ಹೂವಿನಂತಹ ಕೂದಲು ಪಡೆಯಲು ಹೀಗೆ ಮಾಡಿ

ಒಣಗೂದಲಿಗೆ 4 ನೈಸರ್ಗಿಕ ಕಂಡೀಶನರ್:

* ಮೊಸರಿನ ಕಂಡೀಶನರ್: ಕಳಾಹೀನ ಕೂದಲಿಗೆ ಮೊಸರು ತುಂಬಾ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತೆ. ಮೆಂತ್ಯೆ ಕಾಳನ್ನು ರಾತ್ರಿಯಿಡೀ ನೆನೆಸಿ ಬೆಳಗ್ಗೆ ಮೊಸರಿನೊಂದಿಗೆ ರುಬ್ಬಿ ತಲೆಗೆ ಹಚ್ಚಿಕೊಂಡು 1 ಗಂಟೆ ವಿಶ್ರಾಂತಿ ತೆಗೆದುಕೊಂಡು ಶಾಂಪುವಿನಿಂದ ತೊಳೆದುಕೊಳ್ಳಬೇಕು. ಇದರಿಂದ ಕೂದಲು ಹೊಳೆಯುವುದರೊಂದಿಗೆ ಬುಡ ಒಣಗುವುದೂ ತಪ್ಪುತ್ತದೆ.

* ದಾಸವಾಳದ ಪ್ಯಾಕ್: ಕೆಂಪು ದಾಸವಾಳ ಅಥವಾ ಎಲೆಯನ್ನು ರುಬ್ಬಿ ಪೇಸ್ಟ್ ಮಾಡಿಕೊಳ್ಳಬೇಕು. ಈ ಮಿಶ್ರಣವನ್ನು ಬಸಿದು ಗಾಳಿಯಾಡದಂತೆ ಮುಚ್ಚಿಡಬೇಕು. ತಲೆ ಸ್ನಾನ ಮಾಡುವ ಮುನ್ನ ಕೂದಲಿಗೆ ಮತ್ತು ಕೂದಲಿನ ಬುಡಕ್ಕೆ ಹಚ್ಚಿಕೊಂಡು 10 ನಿಮಿಷದ ನಂತರ ತೊಳೆದುಕೊಂಡರೆ ತಕ್ಷಣವೇ ಕೂದಲಿಗೆ ಹೊಳಪು ಬರುತ್ತದೆ.

* ಬೆಣ್ಣೆ ಹಣ್ಣಿನ ಉಪಯೋಗ: ಚೆನ್ನಾಗಿ ಕಳಿತ ಬೆಣ್ಣೆ ಹಣ್ಣನ್ನು ನಿಂಬೆರಸ ಮತ್ತು ಕೂದಲಿಗೆ ಹಚ್ಚುವ ಯಾವುದಾದರೂ ಎಣ್ಣೆಯೊಂದಿಗೆ ಬೆರೆಸಿ ಹಚ್ಚಿಕೊಂಡರೆ ಕೂದಲು ಮೃದು ಮತ್ತು ಹೊಳಪುಭರಿತವಾಗಿರುತ್ತದೆ. ಇದರಲ್ಲಿರುವ ವಿಟಮಿನ್ ಕೂದಲಿಗೆ ಪೋಷಣೆ ನೀಡುತ್ತದೆ ಮತ್ತು ಕೂದಲು ಬೇಗನೆ ಬೆಳೆಯುತ್ತದೆ. ಇದು ಉತ್ತಮ ಕಂಡೀಶನರ್ ಕೂಡ ಹೌದು.

* ಲೋಳೆಸರದ ಜೆಲ್: ಲೋಳೆಸರದ ರಸವೂ ಉತ್ತಮ ಕಂಡೀಶನರ್. ಇದು ಕೆಟ್ಟ ವಾಸನೆಯನ್ನೂ ಹೋಗಿಸುತ್ತದೆ. ಸ್ವಲ್ಪ ಬಿಸಿ ನೀರಿನೊಂದಿಗೆ ಬೆರೆಸಿ ಲೋಳೆ ಸರ ಹಚ್ಚಿಕೊಳ್ಳಬಹುದು.