ಕೂದಲಿನ ರಕ್ಷಣೆಗೆ ನೈಸರ್ಗಿಕವಾದ ಪೋಷಣೆ

ಕೂದಲಿಗೆ ಮೊಟ್ಟೆಯನ್ನು ಬಳಸಬಹುದಾದರೂ ಅದನ್ನು ತಲೆಗೆ ಹಚ್ಚಿದಾಗ ಕೆಟ್ಟ ವಾಸನೆ ಬರುವುದು. ಆದರೆ ಕೆಲವೊಂದು ನೈಸರ್ಗಿಕ ವಸ್ತುಗಳು ಮೊಟ್ಟೆಯಷ್ಟೆ ಕೂದಲಿನ ಪೋಷಣೆಯನ್ನು ಮಾಡುತ್ತದೆ.

ನೈಸರ್ಗಿಕವಾದ ವಸ್ತುಗಳಿಂದ ಕೂದಲಿನ ಆರೈಕೆಗೆ ಬೇಕಾದ ಶ್ಯಾಂಪೂ, ಎಣ್ಣೆ ತಯಾರಿಸಬಹುದಾಗಿದ್ದು ಅದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

1. ಎಣ್ಣೆ: ಒಂದು ದೊಡ್ಡ ಚಮಚದಷ್ಟು ಹರಳೆಣ್ಣೆ , ಬಾದಮಿ , ಆಲೀವ್ ಮತ್ತು ತೆಂಗಿನ ಎಣ್ಣೆಗಳನ್ನು ಮಿಶ್ರ ಮಾಡಿ ಅದನ್ನು ಕಬ್ಬಿಣದ ಬಾಣಲೆಯಲ್ಲಿ ಹಾಕಿ ಕಾಯಿಸಬೇಕು. ಅದಕ್ಕೆ ಕರಿ ಬೇವಿನ ಎಲೆ ಮತ್ತು ಮೆಹಂದಿ ಎಲೆಯನ್ನು ಹಾಕಿ 2 ನಿಮಿಷ ಕಾಯಿಸಿ, ಅದು ತಣ್ಣಗಾದ ಮೇಲೆ ಒಂದು ಬಾಟಲಿನಲ್ಲಿ ಹಾಕಿ ಬಳಸಬಹುದಾಗಿದೆ.

2. ಶ್ಯಾಂಪೂ: ನೆಲ್ಲಿಕಾಯಿ ಪುಡಿಯನ್ನು ಸೀಗೆ ಕಾಯಿ ಪುಡಿ ಜೊತೆ ಮಿಶ್ರ ಮಾಡಿ ಶ್ಯಾಂಪೂ ರೀತಿಯಲ್ಲಿ ಬಳಸಬಹುದಾಗಿದೆ.

3. ತಲೆ ಹೊಟ್ಟು ನಿವಾರಣೆಗೆ: ಮೆಂತೆಯು ತಲೆ ಹೊಟ್ಟು ವಿವಾರಣೆಗೆ ಒಂದು ಉತ್ತಮ ಔಷಧಿಯಾಗಿದೆ. ಮೆಂತೆಯನ್ನು ಅರೆದು ಅದನ್ನು ಮೊಸರಿನ ಜೊತೆ ಮಿಶ್ರ ಮಾಡಿ ತಲೆಗೆ ಹಚ್ಚಿದರೆ ಅದು ಬ್ಯಾಕ್ಟೀರಿಯಾಯನ್ನು ಹೋಗಲಾಡಿಸಿ ಒಣ ಕೂದಲು ಆಗುವುದನ್ನು ತಡೆಯುತ್ತದೆ.

4. ಕೂದಲಿಗೆ ಬಣ್ಣ: ಕೂದಲು ಬಿಳಿಯಾದರೆ ಅದನ್ನು ಕಪ್ಪು ಮಾಡಲು ಸಕ್ಕರೆ ಹಾಕದ ಲೆಮನ್ ಟಿ ಗೆ ಮೆಹಂದಿಯನ್ನು ಬೆರೆಸಿ ಅದನ್ನು ಹಚ್ಚಬಹುದಾಗಿದೆ. ಇದರಿಂದ ತಲೆಯಲ್ಲಿ ತುರಿಕೆ ಉಂಟಾಗುವುದಿಲ್ಲ, ಕೂದಲಿಗೆ ಹೊಳಪು ಸಹ ದೊರೆಯುತ್ತದೆ.

ಸಲಹೆ: ಇಷ್ಟೆಲ್ಲಾ ಮಾಡಿದ ನಂತರವು ತಲೆಯಲ್ಲಿ ಹೊಟ್ಟು ಕಂಡು ಬಂದರೆ ತಲೆಯನ್ನು ತೊಳೆದು ಒಂದು ಕಪ್ ನೀರಿನಲ್ಲಿ 3-4 ಹನಿ ಬಾದಾಮಿ ಎಣ್ಣೆ ಮತ್ತು ಒಂದು ಹನಿ ವಿನಿಗರ್ ಬೆರೆಸಿ, ಹತ್ತಿಯನ್ನು ಅದರಲ್ಲಿ ಅದ್ದಿ ಬಳಸಿದರೆ ಹೊಟ್ಟಿನ ಸಮಸ್ಯೆ ನಿವಾರಣೆ ಆಗುತ್ತದೆ.