ಹೇರ್ ಜೆಲ್ ಬಳಸುವವರು ತಿಳಿದಿರಬೇಕಾದ ಅಂಶಗಳಿವು

Hair Care

oi-Reena

By Hema S

Published: Wednesday, March 28, 2012, 11:40 [IST]

ಹೇರ್ ಜೆಲ್ ಬಳಸಿ ಕೂದಲನ್ನು ತಮಗೆ ಇಷ್ಟ ಬಂದ ರೀತಿಯಲ್ಲಿ ಇಡುವುದು ಈಗಿನ ಟ್ರೆಂಡ್. ಅದರಲ್ಲೂ ಕಾಲೇಜು ಹುಡುಗರು ಜೆಲ್ ಬಳಸುವುದು ಹೆಚ್ಚು. ಈ ಹೇರ್ ಜೆಲ್ ಬಳಸುವ ಅನೇಕ ಹುಡುಗರಿಗೆ ಯಾವ ರೀತಿಯ ಹೇರ್ ಜೆಲ್ ಒಳ್ಳೆಯದು, ಅದನ್ನು ಬಳಸುವುದು ಹೇಗೆ ಎಂದು ಗೊತ್ತಿರುವುದಿಲ್ಲ. ಹೇರ್ ಜೆಲ್ ಬಳಸುವವರು ಕೂದಲಿನ ಆರೈಕೆಗೆ ಈ ಕೆಳಗಿನ ಅಂಶಗಳು ತಿಳಿದಿರುವುದು ಒಳ್ಳೆಯದು.

1. ರಾಸಾಯನಿಕ ಗುಣಗಳು: ಹೇರ್ ಜೆಲ್ ರಾಸಾಯನಿಕವಾದದು ಎಂದು ಬಳಸುವವರಿಗೆ ಗೊತ್ತಿರುತ್ತದೆ. ಹೇರ್ ಜೆಲ್ಲಿ ನಲ್ಲಿ ಪಾಲಿಮರ್ ಆದ PVPs ಬಳಸಿರುವುದರಿಂದ ಕೂದಲನ್ನು ನಮಗೆ ಇಷ್ಟ ಬಂದ ವಿನ್ಯಾಸದಲ್ಲಿ ಬಳಸಲು ಸಾಧ್ಯವಾಗಿದೆ.

2. ಆಲ್ಕೋಹಾಲ್: ಹೇರ್ ಜೆಲ್ ನಲ್ಲಿ ಆಲ್ಕೋಹಾಲ್ ಪ್ರಮಾಣ ಅಧಿಕವಾಗಿರುತ್ತದೆ. ಅಧಿಕ ಪ್ರಮಾಣದಲ್ಲಿ ಆಲ್ಕೋಹಾಲ್ ಇರುವ ಜೆಲ್ ಬಳಸಿದರೆ ಕೂದಲಿನ ಬುಡ ಒಣಗುವುದು, ಕಡಿಮೆ ಗುಣಮಟ್ಟದ ಹೇರ್ ಜೆಲ್ ಬಳಸಿದರೆ ಕೂದಲು ಉದುರುವ ಸಮಸ್ಯೆ ಉಂಟಾಗುವುದು. ಆದ್ದರಿಂದ ಹೇರ್ ಜೆಲ್ ಹಾಕುವವರು ಕಡಿಮೆ ಬೆಲೆ ಅಂತ ಕಡಿಮೆ ಗುಣಮಟ್ಟದ ಹೇರ್ ಜೆಲ್ ಬಳಸದಿರುವುದು ಒಳ್ಳೆಯದು.

3. ಕೂದಲು ಉದುರುವುದು: ಗುಣಮಟ್ಟದ ಹೇರ್ ಜೆಲ್ ಬಳಸಿದರೆ ಕೂದಲಿಗೆ ಯಾವುದೇ ಹಾನಿ ಉಂಟಾಗುವುದಿಲ್ಲ. ಆದರೆ ಹೇರ್ ಜೆಲ್ ಹಾಕಿ ತಲೆಯನ್ನು ಸರಿಯಾಗಿ ತೊಳೆಯದಿರುವುದು, ಅಥವಾ ಹೇರ್ ಜೆಲ್ ಹಾಕಿ ಹಾಗೇ ಮಲಗುವುದರಿಂದ ಕೂದಲಿಗೆ ಹಾನಿ ಆಗುತ್ತದೆ.

4. ಅಧಿಕ ಜೆಲ್: ತಲೆಯನ್ನು ಟೋಪಿ ಹಾಕಿ ಅಥವಾ ತಲೆ ತುಂಬಾ ಎಣ್ಣೆ ಹಚ್ಚಿ, ಅಥವಾ ಜೆಲ್ ಹಾಕಿ ದಿನಪೂರ್ತಿ ಇರುವುದರಿಂದ ಕೂದಲಿಗೆ ಸರಿಯಾಗಿ ಗಾಳಿಯಾಡಲು ಆಗದೆ ಕೂದಲಿನ ಆರೋಗ್ಯ ಕಡಿಮೆಯಾಗುವುದು. ಆದ್ದರಿಂದ ಮಿತಿ ಹೇರ್ ಜೆಲ್ ಬಳಸುವುದು ಕೂದಲಿಗೆ ಒಳ್ಳೆಯದಲ್ಲ.

ನೈಸರ್ಗಿಕ ಜೆಲ್: ಲೋಳೆಸರ, ಆಮ್ಲ, ಜೊಜೊಬಾ, ರೋಸ್ ಮೆರಿ ಎಣ್ಣೆಯನ್ನು ಬಳಸುವುದು ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು.