ಕೇಶ ಆರೈಕೆ: ಹೆಂಗಳೆಯರಲ್ಲಿರುವ ನಾಲ್ಕು ಮಿಥ್ಯೆ

Hair Care

oi-Reena

By Hema S

Published: Tuesday, March 27, 2012, 17:33 [IST]

ಕೂದಲು ಆರೋಗ್ಯಕರವಾಗಿರಬೇಕೆಂದು ಬಯಸುತ್ತೇವೆ. ಅದಕ್ಕಾಗಿ ಕೂದಲಿನ ಆರೈಕೆ ಬಗೆ ಹೆಚ್ಚಿನ ಗಮನ ಹರಿಸುತ್ತೇವೆ. ಹೀಗೆ ಕೂದಲಿನ ಆರೈಕೆ ವಿಷಯದಲ್ಲಿ ಅನೇಕ ತಪ್ಪು ಕಲ್ಪನೆಗಳನ್ನು ಬೆಳೆಸಿಕೊಂಡಿರುತ್ತೇವೆ. ಅಲ್ಲದೆ ಆ ತಪ್ಪು ಕಲ್ಪನೆಗಳನ್ನೆ ಕೂದಲಿನ ಆರೈಕೆ ಎಂದು ತಪ್ಪಾಗಿ ಅರ್ಥೈಹಿಸಿಕೊಂಡಿರುತ್ತೇವೆ. ನಾವೆಲ್ಲಾ ತಪ್ಪಾಗಿ ಅರ್ಥೈಸಿ ಕೊಂಡಿರುವ 4 ಪ್ರಮುಖ ತಪ್ಪು ಕಲ್ಪನೆ ಇಲ್ಲಿದೆ ನೋಡಿ:

1.ಕವಲೊಡೆದ ಕೂದಲನ್ನು ಸರಿಪಡಿಸಬಹುದು:
ಕವಲೊಡೆದ ಕೂದಲನ್ನು ಸರಿಪಡಿಸಲು ಸಾಧ್ಯವಿಲ್ಲ. ಕವಲೊಡೆಯುದ ಕೂದಲುಗಳನ್ನು ಒಂದುಗೂಡಿಸಲು ಯಾವುದೇ ಕಂಪನಿಯ ಶ್ಯಾಂಪೂ, ಎಣ್ಣೆಗಳಿಂದ ಸಾಧ್ಯವಿಲ್ಲ. ಈ ರೀತಿಯ ಕೂದಲನ್ನು ಹೋಗಲಾಡಿಸಲು ಅದನ್ನು ಕತ್ತರಿಸದೆ ಬೇರೆ ಮಾರ್ಗವಿಲ್ಲ.

ಕವಲೊಡೆಯುವ ಕೂದಲನ್ನು ಸರಿಪಡಿಸುತ್ತದೆ ಎಂದು ಬಳಸುವ ವಸ್ತುಗಳಿಂದ ಕೂದಲು ಒಡೆದಿರುವುದನ್ನು ತಾತ್ಕಾಲಿಕವಾಗಿ ಮರೆಮಾಚಬಹುದು. ಆದರೆ ತುದಿ ಒಡೆದಿರುವ ಕೂದಲನ್ನು ಕತ್ತರಿಸದೆ, ಆರೋಗ್ಯದಿಂದ ಬೆಳೆಯಲು ಸಾಧ್ಯನೆ ಇಲ್ಲ.

2. ಬಿಳಿ ಕೂದಲು ಕೀಳದಿದ್ದರೆ ಅಧಿಕ ಬಿಳಿ ಕೂದಲು ಬೆಳೆಯುತ್ತದೆ:
ಇದು ನಮ್ಮಲ್ಲಿರುವ ಅತೀ ದೊಡ್ಡ ನಂಬಿಕೆಯಾಗಿದೆ. ತಲೆಯಲ್ಲಿ ಒಂದು ಬಿಳಿ ಕೂದಲು ಕಾಣಿಸಿದರೆ ಅದನ್ನು ಬುಡ ಸಹಿತ ಕೀಳಬೇಕು. ಇಲ್ಲದಿದ್ದರೆ ಬೇರೆ ಕೂದಲು ಕೂಡ ಬೆಳ್ಳಗಾಗುತ್ತದೆ. ಈ ರೀತಿಯ ನಮ್ಮ ನಂಬಿಕೆ ಸರಿಯಲ್ಲ. ಕೂದಲನ್ನು ಹೀಗೆ ಕೀಳುತ್ತಾ ಹೋದರೆ ಕೂದಲಿಗೆ ಹಾನಿ ಆಗುತ್ತದೆ, ಕೀಳುವಾಗ ತಲೆ ತುಂಬಾ ನೋವಾಗುತ್ತದೆ ವಿನಃ ಹೊಸ ಕೂದಲಾಗಲಿ, ಬಿಳಿಕೂದಲಾಗಲಿ ಹುಟ್ಟಲು ಸಾಧ್ಯವಿಲ್ಲ. ಈ ರೀತಿ ಕೂದಲು ಕೀಳುತ್ತಾ ಹೋದರೆ ತಲೆ ಬೋಳಾಗುವುದಲ್ಲದೆ ಬೇರೆ ಯಾವುದೇ ಪ್ರಯೋಜನ ಉಂಟಾಗುವುದಿಲ್ಲ.