ಕೂದಲಿಗೆ ಫ್ಲಾಟ್ ಐರನ್ ಬಳಸಿದರೆ ಏನಾಗುತ್ತೆ?

ಹಾದು. ಕೂದಲನ್ನು ನೇರಗೊಳಿಸಬೇಕೆಂದು ನಿರಂತರವಾಗಿ ಬಳಸುವ ಫ್ಲಾಟ್ ಐರನ್ ನಿಮ್ಮ ಕೂದಲನ್ನು ತುಂಡಾಗಿಸಿ ಕ್ರಮೇಣ ಹಾಳುಮಾಡುತ್ತದೆ ಎಂದಿದ್ದಾರೆ ಸಂಶೋಧಕರು.

ಫ್ಲಾಟ್ ಐರನ್ ಹೆಚ್ಚು ಉಷ್ಣವನ್ನು ಉಂಟುಮಾಡುತ್ತದೆ. ಇದನ್ನು ಬಳಸುವುದರಿಂದ ತಕ್ಷಣವೇ ನಿಮ್ಮ ಕೂದಲು ನೇರವಾಗುವಂತೆ ಮಾಡುತ್ತದೆ. ಆದರೆ ಅದರ ಪರಿಣಾಮ ಮಾತ್ರ ಕೆಲವು ದಿನಗಳ ನಂತರ ತಿಳಿಯುತ್ತದೆ.

ಇದರ ಅತಿಯಾದ ಉಷ್ಣ ಕೂದಲು ತುಂಡಾಗುವಿಕೆಗೆ ಕಾರಣವಾಗಿ ನೈಸರ್ಗಿಕ ಅಂದವನ್ನು ಕೆಡಿಸುತ್ತದೆ. ಅಷ್ಟೇ ಅಲ್ಲ, ಕೂದಲಿನ ಬಣ್ಣವೂ ಕಳೆಗುಂದಲು ಕಾರಣವಾಗುತ್ತದೆ.

ಕೂದಲಿನ ತುದಿ ಸೀಳುವುದರಿಂದ ಬಣ್ಣ ಬದಲಾವಣೆ ಉಂಟಾಗುತ್ತದೆ. ಈ ಐರನ್ ಬಳಕೆಯಿಂದ ಕೂದಲು ತುಂಡಾಗುವುದರಿಂದ ಅಲ್ಲಿಂದ ಬಣ್ಣವೂ ಕೂಡ ಬದಲಾಗುತ್ತದೆ. ತುಂಡಾದ ಕೂದಲನ್ನು ಚೆನ್ನಾಗಿ ಕಾಣುವಂತೆ ಮಾಡಲು ಮತ್ತೆ ಐರನ್ ಸಹಾಯ ಪಡೆದುಕೊಂಡಿರೆಂದರೆ ಮುಂದೆ ಇನ್ನೂ ಗಂಭೀರ ಸಮಸ್ಯೆ ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಸಿದ್ದಾರೆ.