ಕೂದಲಿನ ಸಕಲ ಪೋಷಣೆಗೆ ಏನು ಮಾಡಬೇಕು?

ಆದರೆ ಮೊಟ್ಟೆಯನ್ನು ಕೂದಲಿಗೆ ಬಳಸುವ ಕೆಲವು ರೀತಿಯನ್ನು ತಿಳಿದುಕೊಂಡರೆ ಸಂಪೂರ್ಣ ಉಪಯೋಗವನ್ನು ಪಡೆಯಬಹುದು. ಮೊಟ್ಟೆಯನ್ನು ಬಳಸಿಕೊಂಡು ಕೂದಲಿಗೆ ಯಾವ ರೀತಿ ಪೋಷಣೆ ನೀಡಬಹುದು ಎಂದು ಇಲ್ಲಿ ತಿಳಿದುಕೊಳ್ಳಿ.

1. ಕೂದಲು ಗಟ್ಟಿಗೊಳ್ಳಲು: ಹರಳೆಣ್ಣೆ ಅಥವಾ ಆಲಿವ್ ಎಣ್ಣೆಯೊಂದಿಗೆ ಮೊಟ್ಟೆಯ ಹಳದಿ ಭಾಗ ಬೆರೆಸಿ ಹಚ್ಚಿಕೊಂಡರೆ ಕೂದಲು ಗಟ್ಟಿಗೊಳ್ಳುವುದಲ್ಲದೆ ಉದ್ದವಾಗಿ ಬೆಳೆಯುತ್ತೆ.

2. ಒರಟು ಕೂದಲಿಗೆ: ವಿನೆಗರ್ ಮತ್ತು ನೀರಿನೊಂದಿಗೆ ಎರಡು ಮೊಟ್ಟೆ ಬೆರೆಸಿ ಹಚ್ಚಿಕೊಂಡು 15 ನಿಮಿಷದ ನಂತರ ತೊಳದುಕೊಳ್ಳಬೇಕು. ಮೊಸರಿನೊಂದಿಗೆ ಹಳದಿ ಭಾಗ ಮತ್ತು ಬಾದಾಮಿ ಪೇಸ್ಟನ್ನು ಸೇರಿಸಿ ಹಚ್ಚಿಕೊಂಡರೂ ಮೃದುಗೊಳ್ಳುತ್ತದೆ. ಮೊಸರು ಮತ್ತು ಮೊಟ್ಟೆ ಕಾಂಬಿನೇಶನ್ ಒರಟು ಕೂದಲಿಗೆ ತುಂಬಾ ಉಪಯುಕ್ತ.

3. ಕೂದಲಿಗೆ ಹೊಳಪು ನೀಡಲು: ಸಂಪೂರ್ಣ ಮೊಟ್ಟೆಯನ್ನು ನಿಂಬೆರಸದೊಂದಿಗೆ ಬೆರೆಸಿ ಕೂದಲಿಗೆ ಮತ್ತು ಕೂದಲಿನ ಬುಡಕ್ಕೆ ಮಸಾಜ್ ಮಾಡಿಕೊಳ್ಳಬೇಕು. ಇದರಿಂದ ಕೂದಲು ಹೊಳಪು ಪಡೆದುಕೊಳ್ಳುವುದಲ್ಲದೆ ತಲೆಹೊಟ್ಟೂ ನಿವಾರಣೆಯಾಗುತ್ತದೆ.

4. ಕಂಡೀಶನರ್: 1 ಚಮಚ ಕೊಬ್ಬರಿ ಎಣ್ಣೆಗೆ ಮೊಟ್ಟೆ ಹಳದಿ ಭಾಗವನ್ನು ಚೆನ್ನಾಗಿ ಕದಡಿ ಬೆರೆಸಿ ಈ ಮಿಶ್ರಣವನ್ನು ಸ್ನಾನಕ್ಕೆ ಮುನ್ನ ಕೂದಲಿಗೆ ಹಚ್ಚಿಕೊಂಡು ಒಣಗಿದ ನಂತರ ನೀರಿನಲ್ಲಿ ತೊಳೆದುಕೊಂಡರೆ ಒರಟು ಕೂದಲು ತುಂಬಾ ಮೃದುವಾಗುತ್ತೆ. ನಿಮಗೆ ಅಷ್ಟು ಸಮಯವಿಲ್ಲದಿದ್ದರೆ ಮೊಟ್ಟೆಯನ್ನು ಹರ್ಬಲ್ ಶಾಂಪೂ ಜೊತೆ ಬೆರೆಸಿಯೂ ಹಚ್ಚಿ ತೊಳೆಯಬಹುದು.

ಆದರೆ ಮೊಟ್ಟೆ ಬಳಕೆಯಲ್ಲಿರುವ ಒಂದೇ ತೊಂದರೆಯೆಂದರೆ ಅದರ ವಾಸನೆ. ಸ್ವಲ್ಪ ನಿಂಬೆರಸ ಬೆರೆಸಿ ಹಚ್ಚಿಕೊಳ್ಳುವುದರಿಂದ ವಾಸನೆಯನ್ನೂ ತಡೆಗಟ್ಟಲು ಸಾಧ್ಯವಿದೆ.