ಹೇರ್ ಕಲರ್ ಮಾಡಿದ ಕೂದಲಿಗೆ ಪ್ರತ್ಯೇಕ ಆರೈಕೆ

Hair Care

oi-Reena

By Hema S

Published: Thursday, March 15, 2012, 14:17 [IST]

ಕೂದಲು ಕೆಂಚು ಬಣ್ಣದಲ್ಲಿ ಹೊಳೆಯಲು ಕೃತಕ ಬಣ್ಣ ಬಳಸುತ್ತಾರೆ. ಈ ಕೃತಕ ಬಣ್ಣಗಳು ಕೂದಲಿನ ಸೌಂದರ್ಯ ಎದ್ದು ಕಾಣುವಂತೆ ಮಾಡುತ್ತದೆ. ಆದರೆ ಹೀಗೆ ಬಣ್ಣ ಹಚ್ಚಿದ ಕೂದಲನ್ನು ಸ್ಪೆಷಲ್ ಆರೈಕೆ ಮಾಡಬೇಕು. ಏಕೆಂದರೆ ಆಕರ್ಷಕ ಬಣ್ಣಕ್ಕಾಗಿ ಕೆಮಿಕಲ್ ಬಳಸಿದಾಗ ಆರೈಕೆ ಇಲ್ಲದಿದ್ದರೆ ಕೂದಲು ಬೇಗನೆ ಹಾಳಾಗುತ್ತದೆ. ಆದ್ದರಿಂದ ಕೂದಲಿನ ಹಾನಿ ತಪ್ಪಿಸಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

1. ಬಣ್ಣದ ಕೂದಲಿಗೆ ಶ್ಯಾಂಪೂ ಮತ್ತು ಕಂಡೀಷನರ್ ಹಚ್ಚಬೇಕು. ಡವ್ ಅಡ್ವಾನ್ಸಡ್ ಹೇರ್ ಕೇರ್ ಶ್ಯಾಂಪೂ ಆಥವಾ ಇಂತಹ ಬಣ್ಣದ ಕೂದಲಿಗಾಗಿಯೆ ಇರುವ ಶ್ಯಾಂಪೂಗಳನ್ನು ಬಳಸಬೇಕು.

2. ಹೇರ್ ಕಂಡೀಷನರ್ ವಾರಕ್ಕೆ ಒಮ್ಮೆಯಾದರೂ ಬಳಸಬೇಕು.

3. ಕ್ಲೋರಿನ್ ಇರುವ ನೀರನ್ನು ತಲೆ ತೊಳೆಯಲು ಬಳಸಬಾರದು. ಈಜುಕೊಳದಲ್ಲಿ ಆಟ ಆಡಲು ಬಳಸುವವರು ನೀರಿಗೆ ಇಳಿಯುವ ಮೊದಲು ಕಂಡೀಷನರ್ ಹಾಕಬೇಕು.

4. ಒಮ್ಮೆ ಬಣ್ಣ ಹಚ್ಚಿದ ಮೇಲೆ 2-3 ವಾರಕ್ಕೆ ಬಣ್ಣ ಹಚ್ಚಲು ಹೋಗಬಾರದು. ಪದೇ-ಪದೇ ಬಣ್ಣ ಹಚ್ಚಿದರೆ ಕೂದಲು ಹಾಳಾಗುವುದು.

5. ಬಣ್ಣ ಹಚ್ಚಿದ ಕೂದಲು ಉದ್ದವಾಗಿದ್ದರೆ ಒಮ್ಮೆ ಬಣ್ಣ ಹಚ್ಚಿ 5-6 ವಾರಗಳ ಬಳಿಕ ಹಚ್ಚಿದರೆ ಸಾಕು. ಮೋಟು ಕೂದಲಿನವರು ಪ್ರತಿ ತಿಂಗಳು ಬಣ್ಣ ಹಚ್ಚಬೇಕು. ಇಲ್ಲದಿದ್ದರೆ ಕೂದಲು ಗಿಡ್ಡವಾಗಿರುವುದರಿಂದ ನೈಸರ್ಗಿಕ ಕೂದಲಿನ ಬಣ್ಣ ತುದಿಯಲ್ಲಿ ಎದ್ದು ಕಂಡರೆ ಅಷ್ಟು ಚೆಂದ ಕಾಣಿಸುವುದಿಲ್ಲ.