ಕೂದಲಿಗೆ ಎಣ್ಣೆ ಏಕೆ ಮತ್ತು ಹೇಗೆ ಹಚ್ಚಬೇಕು?

Hair Care

oi-Reena

By Hema S

Published: Friday, January 20, 2012, 13:52 [IST]

ಕೂದಲಿಗೆ ಎಣ್ಣೆ ಹಾಕಿ ಎಂದು ಮನೆಯಲ್ಲಿ ಅಜ್ಜಿ ಅಥವಾ ಅಮ್ಮ ಬಯ್ಯುತ್ತಿದ್ದರೆ ಕಿವಿಗೆ ಹಾಕಿಕೊಳ್ಳುವ ಗೋಜಿಗೇ ಹೋಗುವುದಿಲ್ಲ. ಕೂದಲಿಗೆ ಎಣ್ಣೆ ಹಚ್ಚಿದಾಗ ಮುಖ ಜಿಡ್ಡಾಗಿ ಕಾಣುವುದು ಇಷ್ಟವಾಗುವುದಿಲ್ಲ. ಈ ರೀತಿ ಎಣ್ಣೆ ಹಾಕದಿರುವ ಪರಿಣಾಮ ಒಣ ಕೂದಲು. ಇದರಿಂದಾಗಿ ಬ್ಯಾಕ್ಟರೀಯಾ ಸೋಂಕು ಉಂಟಾಗಿ ಕೂದಲು ಉದುರುವುದು, ತಲೆಹೊಟ್ಟಿನ ಸಮಸ್ಯೆ ಉಂಟಾಗುತ್ತದೆ.

ಎಣ್ಣೆ ಹಚ್ಚುವುದರ ಪ್ರಯೋಜನ:

1. ತಲೆಬುಡದಲ್ಲಿ ಸೆಬಮ್ (sebum) ಉತ್ಪತ್ತಿಯಿಂದ ಕೂದಲು ಬೇಗನೆ ಎಣ್ನೆಯಾಗುವುದು. ಆದ್ದರಿಂದ ಕೂದಲಿಗೆ ಎಣ್ಣೆಯನ್ನು ಹಾಕಿ ಮಸಾಜ್ ಮಾಡಿದರೆ ಕೂದಲು ಒಣಗುವುದು ಮತ್ತು ತಲೆಯಲ್ಲಿ ತುರಿಕೆ ಉಂಟಾಗವುದು ತಪ್ಪುತ್ತದೆ.

2. ಕೂದಲಿಗೆ ದಿನವೂ ಎಣ್ಣೆ ಹಾಕಿ ಮಸಾಜ್ ಮಾಡಿದರೆ ಒಳ್ಳೆಯದು. ಈ ರೀತಿ ಆರೈಕೆ ಮಾಡಿದರೆ ಕೂದಲು ಸೊಂಪಾಗಿ ಬೆಳೆಯುತ್ತದೆ.

3. ಎಣ್ಣೆಯನ್ನು ಬಿಸಿ ಮಾಡಿ ಸ್ವಲ್ಪ ಆರಿದ ನಂತರ ಹಚ್ಚಿದರೆ ತಲೆಯಲ್ಲಿ ರಕ್ತ ಸಂಚಲನ ಹೆಚ್ಚಾಗಿ ಕೂದಲು ಆರೋಗ್ಯಕರವಾಗಿ ಬೆಳೆಯುತ್ತದೆ. ಕೂದಲಿಗೆ ಎಣ್ಣೆ ಮತ್ತು ನಿಂಬೆ ರಸ ಮಿಶ್ರ ಮಾಡಿ ವಾರಕ್ಕೊಮ್ಮೆ ಆದರೂ ಹಚ್ಚಬೇಕು. ಇದರಿಂದ ಹೊಟ್ಟಿನ ಸಮಸ್ಯೆ ನಿವಾರಣೆಯಾಗುತ್ತದೆ.

4. ಎಣ್ಣೆ ಹಚ್ಚಿ ಕಣ್ಣಿನ ದೃಷ್ಟಿಯನ್ನು ಕಾಪಾಡಿಕೊಳ್ಳಬಹುದು.

ಎಣ್ಣೆಯನ್ನು ಹಚ್ಚುವ ವಿಧಾನ:

1. ಎಣ್ಣೆಯನ್ನುಕೂದಲಿನ ತುದಿಗೆ ಹೆಚ್ಚಾಗಿ ಹಚ್ಚುವ ಬದಲು ಕೂದಲಿನ ಬುಡಕ್ಕೆ ಹಚ್ಚಬೇಕು.

2. ಎಣ್ಣೆಯನ್ನು ಹಚ್ಚಿದ ಬಳಿಕ ಕೂದಲನ್ನು ಬಾಚುವುದರಿಂದ ತಲೆಯಲ್ಲಿ ರಕ್ತಸಂಚಲನ ಹೆಚ್ಚಾಗಿ ಕೂದಲು ಚೆನ್ನಾಗಿ ಬೆಳೆಯುತ್ತದೆ.

3. ಕೂದಲಿನ ಬುಡಕ್ಕೆ ಎಣ್ಣೆ ಸರಿಯಾಗಿ ಇಳಿಯಲು ಬಿಸಿ ನೀರಿನಲ್ಲಿ ಟವಲ್ ಹಿಂಡಿ , ನಂತರ ಟವಲ್ ತಲೆಗೆ ಸುತ್ತಬೇಕು.

ತಲೆಗೆ ಹಚ್ಚಲು 5 ಅತ್ಯುತ್ತಮವಾದ ಎಣ್ಣೆ:
* ತೆಂಗಿನೆಣ್ಣೆ
* ಜೋಜೊಬಾ ಎಣ್ಣೆ
* ಹರಳೆಣ್ಣೆ
* ಆಲೀವ್ ಎಣ್ಣೆ
* ಬಾದಾಮಿ ಎಣ್ಣೆ