ಸೊಂಪಾದ ಕೂದಲಿನ ಚೆಲುವು ಮರಳಿ ಪಡೆಯಬೇಕೆ?

ಚಿಕ್ಕದಿರುವಾಗ ಅಮ್ಮ ನಮ್ಮ ಕೂದಲನ್ನು ಆರೈಕೆ ಮಾಡುತ್ತಿದ್ದ ವಿಧಾನವನ್ನು ನೆನೆಪಿಸಿಕೊಳ್ಳಿ. ತಲೆಸ್ನಾನ ಮಾಡಿಸಿ ಆವಿಕೊಟ್ಟು ತಲೆಕೂದಲು ಒಣಗಿಸುತ್ತಿದ್ದಳು. ಆದರೆ ಬೆಳೆಯುತ್ತಿದ್ದ ಹಾಗೆ ಸ್ಕೂಲ್ ಟೈಮ್ ನಲ್ಲಿ ಅಮ್ಮನ ಆರೈಕೆಯಿಂದ ಉದ್ದವಾಗಿದ್ದ ಜಡೆಯನ್ನು ಫ್ಯಾಷನ್, ಕೂದಲು ಉದುರುವ ಸಮಸ್ಯೆ ಹೀಗೆ ಯಾವುದೋ ಒಂದು ಕಾರಣದಿಂದ ಕತ್ತರಿಸಿ ಬಿಡುತ್ತೇವೆ.

ನಂತರ ಸೊಂಪಾದ ಕೂದಲಿಗಾಗಿ ಹಂಬಲಿಸುತ್ತೇವೆ. ನೀವು ಸ್ವಲ್ಪ ಟ್ರೈ ಮಾಡಿದರೆ, ಅಂದರೆ ಕೂದಲಿಗೆ ಸ್ಟೀಮ್ ಕೊಟ್ಟರೆ ನಿಮ್ಮ ಕೂದಲು ಸೊಂಪಾಗಿ ಬೆಳೆಯುವಂತೆ ಮಾಡಬಹುದು. ಸ್ಟೀಮ್ ಕೊಟ್ಟರೆ ಕೂದಲು ಬೆಳೆಯಲು ಹೇಗೆ ಸಹಕಾರಿ ಎಂದು ತಿಳಿಯಲು ಮುಂದೆ ಓದಿ.

ಕೂದಲಿಗೆ ಸ್ಟೀಮ್ ಕೊಡುವುದು ಹೇಗೆ: ಸಾಂಬ್ರಾಣಿ ಹೊಗೆಯಿಂದ ತಲೆಕೂದಲು ಒಣಗಿಸಿದರೆ ಒಳ್ಳೆಯದು . ಇಲ್ಲದಿದ್ದರೆ ಎಣ್ಣೆ ಹಾಕಿ ಟವಲ್ ಅನ್ನು ಬಿಸಿ ನೀರಿನಲ್ಲಿ ಅದ್ದಿ ತಲೆಗೆ ಸುತ್ತಿದರೆ ತಲೆಕೂದಲು ಸೊಂಪಾಗಿ ಬೆಳೆಯಲು ತುಂಬಾ ಸಹಕಾರಿಯಾಗಿದೆ.

ಈ ರೀತಿ ಮಾಡುವುದರಿಂದ ದೊರೆಯುವ ಪ್ರಯೋಜನಗಳು:

1. ಕೂದಲಿನ ಬುಡದಲ್ಲಿರುವ ರಂಧ್ರಗಳು ಉಸಿರಾಡಲು ಸಹಕಾರಿ ಮಾಡುತ್ತದೆ. ಆವಿಕೊಟ್ಟಾಗ ರಂಧ್ರಗಳು ಓಪನ್ ಆಗಿ ಚೆನ್ನಾಗಿ ಉಸಿರಾಡುತ್ತವೆ. ಮೊದಮೊದಲು ಈ ರೀತಿ ಮಾಡಿದಾಗ ಕೂದಲು ಉದುರಿದರೂ ನಂತರ ಕೂದಲು ದಪ್ಪವಾಗಿ ಚೆನ್ನಾಗಿ ಬೆಳೆಯುವುದು.

2. ತಲೆಬುಡವನ್ನು ಕ್ಲೆನ್ಸ್ ಮಾಡಲು ಸಹಕಾರಿಯಾಗಿದೆ. ಈ ರೀತಿ ಸ್ಟೀಮ್ ಕೊಟ್ಟರೆ ಕೂದಲಿನ ಬುಡದಲ್ಲಿ ಕೊಳೆಯಿದ್ದರೆ ಸುಲಭವಾಗಿ ಹೋಗಲಾಡಿಸಬಹುದು. ಇದರಿಂದ ಕೂದಲಿನ ಆರೋಗ್ಯ ಹೆಚ್ಚಾಗುವುದು.

3. ಕೂದಲು ಸೊಂಪಾಗಿ ಬೆಳೆಯಲು ವಾರದಲ್ಲಿ 3 ಬಾರಿಯಾದರೂ ಸ್ಟೀಮ್ ಕೊಡುವುದು ಒಳ್ಳೆಯದು.
ಈ ರೀತಿ ಮಾಡಿ ಸ್ಕೂಲ್ ಟೈಮ್ ನಲ್ಲಿ ಇದ್ದ ಸೊಂಪಾದ ಕೂದಲನ್ನು ಮರಳಿ ಪಡೆಯಬಹುದು.