ಕೂದಲು ಉದುರುವ ಸಮಸ್ಯೆಗೆ ಕಾರಣಗಳು

Hair Care

oi-Reena

By Hema S

Published: Saturday, April 14, 2012, 14:04 [IST]

ಕೂದಲು ಉದುರುವುದು ಪುರುಷ ಮತ್ತು ಮಹಿಳೆಯರಲ್ಲಿ ಸಾಮಾನ್ಯ. ಆದರೆ ಮಹಿಳೆಯರಿಗೆ ಬಕ್ಕ ತಲೆ ಉಂಟಾಗುವುದು ತುಂಬಾ ವಿರಳ. ಆದರೆ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟಾದಾಗ ತುಂಬಾ ಕೂದಲು ಉದುರಿ ಬಕ್ಕ ತಲೆ ಉಂಟಾಗಬಹುದು. ಮಹಿಳೆಯರಲ್ಲಿ ಈ ಕೆಳಗಿನ ಕಾರಣಗಳಿಂದ ಕೂದಲು ಉದುರುವ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ.

ಕಾರಣಗಳು:

1. ಹಾರ್ಮೋನ್ ಗಳು: ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟಾದಾಗ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತದೆ. ಈ ರೀತಿಯ ಸಮಸ್ಯೆಯಿಂದ ಕೂದಲು ಉದುರಲು ಪ್ರಾರಂಭಿಸಿದರೆ 6-7 ತಿಂಗಳ ಒಳಗೆ ಕೂದಲು ಉದುರಿ ಕೂದಲು ತುಂಬಾ ಸಪೂರವಾಗುವುದು. ಆದರೆ ಇದಕ್ಕೆ ಸೂಕ್ತ ಚಿಕಿತ್ಸೆ ನೀಡಿದರೆ ಪುನಃ ಕೂದಲು ಬೆಳೆಯುತ್ತದೆ.

2. ಕಾಯಿಲೆ: ಕ್ಯಾನ್ಸರ್, ಟೈಪಾಯ್ಡ್, ಥೈರಾಯ್ಡ್ ಹೀಗೆ ಕೆಲವೊಂದು ಕಾಯಿಲೆಗಳು ಬಂದರೆ ಕೂದಲು ಉದುರುವ ಸಮಸ್ಯೆ ಉಂಟಾಗುತ್ತದೆ.

3. ಹಿಸ್ಟೆರೆಕ್ಟೊಮಿ: ಹಿಸ್ಟೆರೆಕ್ಟೊಮಿ ಚಿಕಿತ್ಸೆಯನ್ನು ಪಡೆದಾಗ ಹಾರ್ಮೋನ್ ಗಳ ಉತ್ಪಾದನೆಯಲ್ಲಿ ವ್ಯತ್ಯಾಸ ಉಂಟಾಗಿ ಕೂದಲು ಉದುರುತ್ತದೆ.

4. ಹೆರಿಗೆ: ಕೆಲವರಿಗೆ ಹೆರಿಗೆಯ ನಂತರ ಕೂದಲು ಬಂದರೆ ಮತ್ತೆ ಕೆಲವರಿಗೆ ಹೆರಿಗೆಯ ನಂತರ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತದೆ. ಆದರೆ ಈ ರೀತಿ ಉಂಟಾದಾಗ ಕೂದಲಿಗೆ ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಿದರೆ ಕೂದಲು ಮತ್ತೆ ಬೆಳೆಯಲಾರಂಭಿಸುತ್ತದೆ.