ಸೊಗಸಾದ ಕೇಶ ಸೌಂದರ್ಯಕ್ಕೆ ಬಿಯರ್ ಮಜ್ಜನ!

Hair Care

oi-Reena

By Hema S

Published: Monday, March 5, 2012, 14:42 [IST]

ಮೃದುವಾದ ಮತ್ತು ಹೊಳಪಿನ ಕೂದಲು ಬೇಕೆಂದು ಶ್ಯಾಂಪೂ, ಕಂಡೀಷನರ್ ಮೊರೆ ಹೋಗುತ್ತೇವೆ. ಆದರೆ ಆರೋಗ್ಯಕರ ಕೂದಲು ಅಧಿಕ ರಾಸಾಯನಿಕ ಇರುವ ಶ್ಯಾಂಪೂಗಳಿಂದ ಹಾಳಾಗುವುದು ಹೆಚ್ಚು. ಆದರೆ ನೈಸರ್ಗಿಕವಾದ ಹೇರ್ ಕಂಡೀಷನರ್ ಹಚ್ಚಿದರೆ ಇದರಿಂದ ಕೂದಲಿನ ಮೇಲೆ ಅಡ್ಡಪರಿಣಾಮ ಉಂಟಾಗುವುದಿಲ್ಲ. ಕೂದಲು ಮತ್ತಷ್ಟು ಸೊಂಪಾಗಿ ಬೆಳೆಯುವುದು.

ಆಕರ್ಷಕ ಕೂದಲಿಗೆ ನೈಸರ್ಗಿಕ ಹೇರ್ ಕಂಡೀಷನರ್:

ಮೊಸರು: ತಲೆಸ್ನಾನ ಮಾಡುವ 1/2 ಗಂಟೆ ಮೊದಲು ಮೊಸರು ಹಚ್ಚಿ ನಂತರ ಅಧಿಕ ರಾಸಾಯನಿಕವಿಲ್ಲದ ಶ್ಯಾಂಪೂನಿಂದ ತಲೆ ತೊಳೆಯಬೇಕು.

ಮೊಟ್ಟೆ: ಮೊಟ್ಟೆಯನ್ನು ತಲೆಗೆ ಹಚ್ಚಿದರೆ ಹೊಳೆಯುವ ಕೂದಲು ಪಡೆಯಬಹುದು. ಆದರೆ ಇದನ್ನು ಹಚ್ಚಿದಾಗ ಕೆಟ್ಟವಾಸನೆ ಬರುವುದು. ಅದ್ದರಿಂದ ಅದರ ಹಳದಿ ಬದಲು ಬಿಳಿಯನ್ನಷ್ಟೆ ತಲೆಗೆ ಹಚ್ಚಿ.

ಬಿಳಿ ವಿನಿಗರ್: ತಲೆಸ್ನಾನ ಮಾಡಿದ ಮೇಲೆ ಅರ್ಧ ಬಕೆಟ್ ಶುದ್ಧವಾದ ನೀರಿನಲ್ಲಿ ಬಿಳಿ ವಿನಿಗರ್ ಹಾಕಿ ತಲೆ ತೊಳೆಯಬೇಕು. ಹೀಗೆ ಕೂಡಿದರೆ ತಲೆ ಹೊಳಪು ಹೆಚ್ಚಾಗುವುದು.

ಬೀರ್: ಬೀರ್ ತಲೆಕೂದಲಿಗೆ ಬಳಸಬಹುದಾದ ಅತ್ಯುತ್ತಮವಾದ ಹೇರ್ ಕಂಡೀಷನರ್ ಆಗಿದೆ. ಕೂದಲು ತೊಳೆದ ಬಳಿಕ ಸ್ವಲ್ಪ ಬೀರ್ ಅನ್ನು ಅರ್ಧ ಬಕೆಟ್ ನೀರಿನಲ್ಲಿ ಹಾಕಿ ಅದರಿಂದ ತಲೆ ತೊಳೆಯಬೇಕು.

ಜೇನು ಮತ್ತು ಬಾಳೆಹಣ್ಣು: ಬಾಳೆಹಣ್ಣನ್ನು ಪೇಸ್ಟ್ ರೀತಿ ಮಾಡಿ ಅದಕ್ಕೆ ಸ್ವಲ್ಪ ಜೇನು ಹಾಕಿ ಆ ಮಿಶ್ರಣವನ್ನು ತಲೆಗೆ ಹಚ್ಚಬೇಕು. ಅರ್ಧಗಂಟೆಯ ಬಳಿಕ ತಲೆ ತೊಳೆದರೆ ಸೊಂಪಾದ ಹೊಳಪಿನ ಕೂದಲು ನಿಮ್ಮದಾಗುವುದು.