ಯಂಗ್‌ ಲುಕ್‌ಗೆ ಮರಳಿದ ದರ್ಶನ್ :ಪುರುಷರಿಗೆ ಯಂಗ್ ಲುಕ್‌ ನೀಡುವ ಸೌಂದರ್ಯವರ್ಧಕ ಚಿಕಿತ್ಸೆಗಳಿವು

ದರ್ಶನ್‌ರವರ ಇತ್ತೀಚಿನ ಲುಕ್ ನೋಡಿದ ಅವರ ಅಭಿಮಾನಿಗಳು ಫುಲ್‌ ಖುಷಿಯಾಗಿದ್ದಾರೆ, ನಮ್ಮ ಡಿಬಾಸ್‌ ಮೊದಲಿನಂತೆ ಕಾಣುತ್ತಿದ್ದಾರೆ ಎಂದು ಸಂಭ್ರಮ ಪಡುತ್ತಿದ್ದಾರೆ, ಅವರ ಹಿಂದಿನ ಲುಕ್‌ಗಿಂತ 5-6 ವರ್ಷ ಚಿಕ್ಕವರಂತೆ ಕಾಣುತ್ತಿದ್ದಾರೆ. ಅವರ ಬದಲಾದ ಲುಕ್ ನೋಡಿದವರು ದರ್ಶನ್‌ ಅವರ ಬದಲಾದ ಲುಕ್‌ಗೆ ಸವಂದರ್ಯವರ್ಧಕ ಚಿಕಿತ್ಸೆ ಕಾರಣವಾಗಿರಬಹುದು ಎಂದು ಹೇಳುತ್ತಿದ್ದಾರೆ.

ಯಾವೆಲ್ಲಾ ಸೌಂದರ್ಯವರ್ಧಕ ಚಿಕಿತ್ಸೆಗಳಿವೆ, ನಾವು ನಮ್ಮ ಸೌಂದರ್ಯ ಹೆಚ್ಚಿಸಿಕೊಳ್ಳುವಲ್ಲಿ ಜೀವನಶೈಲಿ ಹೇಗೆ ಪರಿಣಾಮ ಬೀರುವುದು ಎಂದು ನೋಡೋಣ:

1. ಬೊಟೊಕ್ಸ್ ಕಾಸ್ಮೆಟಿಕ್ಸ್ (Botox Cosmetic)
ಈ ಚಿಕಿತ್ಸೆಯಲ್ಲಿ ನೆರಿಗೆಯ ಕೆಳಭಾಗದಲ್ಲಿ botulinum ಟಾಕ್ಸಿನ್ ಅನ್ನು ಇಂಜೆಕ್ಷನ್ ಮೂಲಕ ನೀಡಲಾಗುವುದು. ಈ ಟ್ರೀಟ್ಮೆಂಟ್‌ಗೆ 30 ನಿಮಿಷ ಬೇಕಾಗುತ್ತದೆ, ಈ ಚಿಕಿತ್ಸೆ ಮಾಡಿಸಿದರೆ ಯೌವನದ ಕಳೆ ಮರಳಿ ಬರುವುದು. ಈ ಚಿಕಿತ್ಸೆಯ ಪ್ರಭಾವ 6 ತಿಂಗಳವರೆಗೆ ಇರುತ್ತದೆ, ಮತ್ತೆ ಮಾಡಿಸಬೇಕಾಗುತ್ತದೆ.

2. Microdermabrasion ಚಿಕಿತ್ಸೆ
ಈ ಚಿಕಿತ್ಸೆ ಕೂಡ ಮುಖಕ್ಕೆ ತುಂಬಾನೇ ಯಂಗ್‌ ಲುಕ್‌ ನೀಡುತ್ತದೆ. ಇದರ ಸಂಪೂರ್ಣ ಫಲಿತಾಂಶ ಪಡೆಯಲು ಕೆಲವು ಸೆಷನ್ ಇರುತ್ತದೆ, ಪ್ರತಿ ಸೆಷನ್‌ಗೆ ಮೂವತ್ತು ನಿಮಿಷ ಬೇಕಾಗುವುದು. ಈ ಚಿಕಿತ್ಸೆ ಮಾಡಿದರೆ ಮುಖದಲ್ಲಿ ನೆರಿಗೆ ಕಾಣಿಸಲ್ಲ, 5-10 ವರ್ಷ ಚಿಕ್ಕವರಂತೆ ಕಾಣುತ್ತೇವೆ.

3. ಲೇಸರ್ ಹೇರ್‌ ರಿಮೂವಲ್‌
ಇದರಲ್ಲಿ ದೇಹದ ಯಾವುದೇ ಭಾಗದಿಂದ ಆದರೂ ಬೇಡದ ಕೂದಲನ್ನು ತೆಗಿಯಬಹುದು. ಈ ವಿಧಾನದಲ್ಲಿ ಬೇಡದ ಕೂದಲನ್ನು ತೆಗೆದರೆ ಈ ಥ್ರೆಡ್ಡಿಂಗ್‌, ವ್ಯಾಕ್ಸಿಂಗ್‌ ಈ ಕಿರಿಕಿರಿ ಇರಲ್ಲ.

