ಕೇಶ ಆರೈಕೆಗೆ ರಬ್ಬರ್ ಬ್ಯಾಂಡ್

Hair Care

oi-Reena

By Hema S

Published: Thursday, March 29, 2012, 10:09 [IST]

ಸೆಕೆಯಲ್ಲಿ ಕೂದಲನ್ನು ಕಟ್ಟದೆ ಬಿಟ್ಟರೆ ಮತ್ತಷ್ಟು ಸೆಕೆಯಾಗುವುದು, ಕೂದಲು ಕೂಡ ಹಾಳಾಗುತ್ತದೆ. ಆದ್ದರಿಂದ ಕೂದಲನ್ನು ಕಟ್ಟುವುದು ತುಂಬಾ ಒಳ್ಳೆಯದು. ಕೂದಲನ್ನು ವಿವಿಧ ವಿನ್ಯಾಸದಲ್ಲಿ ಒಪ್ಪವಾಗಿ ಕಟ್ಟುವುದರಿಂದ ಅಂದವಾಗಿ ಕಾಣಿಸುವುದು. ಆದರೆ ಕೂದಲನ್ನು ಬಿಗಿದು ಕಟ್ಟುವಾಗ ಈ ಕೆಳಗಿನ ಅಂಶಗಳನ್ನು ಪಾಲಿಸಿದರೆ ಕೇಶ ಆರೈಕೆಗೆ ಒಳ್ಳೆಯದು.

1. ಸ್ಕಾರ್ಫ್ ಕಟ್ಟುವುದು: ಬಿಸಿಲಿಗೆ ಹೋಗುವಾಗ ಅಥವಾ ಗಾಡಿಯಲ್ಲಿ ಹೋಗುವಾಗ ತಲೆಗೆ ಸ್ಕಾರ್ಫ್ ಕಟ್ಟುವುದು ಒಳ್ಳೆಯದು. ಉದ್ದ ಕೂದಲಿನವರು ಮತ್ತು ಗುಂಗುರು ಕೂದಲಿನವರು ರಾತ್ರಿ ಮಲುಗುವಾಗ ಸ್ಕಾರ್ಫ್ ಕಟ್ಟುವುದರಿಂದ ಕೂದಲು ಗಂಟಾಗಿ ಹಾಳಾಗುವುದನ್ನು ತಪ್ಪಿಸಬಹುದು.

2. ಜಡೆ: ಮಲುಗುವಾಗ ಕೂದಲಿಗೆ ಸಡಿಲವಾಗಿ ಜಡೆ ಹಾಕಿ ರಬ್ಬರ್ ಬ್ಯಾಂಡ್ ಹಾಕುವುದು ಒಳ್ಳೆಯದು.

3. ರಾತ್ರಿಯಲ್ಲಿ ಕೂದಲು ಒಣಗುವುದು: ಮಲಗಿದಾಗ ಕೂದಲಿನಲ್ಲಿರುವ ಎಣ್ಣೆಯಂಶವನ್ನು ದಿಂಬು ಹೀರಿಕೊಳ್ಳುವುದರಿಂದ ಕೂದಲು ಒಣಗುವುದು. ಆದರೆ ಜಡೆ ಹಾಕಿ ಮಲಗಿದರೆ ಕೂದಲು ಹಾಳಾಗುವುದಿಲ್ಲ.

4. ರಬ್ಬರ್ ಬ್ಯಾಂಡ್: ಕೂದಲಿಗೆ ಹಾಕುವ ರಬ್ಬರ್ ಬ್ಯಾಂಡ್ ಆಯ್ಕೆ ಮಾಡುವಾಗ ಸಿಲ್ಕ್ ಬ್ಯಾಂಡ್ ಒಳ್ಳೆಯದು. ಕೆಲವೊಂದು ಬ್ಯಾಂಡ್ ಹಾಕಿದರೆ ಬಿಚ್ಚುವಾಗ ಕೂದಲು ಕೂಡ ಜೊತೆಯಲ್ಲಿಯೆ ಬರುತ್ತದೆ. ಅಂತಹ ಬ್ಯಾಂಡ್ ಬಳಸದಿರುವುದು ಒಳ್ಳೆಯದು.