರ್ಚೀಪ್ ಕಟ್ಟಿ ನಂತರ ಹೆಲ್ಮೆಟ್ ಹಾಕಿದರೆ ಒಳ್ಳೆಯದು.

2. ತುಂಬಾ ದೂರ ಬೈಕ್ ನಲ್ಲಿ ಪ್ರಯಾಣಿಸುವುದಾದರೆ ಒಂದು ಗಂಟೆ ಗಾಡಿ ಚಲಾಯಿಸಿ ನಂತರ ಒಂದು ಕಡೆ ಗಾಡಿ ನಿಲ್ಲಿಸಿ ಹೆಲ್ಮೆಟ್ ತಲೆಯಿಂದ ತೆಗೆದು 5 ನಿಮಿಷ ಬಿಟ್ಟು ನಂತರ ಹೊರಡಿ.

3. ತಲೆಗೆ ವಾರಕ್ಕೆ ಎರಡು ಬಾರಿ ಎಣ್ಣೆ ಮಸಾಜ್ ಮಾಡಬೇಕು.

4. ತಲೆಯನ್ನು ಪ್ರತಿದಿನ ತೊಳೆದು ಸರಿಯಾಗಿ ಒಣಗಿಸಿ ನಂತರ ತಲೆ ಬಾಚಬೇಕು.

ಈ ರೀತಿ ಮಾಡಿದರೆ ಕೂದಲಿನಿಂದ ಕೂದಲು ಉದುರುವ ಸಮಸ್ಯೆ ತಡೆಗಟ್ಟಬಹುದು.