4. ಕೆಮಿಕಲ್ ಪೀಲ್‌

ಕೆಮಿಕಲ್‌ ಪೀಲ್‌ ಕೂಡ ಮುಖದಲ್ಲಿ ಕೊಲೆಜಿನ್ ಉತ್ಪತ್ತಿ ಹೆಚ್ಚಾಗಲು, ಸಡಿಲವಾದ ತ್ವಚೆ ಸ್ನಾಯುಗಳನ್ನು ಬಿಗಿಗೊಳಿಸಿ ಯಂಗ್‌ ಲುಕ್ ಪಡೆಯಲು ತುಂಬಾನೇ ಸಹಕಾರಿಯಾಗಿದೆ. ಈ ಚಿಕಿತ್ಸೆಯಲ್ಲಿ ಮುಖದ ಬಣ್ಣ ಕೂಡ ಸ್ವಲ್ಪ ಆಕರ್ಷಕವಾಗುವುದು, ಕಲೆ, ಸನ್ ಟ್ಯಾನ್‌ ಇವೆಲ್ಲಾ ತೆಗಿಯಬಹುದು

ಜೀವನಶೈಲಿಯಲ್ಲಿ ಬದಲಾವಣೆ ಕೂಡ ಸೌಂದರ್ಯವನ್ನು ವೃದ್ಧಿಸುವಲ್ಲಿ ಸಹಕಾರಿಯಾಗಿದೆ
ವ್ಯಾಯಾಮ: ವ್ಯಾಯಾಮ ಮೈಕಟ್ಟು ಸದೃಢವಾಗಿಸಲು ಮಾತ್ರ ತ್ವಚೆಯಲ್ಲಿ ಹೊಳಪು ಹೆಚ್ಚಲು ಕೂಡ ಸಹಕಾರಿ, ವ್ಯಾಯಾಮ, ಯೋಗದಿಂದ ಮುಖಕ್ಕೆ ವಿಶೇಷ ಕಳೆ ಬರುತ್ತದೆ.

ಆರೋಗ್ಯಕರ ಡಯಟ್‌: ನಮ್ಮ ಸೌಂದರ್ಯ ಕಾಪಾಡುವಲ್ಲಿ, ವೃದ್ಧಿಸುವಲ್ಲಿ ಆರೋಗ್ಯಕರ ಡಯಟ್‌ ತುಂಬಾನೇ ಪ್ರಯೋಜನಕಾರಿಯಾಗಿದೆ.

ಮಾಯಿಶ್ಚರೈಸರ್: ಮಾಯಿಶ್ಚರೈಸರ್ ತ್ವಚೆಯಲ್ಲಿ ತೇವಾಂಶ ಕಾಪಾಡುತ್ತದೆ, ತ್ವಚೆ ಡ್ರೈಯಾಗುವುದನ್ನು ತಡೆಗಟ್ಟಲು ಸಹಕಾರಿಯಾಗಿದೆ. ಸನ್‌ಸ್ಕ್ರೀನ್ ಇವು ಸೂರ್ಯನ ಕಿರಣಗಳಿಂದ ತ್ವಚೆ ರಕ್ಷಣೆ ಮಾಡುತ್ತದೆ, ಸನ್‌ ಟ್ಯಾನ್‌ ಆಗುವುದನ್ನು ತಡೆಗಟ್ಟಲು ಸಹಕಾರಿಯಾಗಿದೆ.

ಮಾನಸಿಕ ನೆಮ್ಮದಿ: ಇದು ಕೂಡ ನಮ್ಮ ದೇಹ ಹಾಗೂ ಸೌಂದರ್ಯದ ಮೇಲೆ ತುಂಬಾನೇ ಪ್ರಯೋಜನ ಬೀರುವುದು, ಮಾನಸಿಕ ನೆಮ್ಮದಿಗೆ ಧ್ಯಾನ ಮಾಡುವುದು ತುಂಬಾನೇ ಪ್ರಯೋಜನಕಾರಿ. ಮಾನಸಿಕ ಒತ್ತಡ ನಮ್ಮ ಮುಖದಲ್ಲಿ ನೆರಿಗೆ ಬೀಳುವಂತೆ ಮಾಡುತ್ತದೆ. ಅದೇ ಮಾನಸಿಕ ನೆಮ್ಮದಿ ನಮ್ಮ ಮುಖ ಕಾಂತಿಯನ್ನು ಹೆಚ್ಚಿಸುತ್ತದೆ.